Herra Fred,

Þú skalt ekki láta þig dreyma um að fara með rangt mál hér og komast upp með það. Þú getur gert það í kaffisnakkinu niður í Flugskóla Íslands, en kemst ekki upp með það hér á Huga.

1. TF-FTN er blindflugshæf og getur þ.a.l. nýtt sér fleiri en 187 daga á síðasta ári. Ég veit fyrir víst að flugdagar sem nýttust litlum vélum á síðasta ári voru þónokkuð fleiri en 187. Ég hef ekki séð þessa skýrslu sem þú ert að vísa í en þætti gaman að glugga í hana.

2. Flugskóli Íslands er ekki eini flugskólinn á landinu sem er með kjarasamning við FÍA. Flugfélagið Geirfugl er líka með samning, og það sem meira er, sá samningur veitir flugkennurum fríðindi sem FÍ stjórnendur voru ekki tilbúnir að veita í sínum samning. (Þú getur skellt þér í FÍA kaffi og skoðað hvað ég á við).

3. Þú ert líklega í einhverjum 20.000 fetum á G1 (hátt uppi) þegar þú kemur með þetta comment varðandi Íslandsflug. Það vita það allir jarðbundnir menn með meðalgreind að Íslandsflug er að hætta í innanlandsfluginu, og þar af leiðandi nýtist þeim ekki skýli 1. Þeir ERU að leita að leigjendum eða kaupendum að skýlinu. Það er væntanlega hagstæðara fyrir þá að vera annaðhvort í KEF eða úti í heimi með þotuviðhaldið.

Það fer virkilega í taugarnar á mér þegar menn eru með yfirlýsingar að menn hafi ekki “kynnt sér hluti” og fari með “rangt mál” og eru svo að því sjálfir!! Ég efast ekki um að þú hefur kynnt þér þessa hluti mjög vel, væntanlega með því að setjast í kaffibolla hjá FÍ, kannski rætt eilítið við stjórnendur skólans og þar fram eftir götunum.

Þó svo að þú sért atvinnuflugmaður gerir það þig hvorki greindari né betur upplýstan en okkur hina.

Kveðja,

Otri

Sælir

Ég veit að það sem ég skaut fram í fyrstu greininni er stórt stökk, og gæti verið illmögulegt. Ég vil samt ekki kannast við að þessi umræða sé á lágu plani. Ég ætla að reyna að svara nokkrum af þeim atriðum sem fram hafa komið.

Til að byrja með held ég ekki að UL eins og FoxBat eða KitFox séu lausnin. Þetta gæti hentað fyrir einstaklinga, en kennsluvélar þurfa að vera byggðar eins og skriðdrekar til að þola þá meðferð sem flugnemar láta þær ganga í gegnum. Ég veit ekki hvaða vél gæti hentað, en 20 ára gamlar C-152 eru ekki aðlaðandi fyrir utanaðkomandi. Ein lausn gæti verið að skikka eigendur vélanna til að útbúa þær almennilega með nýjum innréttingum og tækjum (hvað eru margar C-152 með bilaðan transponder í dag ?). Ég þurfti oftar en einu sinni að hætta við flug út af biluðum radíóum.

Það að færa skrifstofur Íslandsflug er bara einn af möguleiknum sem ég velti upp. Ég veit að þeir eru með heilmikinn rekstur, en ég held að gamla flugstöð Arnarflugs henti mun betur sem flugskóli en sem skrifstofuhúsnæði. Það er enginn að tala um að leggja niður reksturinn þó að hluti hans færist í heppilegra húsnæði. Enn betra væri sjálfsagt að setja niður létt hús, en mér heyrist að það megi alls ekki. Ég sé enga patentlausn þar, en ég veit að húsnæðið í gamla turninum er fráhrindandi.

Seminoleinn er notaður til kennslu í blindflugi og til fjölhreyfla réttinda. Ég á bágt með að trúa því að aðeins hafi viðrað til slíkrar kennslu í 187 daga á ári, þegar t.d. vélar Geirflugs flugu í einkaflugi 224 daga á síðasta ári (og þær flugu ekki alla góðviðrisdaga ársins). Það er hins vegar rétt að nýtingin á Seminole var mjög góð þá fáu daga sem hann var flughæfur.

Geirfugl er að reka fyrsta skólann á Íslandi sem fékk JAR vottun. Ég held að þeir hafi verið með samning við FÍA. Hins vegar eru þeir samningar sniðnir beint að þörfum stóru flugfélaganna og henta engan veginn fyrir flugskóla. FÍA ætti að sjá sóma sinn í því að gera nothæfa samninga við flugskólanna, þannig að þeir geti starfað eftir þeim.

Starfsumhverfi flugkennara er síðan enn eitt atriði sem þarf að laga. Það vill enginnn borga of mikið fyrir kennsluna, en það er ekki hægt að bjóða fullorðnu fólki upp á mánaðarlaun sem eru mæld í tugum þúsunda frekar en hundruðum. Mér hefur sýnst vera stefnan hjá FÍ að hafa sem flesta flugkennara á skrá, og síðan eru þeir allir að lepja dauðann úr skel. Slæmt mál.

Betra væri að hafa færri flugkennara, og skipuleggja námið þannig að þessir menn fái nokkuð samfelldan vinnudag. Það er ekki auðvelt, þar sem flugnemar komast margir eingöngu eftir vinnu eða skóla. Sjálfsagt eru til aðrar lausnir, en lykillinn hlýtur að vera betri skipulagning.

Að lokum vil ég ítreka það sem ég hef verið að reyna að segja. Ég er einkaflugmaður. Ég er ekki á leiðinni í flugkennslu, atvinnuflugnám og feitt starf hjá Flugleiðum. Ég vil sjá meira af slíku fólki í íslenska flugheiminum, en það gerist ekki meðan flugnámið er jafn fráhrindandi og það er í dag. Það eru til margar leiðir til að breyta því. Sumar þeirra eru raunhæfar, aðrar ekki. Tilgangur þessa spjalls er að velta upp öllum leiðum, og flokka úr þær raunhæfu.

með kveðju,
Kristbjörn

Þetta er skemmtileg umræða! Eftir að hafa lesið í gegnum þetta þá held ég að við getum alveg sætt okkur við SEP vélarnar sem við erum með, þær eru jú gamlar en þær virka og af því sem ég les henta betur vetraraðstæðunum hérna.

Twin vélar er aftur á móti annað mál, þetta er framkvæmd sem verður að fara í fljótlega, þessi Seminole er algjört rusl og eins og sagt er þá held ég að ný twin vél sé málið. Þetta er kannski eitthvað sem Geirfugl ætti að spá í!?! (Nema það ség einhver “anti-MEP” regla hjá þeim sem ég veit ekki af :-) En það er eins og þeir séu eina félagið sem að stendur á eigin löppum hérna (miðað við málfar annarra).

Eins og staðan er núna þá dettur mér ekki í hug að fara í atvinnuflugnám hérna á Íslandi, þótt að JAR flugnám í Evrópu sé dýrt og okkur er “bannað” að fara í ódýrt flugnám í USA þá eru aðstæðurnar hérna bara alveg út í hött.

Gaman væri að fá einhverja ævintýramenn til að flytja inn eitt stykki Oxford/Guildhall/British Aerospace flugskóla með öllu meðfylgjandi og halda ATPL námskeið hérna á Íslandi, þá væri hægt að nota veturinn til að vera í bóklegu fjarnámi og um sumarið kæmu “þeir” til okkar (í staðin fyrir hið öfuga) og klárað væri verklegi þátturinn um sumarið með vélum frá þeim. Þetta eru svo sannarlega draumórar, en þegar eini ATPL skólinn á Íslandi er Flugskóli Íslands þá bara fer hugrinn sjálfkrafa að reika út í óendanlegar pælingar :)