Það verður að horfa á þetta í samhengi. Schumacher er að verja heimsmeistaratitilinn. Hann leiðir núverandi keppni. Það er Ferrari _mikið_ kappsmál að heimsmeistaratitill ökumanna falli í skaut eins af ökuþórum þess og eins og málin standa í dag þá á Barrichello _mun_ minni möguleika. Honum er því skipað að víkja.

Leiðinlegt fyrir hann? Vissulega. En skiljanleg ákvörðun. Það var öllum ljóst þegar Barrichello réð sig til Ferrari að hann yrði ökumaður númer _2_. Og að ef svona staða kæmi upp þá yrði þessi skipun gefin.

Varðandi þá röksemd að ef þessi 2 stig komi til með að skipta máli þá “þá komum við til með að sjá heimsmeistara sem stóð sig EKKI BEST af öllum, nei nei, heimsmeistarinn stóð sig NÆSTBEST og fékk MESTU HJÁLPINA” ber að benda á að Coulthard hleypti Mika fram úr sér í Ástralíu 1998. Í ljós kom í lok tímablisins að hefði hann ekki gert það þá hefði Mika _ekki_ orðið heimsmeistari!!!! Ætlar einhver að verja þá skoðun að Mika Hakkinen hafi ekki átt “sigur skilið” það ár?

Varðandi Montoya þá eru orð Schumacher's skiljanleg. Montoya átti engan séns á að halda honum fyrir aftan sig. Það var augljóst að Williamsinn hafði hreinlega ekki hraðann (eða gripið eins og kom á daginn) til að halda Ferrari-num fyrir aftan sig. Það er eitt að verjast framúrakstri, annað að keyra andstæðing sem þú _getur ekki varist_ út af.

- ibwolf