Sæll Jón

Það er mjög gaman að taka myndir úr lofti. Til að skoða “annara manna myndir” bendi ég á myndasafnið á www.geirfugl.is og flugvallarmyndir á www.simnet.is/flugneminn.

Það eru afskaplega litlar líkur á ða þér takist að sníkja flug, nema þú þekkir flugmanninn þvi betur. Hins vegar eru sjálfsagt margir til í að fljúga með þig ef þú borgar bensín og annan kostnað. Það er yfirleitt á bilinu 4.000-15.000 á tímann.

Opinberlega heitir þetta “verkflug”, og til þess þarf sérstakt leyfi. Það eru nokkrir aðilar sem taka þetta að sér, ég myndi giska á Garðaflug, Jórvík og Helga Jónsson. Hins vegar má hvaða einkaflugmaður sem er taka farþega að þvi gefnu að farþeginn borgi einungis “beinan kostnað vegna loftfarsins”.

Annars mæli ég með að þú farir í kynningarflug hjá Geirfugli eða Flugskóla Íslands, og lærir einfaldlega að fljúga sjálfur. Þannig geturðu tekið allar þær myndir sem þú vilt án þess að vera upp á aðra kominn.

Kristbjörn

REGLUGERÐ
um skírteini útgefin af Flugmálastjórn Íslands.

“Einkaflug (Private aviation): Flugstarfsemi sem stunduð er fyrst og fremst ánægjunnar vegna, eða til öflunar frekari réttinda, og ekkert endurgjald kemur fyrir. Það telst jafnframt einkaflug ef maður flýgur í tengslum við starf sitt og hefur ekki hagnað af rekstri loftfarsins né fær sérstaklega greitt fyrir að stjórna því. Það telst ekki endurgjald þótt aðiljar skipti með sér beinum kostnaði vegna loftfarsins.”