Ég tók ekki bóklega hlutann með fullri vinnu EN ég var í fullum skóla, kannski svipað. Ég viðurkenni það alveg að það var svolítið erfitt, þó er ég frekar skipulögð manneskja. Það var ekki mikill tími fyrir margt annað en skólann og svo bóklega námið, en með skóla fylgir svolítil heimavinna en maður tekur vinnuna ekki alltaf heim. Persónulega eyddi ég samt mikið meiri tíma í bóklega einkaflugmannsnámið heldur en í skólann.
Hvað verklega hlutann varðar, þá var ekki mikill tími fyrir flug á meðan á þessari törn stóð - einn og einn tími hér og þar. En ég var langt komin með verklega hlutann þegar ég byrjaði á bóklega hlutanum og lauk svo bara við hann að námskeiðinu loknu.
Ég myndi ekki segja að það væri ekkert mál að vera í skóla/vinnu með þessu, en það er hægt ef maður hefur viljann og skipulagið.

Ef þú ert með forgangsröðina í lagi,þá ættiru að geta tekið einkaflugmanninn hér heima ásamt fullri vinnu.En ef þú ætlar að taka atvinnuflugmanninn eftir einkaflugmanninn,þá get ég ekki mælt með því að vinna mikið með því námi.

Ég skal koma hérna með smá lýsingu hvernig ferlið fór fyrir sig hjá mér.

Ég byrjaði á að fá sóló próf áður en ég fór í bóklega námið. Bóklega námið byrjaði í miðjum september og var í 10 vikur minnir mig. Svo tekur við smá próflestur fyrir bókleg próf. Þessar tíu vikur voru frekar erfiðar. Ég var í fullum skóla á daginn frá 8:00-16:30 og svo mætti ég í flugskólann frá 19:00-22:00. Tíminn frá 16:30 og 19:00 fór í smá pásu og heimalærdóm. Þessar 10 vikur voru frekar erfiðar og lítill frítími, en ég meina, þetta var ekki það langur tími. Maður getur alveg lagt þetta á sig. Svo þegar ég hugsa til baka þá var þetta skemmtilegur tími :D

Og einnig með flugtímana. Þá tók ég smá frí á að fljúga þegar það var mesta skammdegi, gafst enginn tími í það, og svo þegar það fór að vora þá kláraði ég einkaflugmanninn. Mjög óþæginlegt að taka alltaf einn og einn tíma kannski vikufresti svona á veturnar, betra að taka þetta allt í einu.

Ég brallaði einkaflugmanninn í Flugskóla Akureyrar. Þá var kennslan sett upp á þremur virkum kvöldum í viku - oftast; mán, þri og miðvikudagskvöldum frá 20 til svona 22:30 - 23.

Á meðan þessu stóð var ég í 28einingum í skóla og var í smá vaktavinnu líka. Þannig að þessir dagar hjá mér voru basically bara skóli, vinna, flugskóli. Eeeen þetta hafðist en borgaði sig enganveginn - maður er örmagna eftir svona daga. Mér fannst samt svo gaman í flugnáminu að mig hlakkaði ávalt til að fara í flugskólann á hverju kvöldi.

Er samt kostnaðurinn ekki miklu miklu meiri ef þú ert að fara út núna?

Er núna á hraðnámskeiðinu og ég hugsa að ég gæti þetta ekki með fullri vinnu.

Á fullt af spurningum úr veðurfræði frá FMS ef einhver vill ?, sendið mér bara e-mailið ykkar ef þið vilið….