Ég var búinn að pósta kafla 2 í þessum farsa á korkana sem svari við pósti Gomers, en nú í dag (laugardag) lenti ég í þriðja kafla.

Til þess að tryggja öryggi Halldórs Ásgrímssonar þarf nauðsynlega að takmarka aðgang að flugvallarsvæðinu. Það er ekki gert með því að set ja mannhelda girðingu í kringum völlinn (sbr brautarenda 13 og 31) heldur þarf að læsa gönguhliðinu inn í Fluggarða (sem hefur einmitt stöðvað fjölmarga hryðjuverkamenn). Þetta þarf nauðsynlega að gera í dag, þó svo að flugbannið taki ekki gildi fyrr en á mánudag. Það er líka nauðsynlegt að þetta fréttist ekki, og þess vegna var eigendum véla og skýla í flugskýla í fluggörðum ekki sagt neitt.

Niðurstaðan er semsagt sú að um kvöldmatarleyti á laugardegi mætti slökkviliðið í Fluggarða og læsti hliðinu. Bílastæðið var fullt af bílum, en það má ekki stoppa mál sem eru jafnmikilvæg fyrir heimsfriðinn. Þegar ég kom úr stórkostlegu flugi til Ísafjarðar og yfir Hornstrandir komst ég semsagt ekki út úr Fluggörðum. Eftir fjögur símtöl við Slökkviliðið komust þeir að þeirri niðurstöðu að það væri kannski óhætt að hafa hliðið opið til hálf tólf, þannig að menn gætu alla veganna komist heim til sín (og já, ég þurfti fjögur símtöl áður en þeir hleyptu mér út). Það er síðan ekki stefnan að hleypa fólki inn í Fluggarða á morgun (sunnudag) eða almennt fram yfir fundinn.

Ef ég hefði verið á hraðferð þá hefði ég að sjálfsögðu getað vippað mér yfir hliðið eða opnað víradótið sunnar á stæðinu, en þá er maður að leyfa FMS að komast upp með þessa vitleysu. Ég veit til þess að einhverjir höfðu komið að hliðinu læstu og vippað sér yfir.

Slökkviliðið ræður að sjálfsögðu engu í þessu máli. Þeir gátu ekkert gert annað en að benda mér á að tala við Flugmálastjórn, en þar verður náttúrulega enginn við fyrr en á mánudag, og þá má hvort eð er ekki fljúga.

Með kveðju,
Kristbjörn - að verða létt pirraðu

Mér langar að segja fólki hér að áðan (klukkan 14:02) keyrði ég hringinn og sá að hliðið inn hjá svæðunum hjá Flugskóla íslands og í fluggarða voru læst en hjá Þyrluþjónustunni og einnig hjá skýli 3 voru ólæst svo að ekki er nú öryggið meira en það.

Annars vil ég nú benda á að þetta að læsa vellinum er nú bara sýndarmennska hjá FMS til þess að sýna vald sitt yfir íslenskum flugvöllum og ganga í augun á stórþjóðum sem hingað senda menn sína. Maður þarf ekki að vera kunnugur vellinum til að komast inn á hann, bara klifra yfir lágu girðinguna hjá enda 31 on líka við göngustígin fyrir neðan 01.

FMS er að fara offarir og það að banna allt flug er alveg fáranlegt. Þarna er verið að mismuna mönnum eftir því í hvaða atvinnurekstri þeir eru. Ég er nokkuð viss að sá sem er með sýningarrétt í Háskólabíói fær greitt fyrir það að þurfa að fella niður sýningar og því finnst mér að það eigi að greiða þeim aðilum sem standa fyrir flugrekstri(þ.e.a.s. flugskólum og anað slíkt) sem er bannaður skaðabætur. Ef einhverjum langar að fljúga á Háskólábíó þá tekst honum það hvort sem völlurinn er lokaður eður ei. Annars vil ég lýsa ánægju minni yfir því að þessi fundur skuli vera haldinn hér á Íslandi.

langar að benda á umfjöllun sem var í gangi í desember á síðasta ári um svipað mál. http://www.hugi.is/flug/greinar.php?grein_id=35133