Ég hef ekki myndað mér neina sérstaka skoðun á málinu en það sem skal hafa í huga er því minna sem vélin flýgur, því meira er kostnaður pr.tíma.

Beechcraft Kingair 200 er með markaðsverðmæti upp á 1,6 til 1,9 milljón dollara. Fasti kostnaður fyrir svona vél er breytilegur eftir því hvaða búnaður er í henni. Hve margir hlutir eru háðir því að um þá er skipt eftir x marga flugtíma. Flugtími á svona vél í USA er frá 500-800 dollara en það fer eftir hve stór kaup þú gerir, staðsetningu fyrirtækisins og standardinum á þjónustunni.

TF-FMS er með eldsneytiskostnað upp á 340 ltr.x 25kr ltr (Jet A1) sem gerir um það bil 8500 kr pr tíma. Fasti kostnaður er reglulegur og deilist sá kostnaður á flogna tíma pr ár. Því minna sem vél flýgur því dýrari er hver flugtími.

Cessna 402 eða Chieftain kostar u.þ.b 53.000 í leigu pr.tíma með flugmönnum. Síðan þarf ríkið að standa undir dagpeningum flugmanna og hótelkostnaði ef stoppað er einhverjar nætur.

Metro kostar um það bil 100 þús kr pr.tíma í útleigu en það er stórlega háð fjölda tíma sem keyptir eru.

Ef menn á vegum ríkisins þurfa að fara á marga staði og vera mættir á ákveðnum tímum þar sem áætlunarflug er ekki fyrir hendi eða of tímafrekt, þá er skynsamlegast að nýta þá fjárfestingu sem er fyrir hendi. Það kemur betur út rekstrarlega séð fyrir ríkið að nýta FMS í sérhæfð verkefni.

Ég held persónulega að allar hugmyndir um þotu til að skutla hinum og þessum ráðherra erlendis sé of dýr svo að almenningur gleypi við þeim kostnaði þegjandi og hljóðalaust.

Ég veit að ef ríkið leigir sjálfu sér eitthvað eru peningarnir ekki að fara langt en mér skilst að flugmálastjórnir Bandaríkjanna og Danmerkur hafi notað vélina og ég geri ráð fyrir að greiðsla komi fyrir.

Annars tel ég að við vitum ekki nógu mikið um málið til að ræða það af viti og er því með nokkrar fréttir af mbl.is þessu tengdar hér að neðan.

***
Flugmálastjórnarvélin aðallega notuð við flugprófanir
mbl.is fim. 16.8.2001, kl. 14:22
***
Flugmálastjórn hefur sent upplýsingar um notkun ráðuneyta og annarra stofnana en Flugmálastjórnar á TF-FMS, flugvél stofnunarinnar. Segir í tilkynningu stofnunarinnar að flugvélin sé fyrst og fremst notuð við flugprófanir á flugleiðsögukerfum og aðflugsbúnaði á flugvöllum landsins sem og á flugratsjám hér á landi og í Færeyjum, m.a. vegna alþjóðaflugsins. Þá hafi flugvélin verið notuð til slíkra starfa fyrir bandarísku flugmálastjórnina og fyrir dönsku flugmálastjórnina við mælingar og stillingar aðflugsbúnaðar á flugvöllum í Grænlandi og Færeyjum.

Flugmálastjórn segir að TF-FMS sé búin mjög góðum miðunartækjum og er þar af leiðandi mikilvægt bjögunartæki þegar verið er að leita flugvéla sem er saknað. Flugvélin hefur einnig nýst við leit að skipum og er til taks ef á þarf að halda við björgunarstörf annarra stofnana eða björgunarsveita.

Nákvæmar reglur hafi gilt um langa tíð varðandi notkun annarra aðila en Flugmálastjórn á flugvélinni. Þessar reglur hafi verið sérstaklega yfirfarnar, þegar núverandi flugvél kom til landsins árið 1997. Ef hún sé ekki að sinna brýnum verkefnum hafi hún verið leigð til ráðuneyta og einstakra ríkisstofnana. Gjaldið sé nú 85 þúsund krónur á flugstund. Þegar flugvélin er í slíkum ferðum sé engu að síður oft hægt að nýta hana til að sinna verkefnum við eða nálægt þeim flugvöllum sem flogið er til auk þess sem hún sé tilbúin til að svara neyðarútkalli.

Fram kemur í yfirliti frá Flugmálstjórn að á árinu 1998 flaug flugvélin 438 flugstundir í verkefnum á vegum Flugmálastjórnar og 128 klukkustundir í flugi fyrir ráðuneyti og aðrar ríkisstofnanir. Árið 1999 flaug flugvélin 301,4 klukkustundir fyrir Flugmálastjórn og 116,6 fyrir aðra aðila. Í fyrra var TF-FMS í flugi á vegum Flugmálastjórnar í 317,3 klukkustundir og flaug 112,7 klukkustundir fyrir ráðuneyti og aðrar stofnanir. Það sem af er þessu ári hefur flugvélin flogið 207 klukkustundir í verkefnum á vegum stofnunarinnar og í 58,8 klukkustundir fyrir ráðuneyti og aðrar ríkisstofnanir. Flugmálastjórn telur sig ekki geta gefið upp hvaða einstaklingar á vegum einstakra ráðuneyta og stofnana hafa flogið með TF-FMS og vísar því til ráðuneytanna og stofnananna að svara því, sem og hvert var flogið hverju sinni.

***
mbl.is fös. 2.11.2001
Flugvélin notuð til að flytja ráðherra milli staða
***
Samgönguráðuneytið notaði flugvél Flugmálastjórnar 25. maí síðastliðinn og 22. maí notaði Flugmálastjórn hana til flugprófana, að sögn Heimis Más Péturssonar, upplýsingafulltrúa stofnunarinnar. Gísli S. Einarsson alþingismaður hefur gert fyrirspurn um notkun vélarinnar og segir að ákveðnar ábendingar hafi komið fram um ónauðsynlega notkun vélarinnar og sérstaklega hafi honum verið bent á þessa daga.
Jakob Falur Garðarsson, aðstoðarmaður Sturlu Böðvarssonar samgönguráðherra, segir að vélin hafi verið notuð til að flytja ráðherra milli staða umræddan dag. Fyrri hluta dagsins varði ráðherra til að kynna íslenska hestinn í Laugardal, hann flaug síðan með vélinni til Akureyrar þar sem hann ávarpaði ársfund Slysavarnafélagsins Landsbjargar. Þaðan var flogið til Stykkishólms þar sem ráðherra sótti ráðstefnu um menningartengda ferðaþjónustu. Um kvöldið var ráðherra viðstaddur frumsýningu á leikritinu Fróðárundrin sem var innlegg í ráðstefnuna. Ráðherra keyrði síðan til Reykjavíkur seint um kvöldið en flugvélinni var flogið til Reykjavíkur.

Jakob Falur segir ekkert óeðlilegt við notkun vélarinnar þennan dag og segir flugvélina oft notaða til að flytja ráðherra milli staða. “Það er vert að hafa í huga að tími ráðherranna er dýrmætur. Við notum að sjálfsögðu áætlunarflug þegar því verður við komið en þegar um er að ræða marga fundarstaði sem eru dreifðir um landið er þetta eina aðferðin sem við höfum,” segir Jakob Falur. Hann segir að greitt sé fyrir notkun vélarinnar en Flugmálastjórn sér um rekstur hennar.

Sammála, hver sendir inn svona prump ;)

Ég held að vandamálið með þetta eins og svo margt annað í kringum Flugmálastjórn sé að menn neita að koma hreint fram. Það þýðir ekkert að vera með einhvern feluleik í kringum þetta.

Auðvitað á samgönguráðherra að afhenda farþegalista, og láta fylgja með útreikninga sem sýna fram á raunkostnað ríkisins við þetta flug. Það ætti ekki að vera flókið að sýna Gísla S. Einarssyni að þetta sé langhagkvæmasta leiðin að komast il Ilulissat, og ekki slæm leið til að skreppa á Stykkishólm.

Þessar tölur verða ekki spennandi fyrr en fólk fer að reyna að fela þær.

Kristbjörn

En Steubar!

Ríkið á tvær flugvélar og notar hina oft til að skutla forsetanum og co. Ríkið á svo líka tvær þyrlur og ég veit það fyrir víst að þær hafa verið notaðar fyrir vini forstjóra þeirra stofnunar, sem hafa fengið að fara í smá þyrlutúr! Þetta ætti kannski jafn mikið að koma fram?!

Kveðja,
deTrix