Ég er sjálfur atvinnuflugmaður og flugkennari og miðað við það sem ég hef heyrt núna undanfarna daga þá er ekkert sem mælir mjög á móti því að hefja flugnám,hef meira að segja heyrt að þeir sem byrja að læra núna geti verið í góðum málum þegar þeir klára. Þá er niðursveiflan búin og uppsveifla byrjuð aftur.
Þú verður að skilja að það eru alltaf sveiflur í fluginu hér heima og þeir sem þrauka fá vinnu á endanum, einnig er þetta mikið breitt í dag, skírteinið sem þú færð núna gefur þér rétt á að vinna alstaðar í evrópu.
Einkaflugmannsskírteinið kostar einhvestaðar um 600000 inn í því eru 45 tímar og bóklegt námskeið ef ég man rétt, ef þú ert búinn að vera að læra eðlis og stærðfræði í framhaldsskóla þá ætti þetta ekki að vera svo erfitt.
Atvinnuflugmanns námið er svolítið krefjandi og þarf maður að leggja sig fram við að lesa og læra heima (allt lesefni er á ensku)
Það er sagt að það kosti um 4-6 milljónir allur pakkinn, fer mikið eftir því hvaða leið þú velur að fara. Það er hægt að læra allt hérna heima og veitir LÍN lán fyrir bóklega atvinnuflugmannsprófinu.
Margir taka einkaflugmanninn þegar þeir eru í framhaldsskóla til að dreifa kostnaðinum svolítið, námskeiðið sjálft er kvöldnámskeið þannig að það hefur ekki svo mikil áhrif á skólann og ef menn eru duglegir að læra þá er þetta ekkert mál.
Ef þú hefur einhverjar fleiri spurningar þá bara endilega spurðu og ég skal reyna að svara þeim eftir bestu getu

Ekki spurning að þú átt að fara að læra. Flugið er ólæknandi baketría sem fer ekki og ef þú lærir ekki átt þú eftir að hugsa til baka þegar árin líða og segja bara ef ég hefði……..
Varðandi atvinnuhorfur þá er það ´rett að það er ekki bjart yfir núna en það mun koma. Þegar ég var að læra ‘93-’94 þá var heldur ekki bjart yfir, en allir sem voru í mínum bekk eru í vinnu í dag sem flugmenn fyrir utan 2.
Skelltu þér bara í þetta og ef þig vantar ráð bara skrifa.
Gangi þér vel og kveðja.
Fresca

Highflyer og Fresca hafa rétt fyrir sér. Ef þú reynir ekki, þá muntu alltaf sjá eftir því, það er næstum öruggt. Það er ekkert mál að fá peninga til að læra, bankarnir eru vinir þínir og einhverjir veita lán sem er þannig að þú þarft ekki að byrja að borga til baka fyrr en þú færð vinnu! Það er auðvitað alveg meiriháttar gott. En ef þú hefur svona mikinn áhuga skaltu byrja strax að læra. Það er mjög snjallt að vera búinn með einkaflugmannsprófið áður en þú klára stúdentinn svo þú getir farið strax í atvinnuflugnámið. Málið er nefnilega þannig að ef þú hefur hvergi verið í vinnu sem flugmaður, er erfitt að fá vinnu eftir þrítugt. Því fyrr sem þú klárar, því betra. Fyrir tveimur til fjórum árum snerist þetta um það að vera fljótastur því það var auðvelt að fá vinnu. Þú sagðir að þú hefðir ekki vitað hvað margir flugmenn væru hjá Flugleiðum. Skv. mínum heimildum voru 241 flugmenn hjá félaginu fyrir uppsagnirnar. Annað sem margir gleyma, er að gamlir flugstjórar fara á eftirlaun svo það er alltaf einhver þörf fyrir nýja flugmenn. Hættu svo þessu bulli og farðu að fljúga!! Gangi þér vel.

Kv.

Mazoo

Ég myndi nú fara í einkaflugið og klára það með stúdentnum. Fara svo í háskólanám og fá BS gráðu í verkfræði eða tölvunarfræði og safna tímum á meðan. Svo þegar þú ert ert búinn þar þá fara í atvinnupakkann…..en þetta er nú bara það sem mér finnst…