Ég viðurkenni það sjálur fúslega að oft hef ég ekki hugmynd um hvort fréttamyndir (svo dæmi sé tekið) séu varðar með höfundarrétti (nema þær séu með vatnsmerki).

Hins vegar langar mig að benda á tilkynningu á Harry Potter áhugamálinu {/hp} um myndir og höfundarétt.
Myndir, höfundarréttur og linkar.
Þar er nú orðin skylda að tengill fylgi innsendri mynd (beinn tengill á myndina).
Nú asnast ég sjálfur reyndar nokkuð oft til þess að senda inn myndir án tengils, oftast nær í fljótheitum, en auðvitað á maður ekki að senda inn mynd án þess að geta heimilda (sjá tilvísun í tilkynningu á /hp). Ég hef þó reynt eftir fremsta megni að hafa heimildalista með greinum og þráðum sem skrifaðir eru eftir efni á netinu eða úr bókum.

Hvað myndböndin varðar, sérstaklega YouTube-myndböndin, skil ég vel það sjónarmið að hafa ekki uppi myndbandakubb.
Hins vegar held ég að það ætti ekki að vera neitt að því að hafa sér kork fyrir myndbandaumræðu, þar sem hægt er að fjalla um myndbönd sem finna má á netinu og geta þeirra með tengli á þau, en ekki birta þau í þráðum með [ youtube ] [ /youtube ] kóðanum. Það á ekki að geta brotið á höfundarrétti ef settur er inn tengill á ákveðna mynd eða myndband sem hægt er að skoða á annarri síðu (innlendri eða erlendri) í stað þess að birta í þræði (svipað og Ultravox gerði með myndbirtingu á nýja Renault bílnum í þræði).

Er það nokkuð svo galin hugmynd?