Kristbjorn fyrir 22 árum, 4 mánuðum Fjöldi lestra: 741

Klíkur, samtök, félög og stofnanir í einkaflugi

Mazoo sendi inn grein sem endaði á korki um þetta mál. Hér eru hilmiklar pælingar um málið, og ég tel að þessi umræða eigi fullkomlega heima sem grein.

Það sem við þarf að skilgreina eru verksvið klúbbanna. Við erum með heilan helling af félögum, en lítið af fólki til að manna þau. Ef allir eru að gera sama hlutinn, hver í sínu horni, þá verður ekkert úr neinu.

Þau félög (og flokkar félaga) sem ég man eftir í svipinn eru:
- FÍE, Félaga Íslenskra einkaflugmanna
- Flugmálafélagið (og vélflugdeildin sérstaklega)
- Svæðisbundnir flugklúbbar (Mosó, Selfoss, Ísafjörður, Akureyri, Egilstaðir, fleiri?) Mismunandi virkir, og ekki til flugklúbbur í Reykjavík.
- Eigendafélög (Geirfugl mest áberandi, önnur mis aktív)
- Klúbbar um ákveðna tegund af flugi (Fluglist, fisflug, svifflugfélög, flugmódelfélög og annað slíkt)
- Sérhagsmunasamtök (hollvinir flugvallarins, 102 Reykjavík o.fl.)
- Flugskólar (ekki beint klúbbar, en þeir haf sitt hlutverk)
- Flugmálastjórn (sitji guðs englar, saman í hring)

Síðan höfum við nokkur verkefni, sem mig langar til að deila niður á þessa aðila.

- Félagslíf og uppákomur
- Hagsmunagæsla
- Útgáfa og öryggismál
- Kynning á einkaflugi og flugi almennt
- þjónusta við einkaflugmenn (planning, veður upplýsingar o.fl.)

Það flóknasta hér er sennilega að skipta verkum milli FÍE og Flugmálafélagsins. Flugmálafélagið virðist að minnsta kosti bæði vera að sjá um félagslífið (Múlakot), öryggismál (flugöryggisfundir) og kynningarmál (flugdagur 20.júlí). FÍE er ekki að gera neitt nema útvega aðstöðu fyrir fólk tilað röfla á laugardagsmorgnum.

Ég sé ekki að neitt apparat sé beinlínis að sinna hagsmunagæslu (veita olíufélögum aðhald, stoppa allar hugmydir um hærri gjöld á einkaflug, finna framtíðarlausn á einkaflugi frá Höfuðborgarsvæðinu, sjá til þess að flugskóli ríkisins sé ekki í höndum gróðabraskara, skrifa blaðagreinar og fleira tengt). Þetta er það sem AOPA er að gera í bandaríkjunum með verulega góðum árangri. Ég vil að FÍE fái þetta hlutverk.

Ég vil að stærstur hluti af félagslífi og uppákomum verði neðarlega í kerfinu, hjá svæðisbundnum klúbbum, og eigendafélögum. Einn eða tveir stórir atburðir á ári (Múlakot og flugrallý) ættu þó að skipuleggjast sameiginlega af öðru apparati, t.d. Flugmálafélagi.

Flugmálastjórn ætti að sjá um útgáfu og öryggismál að sem allra mestu leyti, með samstarfi og samvinnu við FÍE og Flugmálfélag. Svæðisbundnir flugklúbbar og eigendafélög ættu að sjá um uppbyggingu á aðstöðu fyrir einkaflugmenn. Flugmálafélag og FÍE ættu í sameiningu að sjá um kynningarmál eða skipta með sér verkum

Arngrímur er að gera vinna gríðarlega gott starf með Flugmálafélagið, en mér finnst vanta skýrara verksvið. Flugmálafélagið er sett upp sem regnhlífarsamtök annara félaga, og tekur bæði inn svæðisbundin félög og félög um ákveðnar tegundir flugs. FÍE hefur hingað til alltaf verið félag einstakling, þó nú sé rætt um að eigendafélög og flugklúbbar heilu lagi geti gengið í FÍE. Eigum við kannski að leggja niður FÍE og styrkja frekar Flugmálafélagið og aðildarfélög þess ? Breyta FÍE í Flugklúbb Reykjavíkur ? Gera FÍE að alvöru “AOPA Iceland”, sem ráðamenn og Flugmálastjórn tekur mark á ? Hver er að tala við Olíufélögin ?

Þetta er á leiðinni að verða ruglingslegt, þannig að ég stoppa hér.

Kristbjörn

jmk fyrir 22 árum, 4 mánuðum

MJÖG sammála þarna, þetta er mál eða réttara segt eru mál sem þarf að líta á. Satt að segja hef ég aldrei skilið hvað FÍE er að gera. Ef það er hægt að hafa ríkisstyrkta flugskóla og flugfélög…af hverju ekki ríkisstyrkt hagsmunafélag einkaflugmanna (eða bara flugmanna almennt).

Hvernig er þetta í öðrum evrópulöndum? Er einhver með upplýsingar um það?

Fyrra álit

skyhawk fyrir 22 árum, 4 mánuðum

Þú hefur nokkuð til þíns máls þó svo að ég sé ekki nærri sammála þér í öllum atriðum. Auðvitað þarf að efla FÍE félagið á þessa fínu aðstöðu og að sjálfsögðu þarf að nýta hana. Félagið þarf á félagsgjöldum að halda (eða það hélt ég) en fyrst þarf að senda út gíróseðla svon eitthvað innheimtist. Ég fór á www.vortex.is/aopa og sá þar að margir góðir menn sitja í stjórn FÍE og skil þess vegna ekki af hverju félagið er svo líflaust. Gott væri að fá mann eins og Einar Dagbjarts í stjórnina, hann hefur gott vald á að skipuleggja flugferðir eins og hann hefur gert í sumar.

Varðandi aðstöðu FÍE að hún sé notuð fyrir nokkra einstaklinga til að “röfla” á laugardagsmorgnum þá held ég að það myndi breytast fljótt ef að aktívir flugmenn myndu láta sjá sig þarna.

Auðvitað eiga allir flugskólarnir að vera ríkisstyrktir að hluta til, það á ekki að styrkja einn en ekki hina (sbr. tónlistarskóla).

Þú talar um að Geirfugl sé mest áberandi af eigendafélögum. Jú það ber vel á þeim en mér finst ekkert bera mynna á gömlu Þyt köllunum sem standa sig eins og hetjur. Hvað voru annars margar Geirfugls vélar í vestfjarðar fluginu?

En eitt er víst, það þurfa margar hendur að koma að FÍE svo að það virki og held ég að það þurfi nú að dubba upp á kofa greyið svo hann koðni ekki niður í vetur.

Fyrra álit

Kristbjorn fyrir 22 árum, 4 mánuðum

Starfsemin sem þú ert að lýsa, koma lífi í hundakofann, skipuleggja flugferðir og senda út gíróseðla eru verkefni fyrir Flugklúbb Reykjavíkur. Aktívir flugmenn hafa reynt að láta sjá sig á laugardagsmorgnum, en hafa hrökklast út aftur þarsem þeir finna ekkert við sitt hæfi.

Þytur er að gera mjög góða hluti, Mosó er að gera góða hluti og sjálfsagt fjölmargir aðrir sem ég veit ekki af eða gleymi að telja upp. Geirfugl hefur staðið sig mjög illa í mætingu í hópflug, lendingakeppnir og aðrar uppákomur, þó að vélarnir fljúgi heilmikið. Geirfugl, Þytur og Mosó eru allt litlir og frekar lokaðir klúbbar eða eigendafélög sem vinna inn á við og efla flugið innan frá með því að sjá um aðstöðu, uppákomur og tæki fyrir fólk til að fljúga. Það er líka nauðsynlegt.

FÍE ætti að mínu mati að leyfa flugklúbbunum að sjá um þessi atriði, og fara að vinna út á við. Fréttirnar síðustu mánuði hafa miklu frekar einkennst af flugslysafréttum frekar en fjákvæðum fréttaflutningi. Fólk vill ekki hafa smáfugla í loftinu ef það heyrir bara um flugslys eftir flugslys.

Það er ekki nóg að margar hendur komi að FÍE, þessar hendur þurfa að vinna að sama markmiði, og þær þurfa að vita hvað það markmið er. Kofinn er aukaatriði, og ætti ekki að vera einhver miðpunktur í öllu starfi FÍE.

Kristbjorn

Fyrra álit

skyhawk fyrir 22 árum, 4 mánuðum

“hundakofi” ég hef nú ekki séð hunda þarna þó svo að einhver eigi heima á vellinum. Hvaða máli skiptir hvort félagið heiti FÍE eða Flugkl.RVK?? Ef það starfar vel þá skiptir nafnið ekki máli.

Auðvitað eru Þytur, Moso og þið Geirfuglar að vinna vel en eruð þið félagar í FÍE??

Sólarkveðja
“himnahaukurinn”
Skyhawk

Fyrra álit

otri fyrir 22 árum, 4 mánuðum

Sælir,

Auðvitað skiptir máli hvað félagið heitir, FÍE á nú einu sinni þennan “hundakofa” með öðru einkahlutafélagi. Einu sinni átti Flugklúbbur Reykjavíkur heima “on top” en var fluttur í FÍE heimilið, þar sem hann gufaði síðan upp. Ég er þeirrar skoðunar að þessir laugardagsfundir og annað félagslíf eigi heima í félagi sem heitir t.d. Flugklúbbur Reykjavíkur, hvar sem hann yrði til húsa.

FÍE á að vera, og var lengi vel (stofnað á fjórða áratugnum) Íslandsdeild AOPA, sem eru gífurlega öflug hagsmunasamtök flugvélaeigenda og flugmanna. Ef FÍE væri það sem það á að vera, myndi það félag aðallega starfa aðallega á bak við tjöldin með hagsmuni heildarinnar í almannaflugi að leiðarljósi og vera umsagnaraðili varðandi reglugerðir og skipulagsmál svo eitthvað sé nefnt. Leita stuðnings og hjálpar frá móðursamtökunum í hinum stóra heimi, því að þið vitið það að Íslendingar eru voða hrifnir af því að heyra hvað útlendingar hafa að segja um málin.

Málið er það að meðan ráðamenn vita að almannaflugshópurinn er frekar sundurleitur og enginn getur talað máli þeirra í krafti t.d. FÍE, halda þeir áfram að valta yfir okkur með allskonar aðgerðum og reglugerðarbreytingum sem leiða til þess á endanum að það verður frekar lítið eftir, sannið til, það er ýmislegt sem hægt er að gera í viðbót á okkar hlut og ég ætla ekki að fara að nefna einhver dæmi í því sambandi.

Vandamálið með alla þessa félagsstarfsemi, hvaða nöfnum sem hún nefnist er að hún byggir á starfi fárra sem hafa margir hverjir lagt í mikla vinnu til að byggja upp, en síðan hafa oft fáir egóistar tekið sig til og rifið allt saman niður oftar en ekki til þess að fullnægja sínum eigin þörfum.

Nóg í bili,

Otri

ps. Ég er einn fárra sem hef greitt árgjaldið í FÍE.

pss. Ég veit það líka að það er mikill minnihluti í laugardagskaffiklúbbnum sem er í FÍE.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Klíkur, samtök, félög og stofnanir í einkaflugi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi