Svona það sem búið er af tímabilinu hefur verið allt í lagi, þegar keppnirnar eru kláraðar. Brawn hafa verið mjög sterkir en ég held að hin liðin komi nú til með að standa þeim jafnfætis, alla vega Red Bull og jafnvel Toyota. Þetta eru sprækustu liðin í dag.

Maður ætti ekki að láta slakt gengi Ferrari og McLaren koma sér á óvart. Þessi tvö lið voru að keppa um titilinn í fyrra alveg til síðustu beyju og þurftu þess vegna að skipta sínum fjármunum á milli þess tímabils og þróun bílsins fyrir árið í ár. Þrátt fyrir að þetta séu rík lið, þá þurftu þau að leggja meiri áherslu á tímabilið sem var. Það hefði verið óafsakanlegt fyrir þau að hætta bara. Þess vegna er svo sem ekkert skrítið að bíllinn fyrir þetta tímabil hafi setið pínulítið á hakanum og það er að koma í bakið á þeim núna.

Ég myndi halda að liðin verði jafnari og jafnari þegar líður á tímabilið. Þegar mótið er svona hálfnað ætti að vera orðið frekar ljóst hverjir eiga einhverja möguleika og eftir það fara einhverjir sjálfsagt að einbeita sér bara að þróun bíls næsta tímabils.

Að mínu mati er velgengi Brawn, Red Bull og Toyota ekki tímabundin, það er frekar spurning hvort þeir nái að halda sér á undan öðrum liðum þegar þau verða komin með sínar útgáfur af loftdreifurunum.

Hver verður meistari? Ég er svo sem ekkert frá því að Brawn hampi titli bílasmiða, eins og staðan er núna. Aftur á móti vona ég heitt og innilega að Vettel taki titil ökumanna (fyrst að mínir menn eru í tómu tjóni). Ég vona að ég sé ekki að móðga neinn en ég hef bara enga trú á Button og finnst hann ekki eiga titilinn skilið. Þetta er maður sem hefur ekki getað neitt hingað til og hann er einungis að hagnast á því hve aðrir eru lélegir/óheppnir.

Ég varð fyrir vonbrigðum með mitt gamla McLaren lið sem missti allann minn stuðning eftir lygamálið svokallaða. En ég var sáttur með að sjá Button loksins kominn á samkeppnishæfan bíl, því ég er mjög svo ósammála síðasta ræðumanni, Button hefur nefnilega aldrei verið á góðum bíl en hefur alltaf náð að standa sig mjög vel miðað við bílana sem hann hefur haft til umráða. Sem dæmi 2006 ef ég man rétt þegar hann tók nokkra palla á slöppum Honda bíl, meðan Sato, sem hefur reyndar aldrei þótt neitt sérstaklega góður, var ýmisst langt á eftir honum eða búinn að keyra sjálfan sig og oftar en ekki einhvern annan út úr keppni.

Einnig er gaman að sjá Vettel og Red Bull vera svona sterk blanda eins og raun ber vitni og ég efast ekki um að Vettel taki meistaratitilinn á næsta ári ef að Red Bull stendur við sinn hluta af því. En eins og málin standa núna þá held ég að Button taki þetta með eigin getu sem og snilldargáfu Brawn sem felst í bestu liðstjórnun sem hefur verið í F1 frá upphafi.