Nú þekki ég ekki hvort að það séu enn hraðbrautir þar sem hámarkshraði er ótakmarkaður, en ef svo er þá fer þem óðum fækkandi. Jú, mörg verstu og fjölmennustu slysin verða í þoku og rigningu en þau verða líka við bestu aðstæður. Hef sjálfur farið fram hjá brotajárnshrúgunum á hraðbrautum Evrópu í sól og blíðu. Er búinn að heyra margar lýsingar frá fólki sem hefur keyrt fram hjá bílum sem eru gjörsamlega í henglum, skömmu eftir að sami bíll tók fram úr á ofsahraða við góðar aðstæður.

Það er rétt að maður þarf að horfa næstum því jafn mikið í speglana og fram fyrir sig á hraðbrautum en eins og í umferðinni í Reykjavík þá er allt of mikið af fólki sem er “úti að aka”. Þegar menn eru að keyra við aðstæður eins og í dæminu sem ég gaf hér áður þá þurfa menn ekki einu sinni að vera mikið úti að aka, menn geta einfaldlega lent í því að sjá ekki þann sem kemur aftanað á ofsahraða, eða einfaldlega misreikna hraðann (mjög einfalt þegar þú horfir á hlut í spegli og hlutirinn er á ferð í sömu stefnu og þú). Vandamálið er ekki endilega hæfni eða búnaður þess sem keyrir hratt heldur hvað gerist í kring um viðkomandi.

Heyrði einhverntíma sögu af Hakkinen þegar hann prófaði McLaren sportbíl (lofa því ekki að sagan sé sönn). Í stað þess að spyrja um afl vélar, hröðun o.s.frv. spurði karlinn um hvernig bremsurnar væru. Það er auðvelt að keyra hratt, vandamálið er að stoppa ef eithvað kemur fyrir.

Að sjálfsögðu þurfa að vera einhverjar reglur í umferðinni og þykir mér það í rauninni ekkert tiltöku mál að svipta hann fyrir að keyra á 204 á 130 svæði en það sem ég er að reyna að segja er að það þurfi ekkert endilega að vera svo hættulegt ef ökumaðurinn er fær.

Einhvern veginn minnir mig samt að reglurnar séu að ökumenn mega ekki hafa “óhreinan” ökumannsferil í hinni almennri umferð til þess að mega keppa. Er einhvers staðar hægt að fletta þessum reglum upp? Það væri virkilega áhugavert að vita.