Helduru að ég hafi ekki ýtt strax aftur á forward?
Engu að síður… Firefox gerir ekki ráð fyrir að geyma texta ef maður aulast til að ýta á back…

En svo ég reyni þá kannski á móti að rifja upp það sem ég hafði þegar skrifað (og aulalega eytt út), þá myndi ég jú kalla það fordóma að dæma tímabilið dautt áður en fyrsta mót hefst.
Það er enn vel rúmlega mánuður í fyrsta mót og margt getur gerst á þeim tíma. Sjálfur er ég ekki tilbúinn til að hlusta á sögur um „ragnarök" formúlunnar fyrir þær litlu sakir að Michael Schumacher sé hættur.
Keppnin í ár er að mestu leiti autt blað, miklar hræringar hafa átt sér stað á milli keppnisliða sem skapar vissa spennu fyrir tímabilið.

Þú minntist á að áhorf á formúluna hefði dalað eftir dauða Senna. En ef mér skjátlast ekki, þá óx það aftur þegar Schumacher fór að blómstra.
Vissulega var Schumacher einn af bestu ökumönnum sem komið hafa fram í formúlunni, skilur eftir sig fjöldan allan af metum sem verða líklegast seint slegin. Það þýðir samt ekki að nýir ökumenn geti vaxið og dafnað og hleypt lífi í formúluna á nýjan leik.
Ég væri þó ekki hissa ef áhorf á formúluna myndi aðeins dala í ár og jafnvel næstu 2 ár í viðbót, en það á eftir að aukast aftur.
Ekki hefur áhorf á knattspyrnu minnkað þó margir af bestu leikmönnum heims hafi lagt skóna á hilluna… Zidane hætti í fyrra, er af mörgum talinn einn besti knattspyrnumaður heims síðari tíma.
Maður kemur í manns stað, þó það taki 2-4 ár.

Fordómar geta verið í ýmsu formi, þótt sum láti minna yfir sér en önnur.
Það felst til dæmis vissir fordómar í því að horfa með lokuðum hug á komandi tímabil í formúlunni. Breytingum í formúlunni, sérstaklega jafn stórvæglegum og nú í vetur, á að taka með opnum hug. Þótt einn hætti og annar nýr komi inn, þýðir það ekki að tímabilið í ár sé sjálfkrafa dauðadæmt fyrirfram.

Það var þó aldrei ætlunin hjá mér að kalla þig rasista, eða uppfullan af fordómum. Ef þú hefur tekið skrifum mínum þannig, vil ég biðjast afsökunar á því.
Ég var einungis að segja mína skoðun á þínum skrifum. Ég er á því að dauðadómur formúlunnar vegna fráhvarfs eins aðila séu ekkert annað en fordómar gagnvart íþróttinni, sama hver kemur fram með þau orð.

Hvað Super Aguri liðið varðar, þá veit ég vel að allar líkur bendi til þess að liðið eigi eftir að verma botninn í ár, en það getur allt gerst í formúlunni og liðið gæti allt eins komist á pall á fyrsta móti ársins…
Vélabilanir, árekstar, aðrar uppákomur… allt þetta hefur áhrif á gang hvers móts fyrir sig og það er ekkert sjálfgefið að toppliðin hirði alltaf efstu sætin. Ég nefndi Super Aguri viljandi til þess að sýna fram á öfgana í formúlunni.
Þegar fyrsta móti er lokið, er fyrst hægt að spá almennilega í spilin. Þá höfum við séð bílana á fullri ferð og hvernig ökumenn eru að finna sig hjá liðunum.

En engu að síður átt þú rétt á þinni skoðun, sama hvað mér finnst um þá skoðun.
Ég bíð spenntur eftir fyrsta móti og hlakka til að sjá hvað liðin hafa uppá að bjóða í ár.