Það sem að ég get ráðlagt þér er að skoða þessi mál mjög vel. Talaðu við eins marga og þú getur um hvaða flugskóli menn mæla með og hvaða reynslu menn hafa af flugskólum. Þetta nám kostar mikla peninga og því eiga menn alls ekki að ana út í neitt. Það er ekkert verra en að verða ósáttur við þjónustu eða tapa peningum. Oftast heyrir maður hjá þeim sem að verða ósáttir að þeim finnst skólinn líta á það að þeir séu að gera flugnemanum greiða en ekki að nemandinn sé að kaupa sér þjónustu þeirra.
Það er alveg rétt sem að detrix25 segir, aldrei að borga neitt fyrirfram né kaupa pakka. Það er alveg sama hversu mikið flugskólinn reynir að sannfæra þig um að kaupa pakka. “Don´t do it”. Um leið og þú gerir það hefur flugskólinn þig í vasanum. Þú færð þennan pening aldrei aftur. Þú getur ekki skipt um skóla ef þú verður óánægður og í versta falli ef skólinn fer á hausinn þá ertu búinn að tapa peningnum. Skólinn mun aldrei upplýsa þig um stöðu mála hjá sér. Það eru til dæmi í sögunni að skóli sem að var að fara í gjaldþrot seldi pakka fram til síðasta dags og aldrei var nemendunum sagt neitt. Þeir komu bara einn daginn að lokuðum dyrum.
Ég sjálfur þekki það hvernig er að skipta við flugskóla sem stendur á brauðfótum og það er ekki skemmtilegt. Stanslaust verið að ljúga að manni þrátt fyrir ýmsa erfiðleika.

Aðal atriðið sem að þú þarft að hafa í huga er hversu traustur er skólinn.

Veldu vel, kveðja Bronco.