Ef það hefur vængi er gamann að fljúgja því.
:)

En ef það hefur vængina fyrir ofan er mun skemmtilegra af fljúga þeim!!

himnahaukurinn.

ég er sammála þér, ég tók fyrstu 20 tímana mína á lágþekju (be-77) og finnst þær mun skemtilegri, CG er nær vængjunum og því eru þær í eðli sínu óstabílli og fyrir vikið “liðugri” þeas, ef þú beygjir þá beygjir vélin.
En lang stæðsti kosturinn við Cessnu er náttulega útsýnið.

þetta er bara smekksatriði, bæði er best.
En ef þú getur valið milli þess að læra á lág eða háþekju þá myndi ég velja lágþekjuna.

Persónulega finnst mér mun skemmtilegra upp á útsýnið að gera að vera á lágþekju, mun betra útsýni. Ég hef verið að fljúga Cessnum og Socata vélum og mér finnst vængirnir á cessnunum hreinlega eyðileggja útsýnið allt of mikið, ég ætlaði ekki að trúa mínum eigin augum þegar ég fyrst flaug á lágþekju hvað útsýnið var miklu betra. Ég lærði á Cessnu 152 sem er bara mjög skemmtileg vél að læra á, auðvelt að lenda henni (enda sigursæl í lendingarkeppnunum) og fyrirgefur vel. Eftir á að hyggja var bara mjög fínt að læra á háþekju en þó finnst mér þegar maður er kominn á Cessnu-172 hún verða leiðinlega þung í stýrum í flugtaki-klifri/lendingum og hægflugi. Ég get þó ekki commenterað á lágþekjurnar í Flugsýn en ég held að menn hafi bara gott að því að prufa bæði. Varðandi flugeiginleika finnst mér vera meiri munur milli stærðanna á vélunum heldur en hvort þær eru lág- eða háþekjur eins og finnst vel milli C-152 og C-172. Maður er stundum í meiri fíling til að fljúga háþekjum og hinn daginn er maður ólmur í að fara á lágþekjuna þannig að ég held að málið sé bara að vera ekki að festa sig um of í sömu stellingunni heldur njóta alls þess sem flugið hefur upp á að bjóða.

Sæll Yngvi.

Til hamingju með fyrsta flugtímann! Ég held að svörin við spurningu þinni verði jafn mismunandi og þau verða mörg.

Mér hefur fundist ágætt að fljúga lágþekjum á borð við Piper Cherokee og Piper Aztec, þær eru mjög þægilegar. Gamli góði Skipperinn er líka mjög skemmtilegur ef maður er ekki að flýta sér mikið :-) Einnig eru háþekjur eins og C-152 og C-172 mjög góðar til síns brúks.

Spurningin er hins vegar alltaf þessi: hvað ætlar þú að brúka viðkomandi flugvél? Ætlarðu að fljúga um og njóta útsýnisins? Ætlarðu að nota hana í ljósmyndaflug? Viltu geta lent vélinni hvar sem er eins og á ósléttum túnum, fjörukambi eða á fáförnum sveitavegi? Viltu fljúga hratt eða hægt? Ertu á leiðinni í farþegaflutninga og svo má lengi spyrja….

Ég mæli með því að þú prófir allar þær flugvélategundir sem þú kemst yfir svo þú getir ákveðið þetta sjálfur. Þar sem mér sýnist þú vera að byrja flugnám þá mæli ég með að þú látir nægja að fljúga einni vélartegund fram að einkaflugprófi og byrjir eftir það að prófa fleiri tegundir.

Að mínu mati eru C-172 vélarnar alveg frábærar. Ég geri þær kröfur að mögulegt sé að fljúga vélinni mjög hægt og bjóði gott útsýni í hægflugi, það er vegna þess að ég stunda töluvert ljósmyndaflug. Þá eru engir vængir að þvælast fyrir manni en því er ekki að fagna á lágvængjum. Vissulega verða þær hálf þunglamalegar í stýrum í hægflugi en það er allt í lagi. Flestar flugvélar verða þungalamalegar á lágum hröðum vegna minna loftflæðis yfir stýrisfleti.

Cherokee og Socata flugvélar eru flottar í yfirlandsflug þar sem kröfur um meiri hraða og betra útsýni eru gerðar. Þær eru yfirleitt hraðfleygari en C-172 og svo er mjög þægilegt að lenda þessum flugvélum þar sem þær láta mjög vel að stjórn.

Læt þetta nægja í bili og gangi þér vel í flugnáminu.

Kveðja, Helico.

Þær hafa náttúrulega bæði sína kosti og galla, flestir flugnemar byrja á C-152 því að háir vængirnir tryggja meiri stöðugleika, auðveldari lendingar og betri clearance yfir jörðu (t.d. snjóruðningar og þvílíkt) en lágþekjurnar.
Lágþekjur eru oft meira advanced, þ.e. hafa stærri mótora, skiptiskrúfur, uppdraganleg hjól og meiri flughraða svo eitthvað sé nefnt.

Það fyrsta sem ég man eftir í sambandi við flugeiginleika er það að lágþekjur finna mun meira fyrir ground-effecti en háþekjur. (Sem getur valdið óvönum flugmönnum erfiðleikum í stuttbrautar- og mjúbrautarlendingum)Þess vegna mæli ég með að þú lærir á háþekju (t.d. C152) og fljúgir svo öðru hverju á lágþekju til þess að venja þig við það.

Til hamingju með fyrsta tímann,
<br><br>Capt163