TF-FTT hlekktist á, í lendingu á Raufarhöfn

Er Flugskóli Íslands ekki bara eini skólinn sem er að fljúga eitthvað? Er það ekki bara málið?

deTrix

Fyrra álit

0

Jú held að það hljóti bara að vera rétta svarið.
Heyrði reyndar áðan að þetta hafi verið yfirflug og þeir hafi rekið nefhjólið niður, en hvað veit maður, erfitt að segja.

Fyrra álit

0

deTrix25 fyrir 21 árum

Reyndar er þetta malarvöllur… mínar bækur myndu segja mér að lenda á þessum velli að sumri til…

Fyrra álit

0

nonni757 fyrir 21 árum

Öll flugóhöpp síðustu ár hafa verið tengd flugskóla Íslands. Ástæðan er ekki sú að þeir séu einu sem fljúga… því það er mikið meira um einkaflug á einkavélum og auk þess flýgur Geirfugl mikið meira en flugskóli Íslands. Ég held að stjórnendur skólans skuli fara að athuga kennaraúrvalið, því allir þessir kennarar sem eru að kenna þarna, eru menn sem hugsa bara um það að safna tímum, svo að þeir fái vinnu seinna meir. Ég var sjálfur bara að fljúga um daginn þegar einn nemandi úr flugskóla Íslands var í sóló á sama tími. Ég var cleared for Take off á 13, og hann sagðist vera á lokastefnu 13! allt í lagi með það og ég fékk, clearance! en þegar ég var að rúlla, tók ég eftir því að hann var á lokastefnu 31! FÁVITI, sem kunni ekki brautirnar, þessir menn eru hættulegir!

Fyrra álit

0

Putnarass fyrir 21 árum

Geirfuglsmenn fljuga mest, vita allt best og fa alltaf flottasta kvenfolkid. Allir adrir eru vitleysingar.

Undirritadur er ekki i geirfugli!

Fyrra álit

0

capt163 fyrir 21 árum

Þetta var reyndar ekki kennsluflug (skildist mér allavega á fréttinni), það er spurning hvort reynsluleysi flugmannsins sé um að ræða, allavega minnir þetta á óhappið á FTL á Stykkishólmi í vor þar sem flugmanninn skorti þjálfun til þess að bjarga sér úr misheppnuðu aðflugi/lendingu.

Svo er ekki ólíklegt að aðstæðurnar á vellinum séu ekki góðar, og þá má deila um hvort rétt hafi verið að reyna lendingu þar.

Ég treysti mér allavega ekki að fullyrða neitt fyrr en ég fæ fleiri upplýsingar.

Það er allavega gott að þeir sluppu báðir heilir út úr þessu!

Fyrra álit

0

JTG fyrir 21 árum

Aðstæður á vellinum voru ekki góðar, þeir voru búnir að fá fréttir um það að vera ekkert að lenda sökum snjó og ísingar á braut.

Fyrra álit

0

pitchfork fyrir 21 árum

hlekkjast á? plz explain :l

Fyrra álit

0

skyhawk fyrir 21 árum

Samkv. textavarpinu á RÚV þá var ætlunin að yfirfljúga en þeir hafi rekið nefhjólið niður. Þetta var víst kennsluflug þar sem nemandi og kennari voru um borð og kennarinn flaug. Ég held að það mætti stífa þann kennara. Þó svo menn vilji low passa þá er ekki þar með sagt að þeir þurfi að vera einhverjum millimetrum fyrir ofan brautina.

himnahaukurinn!

Fyrra álit

0

capt163 fyrir 21 árum

Jæja, ég var að heyra að vélin var í low passi undir stjórn kennarans, og rakst í snjóruðning!

Low pass í bókstaflegri merkingu!

Fyrra álit

0

SteinOs fyrir 21 árum

Ef að maður hefði krassað á velli sem maður mætti ekki lenda á í öllu falli myndi maður þá ekki segja að þetta hefði verið bara yfirflug ? ;) Það yfirflýgur engin þannig að nefhjólið rekist í ! allavega þarftu að sigla henni á ansi skrítnu horni niðurávið til þessa

Pæling.

Fyrra álit

0

nonni757 fyrir 21 árum

Kennarar verða að sýna fordæmi, ef flugið á ekki endanlega að deyja út hérna á klakanum. Var eitthvað veður í svona yfirlandsflug á 152 í dag?? Annað, síðast þegar óhappið var í Hvalfirði, þá gekk á með snjókomu og ísing í lofti. Samt sem áður fer kennarinn í lofið með nemanda. Ég er ekkert að tengja veðrið við óhappið í dag, en það er klárlega eitthvað að! því miðað við hversu fáar vélar fljúga hérna, þá er of mikið af óhöppum, og þau öll hjá Flugkskóla Íslands. Menn geta ályktað hvað sem er frá því, en mín skoðun eru kennararnir þar, því ekki er hægt að segja að vélarnar séu bilaðar!

Fyrra álit

0

Bronco fyrir 21 árum

Ég vill alls ekki vera dómharður en ég held að miðað við þær uppákomur sem átt hafa sér stað hjá Flugskóla Íslands sé alveg rökrétt fyrir FÍ að endurskoða verklag hjá sér og fara yfir grunn atriði varðandi flugkennslu og verklag með flugkennurum sínum. Þetta virðist oft tengjast reynsluleysi og skort á góðri dómgreind.

Fyrra álit

0

BjorgvinR fyrir 21 árum

Það getur hver sem er lent í svona slysi, jafnvel þeir allra bestu og með flesta flugtimana. Ég held að menn ættu að spara stóru orðin, það er aldrei að vita nema þeir sjálfir lendi í einhverju seinna meir!! Aftur á móti má deila um hvort að C-152 hafi eitthvað erindi á annað borð út á land á þessum árstíma.

Fyrra álit

0

[Notanda eytt] fyrir 21 árum

Það er alltaf slæmt þegar slys verða.

Það er lítið mál að misreikna flughæð þegar snjór hylur jörð og svokölluð snjóblinda er fyrir hendi, ég yrði ekki hissa ef ég heyrði að sú væri raunin í þessu tilfelli.

Ég hef sjálfur fengið minn skerf af taugatitringi þegar ég hef flogið við álíka aðstæður þar sem ég flýg þyrlu og því oftar en ekki í lægri flughæðum en flugmenn flugvéla. Þegar flogið er svo nálægt jörðu eins og menn gera í yfirflugi yfir flugbrautir verða menn að hafa allan vara á sér vegna möguleika á snjóblindu.

Mig langar til að benda á að þegar flugvélum er flogið mjög nálægt jörðu eða innan jarðhrifa (ground effect) þá beinist nef þeirra ávallt niður/framávið vegna þess að lyftikraftsviðnámið minnkar. Það gerir að verkum að nefhjólið stendur mun lægra en ella og verður líklega fyrsti hluti flugvélarinnar til að ná jarðsambandi við þessar aðstæður. Ef einhver er ósammála mér eða telur mig fara með rangt mál þá er umræddum hér með gefið skriflegt veiðileyfi á mig.

Það eru frábærar fréttir að heyra að ekki fór verr og að enginn hafi slasast í þessu slysi og vona ég að við verðum þeirrar gæfu aðnjótandi að þurfa ekki að lenda í þessu sjálf. Það fer yfirleitt hrollur um mann þegar heyrist af flugslysum hér á landi vegna þess að flugheimurinn er lítill á Íslandi og við þekkjumst flest öll á einhvern hátt.

Reynum að læra af mistökum annarra því við höfum ekki bolmagn í að gera þau öll sjálf!

Lifið heil,
Helico.

Fyrra álit

0

JTG fyrir 21 árum

Mikið rétt hjá þér Helico. Það kæmi manni ekki á óvart ef það hafi verið snjóblinda sem átti þarna hlut í máli. Þegar flogið er svona nálægt snjó er ótrúlegt hvað auðvelt er að misreikna hæð.

Fyrra álit

0

time fyrir 21 árum

jæja, við skulum nú ekki vera of dómharðir. ég held að það sé nú ágætis refsing bara að “lenda” í svona. svo ekki sé talað um vesenið sem á eftir fylgir. gott og vel, klaufaskapur en ágætis aðvörun til okkar allra. kveðja

Fyrra álit

0

piper fyrir 21 árum

Þess vegna er Putnarass ekki með flottri kerlingu

Fyrra álit

0

capt163 fyrir 21 árum

Langflestir þeirra sem eru að kenna í dag hafa lært hjá sama skólanum, F.Í. líður fyrir það að fljúga langmest af þessum skólum, eða um 15.000 flugtíma á ári, þannig að það er ekki skrýtið að meira fréttist af honum en öðrum skólum.

Allir kennarar þurfa samt að vanda sig við kennsluna og kenna góða flugmennsku.
Fólk sem kann ekki alla procedures við völlinn ætti ekki að fljúga sóló fyrr en það er með hlutina 100% á hreinu (Og það er kennarans að ákveða)

Fyrra álit

0

otri fyrir 21 árum

Til að rétt sé rétt, þá var kennsluflug hjá Flugskóla Íslands 2002, 6595 tímar.

Aðrir skólar samanlagt kenndu 2292 klst.

Þetta er hægt að finna í ársskýrslu Flugöryggissviðs sem er á netinu hjá caa.is

Varðandi allt tal hjá þeim sem vita betur og eru betri flugmenn en þeir sem lenda í óhöppum, ættu fæst orð að bera minnsta ábyrgð þegar ástæður flugslysa eru annars vegar. Menn eiga að leyfa þess til bærum aðilum að meta þau gögn sem fyrir liggja og svo eiga menn að nota niðurstöður til að læra af þeim.

Mér finnst til dæmis að það ætti að vera skyldulesning hjá öllum sem starfa við flugkennslu að lesa flugslysaskýrslur sl. 20 ára, vegna þess að yfirleitt eru menn að gera sömu mistökin aftur og aftur..

kveðja,

Otri

Fyrra álit

0

SiggiBen fyrir 21 árum

Ég get ekki annað en dáðst að slíkum andans mönnum sem nonni757 er. Hann er eflaust mjög góður flugmaður enda slysalaus með öllu. Það að segja að flugkennarar Flugskóla Íslands beri ábyrgð á öllu sem miður fer í einka- og kennsluflugi á Íslandi er ábyrgðarlaust og slík ummæli dæma sig sjálf.

Hugi.is er frábær miðill en þar sem menn geta tjáð sig nafnlaust þarf að sýna smá snefil af dómgreind og ábyrgðartilfinningu. Ég held að sumir sem stunda þennan vef sleiki út um og smjatti þegar svona nokkuð gerist. Þarna gefst nokkrum smásálum gott tækifæri til að láta ljós sitt skína eins og dramatísk reynslusaga nonna757 sannar.

BjörgvinR sagði allt sem segja þarf og best er að láta RNF komast að niðurstöðu í þessu máli.

Margir verðandi flugnemar sem eru að leita upplýsinga um flugnám kíkja við á Huga og það er mjög alvarlegt ef þar er verið að rægja menn og stofnanir í skjóli nafnleyndar. Það er hagur okkar allra að efla einkaflug á Íslandi og það gerum við ekki með skítkasti innan okkar eigin raða.

Kær kveðja,
Siggi Ben

Fyrra álit

0

Gomer fyrir 21 árum

Ég get ekki annað en verið sammála Otra.
Nema það eiga fleiri en Flugkennarar að lesa þessar slysaskýrslur.
Það eiga allir flugmenn að lesa skýrsluranr frá RNF það er hægt að læra alveg svakalega mikið af þeim.

Það lifir enginn nógu lengi til að gera öll mistökin sjálfur.

Gome

Fyrra álit

0

Flug

Flug

Ofurhugar

Stjórnendur

Hverjir eru inni

Korkar - Almennt um flug

TF-FTT hlekktist á, í lendingu á Raufarhöfn

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi