Sæll.

Ég held að það fari aðallega eftir því hvað þú ætlar að gera í framhaldinu. Þ.e. ætlar þú í atvinnuflugmanninn? Og ef þú ætlar í hann, hvenær ætlar þú að vera tilbúinn, og ætlar þú út að fljúga, eða ætlar þú að fljúga allt/mest hérna heima.

Það er svolítið mikil alhæfing að segja að það sé dýrara að fljúga tíma hjá flugskólunum. Ég þekki stráka sem hafa keypt sér hlut í vél, og lítið sem ekkert flogið henni. Það gefur auga leið að verð per tíma þar er mun dýrara en hjá skólunum. Aðörir sem eru stapilir og fljúga alltaf 5-10 tíma á mánuði, eru hins vegar að koma betur út með því að eiga vél.

Þeir sem eiga vél eru með allan ganga á þessu. Sumir greiða í mótorsjóð af hverjum flognum tíma, aðrir borga fast á mánuði(sjaldgæft), sumir eru með vélina í kaskó, aðrir ekki. Siðan er misjafnt hve margir eiga í vélinni saman, og fer það mest eftir því hvort það eru tímasafnarar eða ekki. ég myndi segja að 3-5 væri sá fjöldi sem væri algengastur fyrir vél þar sem allir eru tímasafnarar, og þá er það oftast fast gjald á mán + floginn tími (5000 - 8000 fast á mán + 3000 - 5000 per floginn tíma).

Ég held að það sé erfitt fyrir nokkurn mann að segja til um það hvort þú ættir að kaupa hlut í vél eða ekki. Ég held þó að flestir séu sammála um það að gera það ekki, fyrr en þú sért kominn með eitthvað í kring um 70-100 tíma. Þá er nýjabrumið farið af skýrteininu, og þú frekar orðinn viss hvort þetta sé hlutur sem þú ætlar að leggja þetta fyrir þig eða ekki.

Sæll vertu. Í stuttu máli, þá er Geirfugl besti kosturinn. Ég skal gefa þér fimm einfaldar ástæður:

1) Þú kaupir hlut í félagi og hluturinn hefur eftir því sem ég best veit hækkað stöðugt og selst strax aftur vegna eftirspurnar, og stundum á yfirverði.

2) Það er mjög erfitt að eiga hlut í lítilli flugvél með fáum hluthöfum. Viðhald á vélum hefur hækkað stöðugt og varahlutir sömuleiðis, sérstaklega ef þeir eru keyptir frá USA, vegna dollarans. Oftar en ekki leysast svona félög upp vegna “fjármálaóreiðu”, eða m.ö.o. menn verða hratt fátækir ef ekki er haldið vel um taumana frá upphafi.

3) Geirfugl er ehf. sem þýðir að þú kaupir hlut í félaginu og þess vegna geturðu aldrei tapað meiru en hlutnum þínum ef félagið verður fyrir einhvers konar fjárhagslegu áfalli. Menn hafa orðið gjaldþrota í öðrum félögum þegar vélar hafa krassað.

4) Eins og þú sagðir sjálfur, fallegar vélar og ekki gleyma að sú elsta er frá 1982, fyrir utan C-150 vélina sem er frá 1975.

5) Frábær félagsskapur. Ég þekki nokkra. Félagið er rekið eins og fyrirtæki og allur aðbúnaður og tækjakostur er eins og best verður á kosið, og svo má ekki gleyma því að þeir sem hafa kennararéttindi í félaginu eiga kost á að komast að við kennsluna.

Hvað sem þú gerir, þá mæli ég með því að þú kannir vel alla möguleika og eins og eggertsae segir þá veltur þetta auðvitað á því hvað þú ætlar þér í framtíðinni. Þú sagðir að í Geirfugli mættu menn aðeins fljúga ákveðið mikið á ári og það er rétt, EN, þú mátt fljúga fleiri tíma, en þá bætist aðeins ofan á tímagjaldið. Það er allt og sumt. Ekki henda öllum peningunum þínum í Flugskólana, ég ábyrgist að þú færð ekki raunvirði peninganna.

Ef þú vilt komast að í Geirfugli skaltu fara á heimasíðuna þeirra, www.geirfugl.com og sækja um. Þá strax hefurðu a.m.k. bætt við valmöguleikana. Ég veit að það eru einn eða tveir hlutir á lausu. Settu bara “jmk á Huga” í athugasemdir, það gæti hjálpað ef einhver Geirfugl hefur lesið þitt efni hér á huga.

Ójá, eitt enn. Hluturinn kostaði víst 225.000.- síðast þegar ég heyrði.

Kv.

Mazoo