Ég hugsa að það muni margir byrja að horfa aftur og hann rífi þetta upp, einhvern veginn finnst mér eins og formúlan hafi verið í ákveðinni lægð undanfarið.

Þó ekki hafi ég verið Schumacher maður, þá sér maður það að Formúlan dalaði mikið frá þeirri stundu sem hann hætti haustið 2006. Ég er einn þeirra sem vonuðust eftir því að hann kæmi aftur, því hann kann að laða að sér áhorfendur.

Hvað varðar þá ákvörðun Schumacher að fara til Benz, þá er best að benda á að hann var á mála hjá Mercedes Benz áður en hann hóf keppni í Formúlu 1, og raunar tvö tímabil eftir það, en til stóð að þegar að Mercedes Benz hóf vélaframleiðslu fyrir Formúlu 1 1993 (þá fyrir Sauber liðið) þá var hugmyndin að hann færi þangað frá Benetton. Hins vegar samdi Flavio Briatore hann út úr þeim samningi svo hann hélt áfram hjá Benetton. Nú vill fólk hinsvegar meina að hann sé kominn heim.

Ég vil nú efa það að Rosberg vilji nokkuð vera litla hjálparhellan hans Schumacher, eins og Irvine, Brundle, Massa, Herbert, Brundle og Patrese voru. En ef svo fer þá verð ég að taka undir vonbrigði þín í því.