ahs fyrir 21 árum, 11 mánuðum Fjöldi lestra: 1665

Framtíð forritara

Núna undanfarið hef ég mikið verið að spá í framtíðinni. Hvað mig langar að gera/læra eftir stúdentspróf. Ég veit nefnilega ekki hvort ég vilji vinna við eða læra meira á tölvur. Það eru fullt af öðrum möguleikum sem mig langar að geta valið úr. Fara til útlanda í skóla/vinna, læra stærðfræði/heimspeki/eðlisfræði eða einhverjar listir, eða bara hvað sem er.

Þessvegna er ég núna að spá hversu mikinn möguleika maður hefur á því að lifa af, ef maður stefnir á einhverskonar forritunarvinnu…

Hver er framtíð okkar sem forritarar. Verður alltaf not fyrir okkur? Verða launin ekki bara súper lág? Er framtíð forritunar ekki sú að það þurfi alltaf færri og færri forritara, þó verkefnin verði stærri og stærri?

Nú er orðið svo algengt að fyrirtæki ráði forritara frá löndum þar sem krónan/dollarinn er mun verðmætari og láti vinna fyrir sig verkefni úr fjarska fyrir svimandi lágar upphæðir. Hvernig er hægt að keppa við svoleiðis?

Hvernig væri að sett væru á lög, sem bönnuðu sölu hugbúnaðarvinnu yfir landamæri? Ætli það mundi nokkuð ganga upp…

Hugbúnaður er auðvitað svo allt öðruvísi fyrirbæri en nokkuð annað sem verið hefur haft sem söluvara í gegnum aldirnar. Yfirleitt ef fólk lætur gera eitthvað einhversstaðar annarsstaðar, þá þarf að borga fluttningskostnað á móti, sem jafnar þesskonar mismun út í flestum tilfellum. Þannig er þessu auðvitað ekki háttað í hugbúnaðargerð.

Varðandi vinnuna, ætli það endi ekki á því að einhver gervigreind sér um að forrita allt fyrir mann? Þá yrði nú mikið um atvinnulausa forritara :). Varðandi launin, ég held að það sé nú nokkuð öruggt að í framtíðinni verði forritarar nokkuð láglaunaðir.

Hvað finnst ykkur? Hjálpið mér nú að taka ákvörðun…

________________________________

arnig fyrir 21 árum, 11 mánuðum

Ég vil nú byrja á því að óska þér til hamingju með að vera sá fyrsti sem skrifar grein hingað í 3 mánuði !!!!

Ég held að það verði alltaf not fyrir (góða) forritara. Ég tel að þetta byggist mikið á manni sjálfum, hversu mikið maður kann, og hvort maður fær góðar hugmyndir.

Ég hef trú á því að forritunarheimurinn eigi eftir að dafna vel og mikið í framtíðinni. (Ég allavega vona það, annars er ég í vitlausu námi :)

Fyrra álit

ahs fyrir 21 árum, 11 mánuðum

þú heldur að það verði alltaf not fyrir góða forritara. Já, ég er sammála. En ég held að mörkin á milli þess að vera meðal forritari og góður forritari sé að færast í áttina að því síðara.
Þannig að það er mun minna hlutfall forritara sem eru virkilega góðir og því fær afgangurinn ekki vinnu…

Þetta er bara staðreynd eins og markaðurinn er í dag. Svo útskrifast fleiri forritarar, og þeir fá ekki vinnu og þetta er vandamál sem á eftir að vera í gangi lengi.

Auðvitað er alltaf vinnu að fá fyrir þá sem eru góðir, maður þarf bara að vera svo svakalega góður nú orðið…

________________________________

Fyrra álit

Deeq fyrir 21 árum, 11 mánuðum

Þessi lög sem þú talar um yrðu alvarlegt brot á tollalögum WTO. ;) Við yrðum svooooo straffaðir. Þess má einnig geta að við yrðum væntanlega gerð útlæg úr flestum viðskiptabandalögum ef við myndum setja þvíumlík lög á, og kannske líka vegna þess að þá er fordæmið komið fyrir þvíumlíkum tollalögum á allar atvinnugreinar. Eins og staðan er núna þá byggist efnahagskerfið á frjálsum viðskiptum óháð landamærum. Sem er almennt gott mál.

Hvað er þetta Undirskrift pósta?

Fyrra álit

ahs fyrir 21 árum, 11 mánuðum

Ég veit nú alveg að svona lög yrðu aldrei notuð, en eitt er víst, að þessi frjálsi markaður sem efnahagskerfið byggir á, virkar ekki á forritunarheiminn… Ekki að mínu mati.

Og eftir 2 ár eigum við eftir að sjá enn meira atvinnuleysi í þessari grein. Maður sér það nú bara á þessu umræðuefni hvað þessi grein er í miklum dvala. Allur áhugi, metnaður og gleði er dottin úr mönnum.

________________________________

Fyrra álit

[Notanda eytt] fyrir 21 árum, 11 mánuðum

Ef þú hefur áhuga á stærðfræði þá myndi ég velja hana. Stærðfræðingar geta unnið við hvað sem er.
Þeir eru á toppi fæðukeðjunar.

Að segja að áhugi, metnaður og gleði sé dottin úr mönnum er að nokkru leiti rétt en ekki alveg. Ég held að fólk sé frekar bara svolítið hrætt við að prufa nýja hluti. Það voru svo margir sem fengju fast á trantinn í bólunni frægu.

Það sem þarf núna er að standa upp og sturta niður, við erum búinn að hreinsa nóg út í bili og um að gera að fara aftur að snúa hugsuninni að einhverju öðru.
Bara muna það að rökhugsun þarf alltaf að vera í gangi þegar hugmyndir eru þróaðar og ágætt að hafa allavega annan fótinn á jörðinni.

Fyrra álit

Deeq fyrir 21 árum, 11 mánuðum

Þú meinar að þessi frjálsi markaður virkar ekki á “forritunarheiminn á íslandi”. Þessi frjálsi markaður virkar hinsvegar afskaplega vel þar sem forritarar búa við lægri kjör.

Kíktu aðeins á rök kapítalista um kapítalisma sem jafnaðarstefnu áður en þú alhæfir. ;)

Hvað er þetta Undirskrift pósta?

Fyrra álit

ojb fyrir 21 árum, 11 mánuðum

Það er langt í það að tölvur muni gera allt sjálfar, við eigum fyrst eftir að kenna þeim mannamál almennilega, svo þurfum við öflugri tölvur til að fá almennilega gervigreind.
ÞEGAR Open Source hefur sigrað heimin getum við svo farið að gera mun stærri verkefni ;-)

Semsagt nóg að gera næstu áratugi, ef þú hefur hæfileika.

Fyrra álit

ahs fyrir 21 árum, 10 mánuðum

:)

þú heldur að open source eigi eftir að sigra heiminn… ?

lol

________________________________

Fyrra álit

ojb fyrir 21 árum, 10 mánuðum

Opin, ekki ókeypis ;-)

Fyrra álit

ojb fyrir 21 árum, 10 mánuðum

Aðalega vegna þess að ef fyrirtæki kaupir opin hugbúnað þá getur það alltaf leitað annað ef seljandinn hækkar verðið á þjónustu sinni, eða hættir starfsemi.

Fyrra álit

ibwolf fyrir 21 árum, 10 mánuðum

Orðið forritari er smá saman að verða úrelt. Sífellt minni hluti af vinnu tölvunarfræðinga fer (því miður) í að skrifa kóða. Greining, hönnun, skýrsluskrif og prófanir taka sífellt stærri hluta þannig að þó að e.t.v. sé hægt að kaupa erlendis sjálfa forritunnarvinnuna þá þarf áfram tölvunarfræðinga á staðnum til að finna út hvað hugbúnaðurinn á að gera og hvernig hann á að gera það.

Tölvunarfræðin er að verða eins og hver önnur verkfræðigrein og er að mörgu leiti að fjarlægjast tímann þegar ‘gúrúin’ réðu öllu.

Í augnablikinu er offramboð af tölvunarfræðingum og fólki með samsvarandi starfsreynslu/menntun. Það gerir það mun erfiðara að fá starf í bransanum en gott fólk fær vinnu á endanum.

Fyrirtæki eru orðin háð upplýsingakerfum. Þau geta ekki verið án þeirra. Án tölvunarfræðinga þá úreldast þessi kerfi á nokkrum árum. Tölvunarfræðingar eru orðnir nauðsynlegur hluti af rekstri fyrirtækja. Án okkar verður stöðnun og það getur ekkert fyrirtæki leyft sér til lengri tíma. Þannig að þó núna séu fyrirtæki búin að vera að halda að sér höndunum þá getur það ekki varað að eilífu. Nýr dagur mun rísa.

Fyrra álit

ahs fyrir 21 árum, 10 mánuðum

kannski…

________________________________

Fyrra álit

bbf3 fyrir 21 árum, 10 mánuðum

Svo er líka að myndast stærri og stærri gjá milli þeirra sem eru forritarar og þeirra sem eru menntaðir með BS í tölvunarfræði.

Gráðan er að verða sífellt mikilvægari og lengri menntun, svo sem master og sérstaklega doktorsnám í tölvunarfræði(aðeins 15 íslenskir doktorar í tölvunarfræði eru til) þannig að ef þú hefur áhuga á tölvunarfræði þá er það alveg góður og valid kostur.

——————-

Fyrra álit

Morrison fyrir 21 árum, 10 mánuðum

Ég mæli með eðlisfræði og stærðfræði. Ef þú ert að fikta í forritun á meðan þú ert í eðlisfræði/stærðfræðinámi þá verðuru ekkert síðri en sá sem er í tölvunámi, líklega betri.. annars virkar ekkert að halda einhverju svona fram og virkar heldur ekki að líta á sjálfansig sem meðaljón og fara eftir prósentum við val á námi. Ef þú ætlar í nám eingöngu til að fá vinnu og góð laun, þá mæli ég með tannlækninum.. hann hefur nægan frítíma og fín laun..

Ef þú ert með góða/ágæta hugmynd núna af einhverju forritunar projekti.. þá geturðu hugsað einsog meðaljón og sagt “það hlýtur einhver að vera búinn að reyna þetta” og hætt við allt saman. Eða þú getur komið þessu í verk og fylgst með hvernig gripurinn stendur sig.

Annars er það sennilega rétt hjá þér að “halfass” liðið á eftir að vera láglaunað.. það hefði frekar átt að velja annan feril ef það ætlaði að vaða í pening án þess að hreyfa á sér rassgatið.

Fyrra álit

Freysi fyrir 21 árum, 10 mánuðum

Morrison:
'Ef þú ert að fikta í forritun á meðan þú ert í eðlisfræði/stærðfræðinámi þá verðuru ekkert síðri en sá sem er í tölvunámi, líklega betri.. '

Ég ætla nú ekki að vera dónalegur en….ÞVÍLÍKT BULL! Ertu semsagt að segja að tölvunám sé til einskis nýtt? Að þú getir bara verið í öðru námi og jafnvel náð betri árangri í tölvunámi heldur en tölvunarfræðingurinn?
Tölvunám felst í raun ekki í það að læra forritun, heldur að læra hugbúnaðargerð. Ef þú ert einungis forritari þá kanntu að negla saman spýtur. Þú gætir búið til kofa og jafnvel lítið þriggja hæða hús. En það hús myndi falla um koll fljótt. Hins vegar ef þú ert hugbúnaðarhönnuður þá geturu búið til einbýlishús sem stenst tímans tönn.
Það sýnir sig að flestir þeir sem kunna ekki hugbúnaðargerð; þeir sem kunna ekki hönnun, skjölun, prófanir og þarfagreiningu, búa til CRAP forrit. Það vill bara svo til að þegar forrit eru lítil þá skiptir ekki öllu mali þótt þau séu crap. En þegar þau stækka…þá viltu hafa reyndan TÖLVUNARFRÆÐING við stjórnvölinn, ekki eðlisfræðing né stærðfræðing. Vissulega er gott að hafa þá kunnáttu sem þeir bjóða upp á, en þá fer maður bara og talar við þannig menn, fær utanaðkomandi álit. Að setja eðlisfræðing í stjórn á stóru hugbúnaðarverkefni er jafn fráleitt og að setja tölvunarfræðing við stjórn á alvarlegum eðlisfræðilegum tilraunum.

Ég myndi ráðleggja alla verðandi forritara að fara í skóla og læra tölvunarfræði. Ef þið hafið tíma og metnaðinn þá skuluð þið líka taka aukaáfanga í stærðfræði og eðlisfræði. Hins vegar er það engin krafa. Ef í framtíðinni, okkur vantar upplýsingar um eðlisfræði…þá ræðum við bara við eðlisfræðing.

Fyrra álit

arnig fyrir 21 árum, 10 mánuðum

Alveg hjartanlega sammála þér, Freysi !!

Fyrra álit

dnxcoded fyrir 21 árum, 10 mánuðum

Samála þér Freysi !!

Fyrra álit

Morrison fyrir 21 árum, 10 mánuðum

“Ef þú ert að fikta í forritun á meðan þú ert í eðlisfræði/stærðfræðinámi þá verðuru ekkert síðri en sá sem er í tölvunámi, líklega betri.. annars virkar ekkert að halda einhverju svona fram og virkar heldur ekki að líta á sjálfansig sem meðaljón”

Endilega að taka allt kvótið.. “virkar ekkert að halda einhverju svona fram” annars ætlaði ég ekkert að móðga tölvunarfræðinga. Samt ekki bera stærðfræðinga/eðlisfræðinga við þá sem kunna bara að negla spítur en ekki að byggja hús.

Fyrra álit

ojb fyrir 21 árum, 10 mánuðum

Munurinn á Tölvunarfræði og Stærðfræði/eðlisfræði námi sem snýst aðalega um hugbúnaðarfræði, þú getur tekið sömu stærðfræði námskeið í Tölvunarfræði og hinum tveimur, en það er ekki krafa, þó það hafi í fyrstu verið eini möguleikinn.
Verkfræði væri mun betri kostur ef þú vilt fá traustari grunn af sama tagi.

Fyrra álit

Morrison fyrir 21 árum, 10 mánuðum

“…þá ræðum við bara við eðlisfræðing”

Ekki það að ég ætli að starta rifrildi en.. væri ekki eins hægt að segja að “eðlisfræðingurinn ræddi þá bara við tölvunarfræðing” ?

Rökin ganga ekki upp.

Fyrra álit

Freysi fyrir 21 árum, 10 mánuðum

'Ekki það að ég ætli að starta rifrildi en.. væri ekki eins hægt að segja að “eðlisfræðingurinn ræddi þá bara við tölvunarfræðing” ?'

Auðvitað er hægt að segja það í alveg eins dæmi, þ.e. ef eðlisfræðinginn vantaði upplýsingar um tölvunarfæði þá ræðir hann við tölvunarfræðing.

' Samt ekki bera stærðfræðinga/eðlisfræðinga við þá sem kunna bara að negla spítur en ekki að byggja hús.'

Ég er ekki að gera það. Það sem ég sagði var að þeir sem ekki kunna tölvunarfræði, heldur einungis forritun, t.d. þeir sem læra sjálfir eða pikka upp smá forritun ‘on the side’ geta einungis neglt spýtur. Þetta á við um þá eðlisfræðinga og stærðfræðinga sem þykjast geta hannað hugbúnað þegar þeir kunna einungis að forrita. (Þeir gætu, og eru líklegast fínir á sínu EIGIN sviði hinsvegar :) Eins myndi ég lýsa tölvunarfræðingi sem hefði lesið ‘The Brief History of Time’ ef hann reyndi síðan að framkvæma teorískar tilraunir á svartholum eða þ.u.l. Pointið er, s.s., hver lærir sitt svið og ber virðingu fyrir sviðum annarra. Þótt að margir haldi því fram þá gerir forritunarkunnátta þig ekki að forritara. Það er eins og að segja að íslenskukunnátta geri þig að rithöfundi.

'Rökin ganga ekki upp.'

Eru þau skýrari núna? :)

Fyrra álit

Morrison fyrir 21 árum, 10 mánuðum

Já

Fyrra álit

Grunt fyrir 21 árum, 10 mánuðum

Áhugaverð umræða. Ég verð að segja að ég er algerlega ósammála þér Freysi. Ég er sjálfur með mastersgráðu í tölvunarfræði (þannig að ég þykist vita pínulítið um hvað ég er að tala :), og vinn á hverjum degi með kerfisfræðingum, tölvunarfræðingum og stærðfræðingum við hugbúnaðargerð, og það er alveg á hreinu í mínum huga að af þeim þá eru stærðfræðingarnir þeir bestu á þessu sviði. Ég held að skýringin á því sé tvíþætt, annars vegar þá læra stærðfræðingar mun meiri rökhugsun en nokkrir aðrir, og ekki síður, þá er stærðfræðin erfiðara nám sem krefst mikils aga, og öguð hugsun er afar mikilvæg í hugbúnaðargerð. Ég hef hins vegar ekki unnið með neinum eðlisfræðingum á þessu sviði, svo ég get ekkert sagt um þá.

Þannig að fyrir þá sem lesa þetta, og eru að spá í hvort eigi að fara í stærðfræði eða tölvunarfræði, þá er það engin spurning að mínu mati: Farið í stærðfræði. Ef illa gengur, þá má alltaf hafa tölvunarfræðina sem plan B.

-Gulli

Fyrra álit

midgardur fyrir 21 árum, 10 mánuðum

Ég held að gerð hugbúnaðar þróist í svipaðan farveg og önnur framleiðsla, þar sem starfsstéttirnar skiptast gróflega í arkitíkta, verkfræðinga og iðnaðarmenn. Þegar kemur að hugbúnaði þá greinist þetta jafnvel enn frekar niður í enn meiri sérhæfingu.

Forritarinn er sjálfsagt sá sem skrifar sjálfar kóðann, svona svipað og það eru smiðir sem smíða húsin sem aðrir hafa hannað og reiknað burðavirki í. Spurningin er hvort sjálfvirknin verði svo mikil að tölvurnar skrifi sjálfar kóðann útfrá hönnunarlýsingunum. Vera má að frumkóðun verði svo lítið brot af hönnuninni að það verði engin þörf fyrir einstaklinga sem gera ekkert annað en að kóða allan daginn.

Hvað sem öllum slíkum pælingum líður þá er nokkuð öruggt að það verður mikil þörf fyrir menntaða einstaklinga í hugbúnaðargeiranum. Þótt það sé tímabundinn lægð núna þá jafnar markaðurinn sig fljótlega með enn meiri eftirspurn eftir menntuðu vinnuafli á þessu sviði.

Að mínu mati er því það skynsamlegasta sem forritarar gera í dag sé að bæta við sig menntun eða ljúka því námi sem þeir voru byrjaðir í fyrir síðustu þennslu. Það verður gríðarleg þörf fyrir þá á næstu árum og áratugum.

M.

Fyrra álit

Apocalisp fyrir 21 árum, 10 mánuðum

Jú ég held að forritun eigi eftir að breytast talsvert, en það er nokkuð við þróun hugbúnaðar sem gerir þá atvinnugrein öðruvísi en aðrar greinar. Það er nefnilega verið að vinna með meta-hugtök, þ.e.a.s. hugtök sem lýsa öðrum hugtökum sem lýsa öðrum hugtökum ad infinitum.

Ég held að vinna við forritun eigi eftir að þróast talsvert yfir í meta-forritun, að skrifa forrit á máli sem lýsir víðari hugtökum. Þessi vinna verður unnin sífellt meira abstract. Einfalt dæmi eru tvö hugtök og samband milli þeirra. Forritari í dag myndi útfæra slíkt á einfaldan hátt með að skrifa tvo klassa og útfæra sambandið sem pointer á öðrum klassanum. Það á eftir að þróast meira út í að klassarnir verða í raun hlutir (meta-instance), og samböndin verða einnig hlutir. Þannig má útfæra t.d. many-to-many, many-to-one, one-to-one historical (pointer sem bendir fram eða aftur í tímann) o.s.frv. með hlutbundnum erfðum. Þannig geta sambönd milli hluta verið útfærð á marga mismunandi vegu og geta spannað mismunandi kerfi eða staðsetningu í tíma og rúmi.

Þannig að það er margt spennandi á teningnum í forritun, ef maður vill bara læra og fylgjast með.

Fyrra álit

Forritun

Forritun

Ofurhugar

Stjórnendur

Hverjir eru inni

Greinar

Framtíð forritara

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi