Ég hef aðeins fylgst með þessari umræðu hér í grein þessari um Flugskóla íslands. Þessi umræða á fyllilega rétt á sér svo lengi sem menn eru ekki með skítkast og beinlínis særandi ummæli um þá sem hlut eiga að máli. Bæði í þessari grein og greininni um Flugskóla á Selfossi (sem á endanum er snúið upp í skítkast á FÍ) eru aðilar meira að segja nafngreindir og starfsfólk FÍ er niðurlægt.
Á ég tel mig vita sitthvað varðandi flugskólana hér í Reykjavík og á Akureyri, ég hef líka kynnt mér flugnám erlendis. Trúið mér, grasið er ekki alltaf grænna erlendis.
Ég ber mikla virðingu fyrir þeim sem beinlínis “nenna” að standa í þessum rekstri en hann er orðinn mjög frábreyttur því sem var fyrir nokkrum árum síðan. Ég leyfi mér meira að segja að reglugerða-farganið er að gera útaf við flugið.
Ég hef kynnt mér málið (ólíkt sumum sem hér hafa verið að taka til máls) og veit að t.d. þessi blessaði ríkisstyrkur sem sumum svíður svo sárt að vita að renni til FÍ, er eingöngu fyrir bóklegudeildina hjá skólanum. Rekstur bóklegs atvinnuflugmannsnáms væri óhugsandi ef ekki kæmi til framlag af hálfu ríkissjóðs. Kennslan hjá FÍ er á mjög háu plani og sinnt af færum kennurum sem eru sérfræðingar á sínu sviði. Geirfugl, Suðurflug ofl. skólar státa einnig af myndarlegri kennslu þó svo að alltaf geta leynst gallar og á það við alla skóla.
Finnst mér eitt einkenna þessa umræðu en það er hvað gallarnir hjá FÍ eru einungis teknir fyrir. Varðandi það að FÍ taki ekki inn hvaða flugvél af rampinum svo menn geti lært á hana er beinlínis út í hött. Rökstuðningur sá sem menn hafa haft frammi varðandi það mál er hreint út sagt barnalegur og ber vott um að þeir hafa ekki einu sinni reynt að hafa sannleikann að leiðarljósi. Það er gífurlega margt sem þarna spilar inn í. Ég ætla ekki út í frekari sálma varðandi það mál en hvet alla sem hafa athugasemdir snúi sér til þeirra sem ráða hjá FÍ og geri það málefnalega og eeða gagnrýni sanngjarnlega. Einnig vil ég benda á að Ríkisendurskoðun sér um bókhald FÍ og er öllum heimilt að fá kölluð fram gögn.

Ég ætla að stoppa hér en að lokum hvet ég menn til að skrifa áfram en ekki neina sleggjudóma og leiðindi. Í staðinn fyrir þessa niðurrifsstarfsemi sem hér á sér stað (en svona umræða skaðar alla flugkennslu hér á landi) reynum þá að stuðla að jákvæðri umræðu og hvetja sem flesta til að fljúga. :)

p.s. Sikorsky ef þú hefur verið svona hrikalega hlunnfarinn í viðskiptum við FÍ afhverju ferðu ekki á fund með t.d. Skólastjóra eða Flugrekstrarstjóra og berð þetta undir þá? og er virkilega bara ein hlið á þessum málum þínum..?