Hvað segirðu, var mikið um að flugsýningar væru á meðan þú varst í skólanum?

Síðastliðin 5 ár hafa verið c.a. 2 flugsýningar á Reykjavíkurflugvelli, hvor um sig hálfur dagur (laugardagur eða sunnudagur). Þú getur ekki kennt flugsýningunum um hávaðann sem þú varðst fyrir í skólanum. Þess vegna skil ég ekki alveg hvað þú ert að fara.

Rétt er það með samlíkinguna, flugumferðin er eins og hamar, einstöku högg, og bílaumferðin eins og höggbor, stöðugur niður.

Sammála þér … svona í einhverjum atriðum. En get þó ekki fallist á að banna eigi flugsýningar á flugvellinum. Ég var á svæðinu og veit því að æfingarnar voru yfir flugvellinum en ekki yfir miðborginni. Flugmálastjórn hélt ekki þessa sýningu heldur gaf hún leyfi fyrir henni - yfir flugvellinum. Að halda því fram að hávaðinn hafi truflað heimilisfrið í miðbænum er fjarstæða.

Að vísu kom eitt stykki Flugleiðaþota í lágflugi yfir völlinn og ég reikna með að auðvelt hafi verið að láta það fara í taugarnar á sér, fyrir þá sem á annað borð láta allt sem flugvellinum við kemur fara í sínar fínustu. En ég fullyrði það hiklaust að annar hávaði sem tengdist þessum flugdegi Flugskóla Íslands hafi ekki verið meiri en gengur og gerist á flugvellinum. Og það er ekki eins og verið sé að halda flugsýningar daglega.

En gefum íbúanum orðið:
“Örn segir ennfremur að venjulegri flugumferð fylgi truflun en það sé þolanlegt og verði bara að vera svoleiðis meðan flugvallarmál séu óleyst. Hann gagnrýnir hins vegar Flugmálastjórn fyrir að taka ákvörðun um að halda þessa sýningu upp á eigin spýtur og auka þar með truflun sem skapast af flugvélum.”

Mér finnst vera ótrúlegur hroki í þessari yfirlýsingu. Í fyrsta lagi eru flugvallarmálin ekki óleyst - flugvöllurinn verður þarna til a.m.k. 2016. Og í öðru lagi verður ekki annað ráðið af þessu en að viðkomandi ætlist til þess að flugmálastjórn leiti eftir samþykki hjá honum áður en ákvörðun um leyfið er veitt:

“Já góðan dag, er hann Örn við … Sæll Örn, þetta er Þorgeir Pálsson. Ég var að velta því fyrir mér hvort þér væri ekki sama þótt Flugskóli Íslands fengi að halda flugdag á laugardaginn, ef veður leyfir?”

Flugmálastjórn sýndi einfaldlega ábyrgð í því að leyfa listflugið, eingöngu yfir vellinum.

Ég átta mig svo ekki alveg á þessari samlíkingu þinni með því að bera saman höggbor og hamar. Það er vitað mál að hamarshögg eru afar óholl heyrninni og margir gamlir smiðir eru verulega heyrnarskertir vegna þess að þeir notuðu ekki heyrnarskjól við vinnu sína. Um höggborvélar er lítið annað að segja en að fátt er hvimleiðara en “nágranninn við hliðina” sem djöflast með höggborvél allan daginn - það held ég að geti reynt verulega á heimilisfrið sumra - auk þess sem ágætur vinur minn missti framan af þumalfingri við vinnu með slíku tóli.

Þetta er bull hjá þér Calcio.
Ég var í skóla í miðbæ Reykjavíkur líka og aldrei þurfti að stöðva kennslu vegna hávaða frá flugvélum.

Svo veit ég ekki hvort þú hefur heyrt af því, en hávaðamælingar hafa verið gerðar við Reykjvíkurflugvöll til að mæla hávaða í flugvélum en þær hafa ekki þótt marktækar vegna hávaða frá bílaumferð sem truflaði mælingarnar.

Þær flugbrautir í RKV sem hafa aðflugslínu yfir íbúðabyggð eru hvergi nærri miðbænum heldur yfir Kársnes í Kópavogi og Fossvogshverfið. Ekki hefur borist eins mikið á kvörtunum frá þessu fólki og “miðbæjarrottunum” sem sitja á kaffihúsi í iðandi mannlífi og bölsótast yfir þessarri dæmalausu flugumferð en þarf að tvítaka orð sín vegna hávaða frá bílaumferð næsta nágrenni.

Þeir sem geta gera, þeir sem geta ekki gagnrýna.

Hvað var lélegt við hana?

Og að kvarta yfir hávaða frá flugvélum í skóla! :-)
Þú ættir að prófa að fara í skóla nálægt Keflavíkurflugvelli. Var gaman í den klukkan 0915 í miðjum hlustunarköflum samræmdra prófa þegar að F-15 brunðu í loftið.

Þessi áskorun dugar sennilega lítið, ég efast um að 59 ára arkitekt stundi Huga.

Allir hafa eitthvað til síns máls og óneitanlega er listflug flott íþróttagrein
og gaman á að horfa. Og falleg 757 í lágflugi með. Í henni heyrist lítið,
en það var sannarlega skolli mikill hávaði í listflugvélinni .! Var það ekki
tvíþekjan hans B.T. ? Ég heyrði lætin í 10 km. fjarlægð. Og varðandi
slysin þá hafa vélar farist við listflugsæfingar . Var það ekki JAK sem
fór fyrir utan Álftanes (2/2) og einhver heimasmíðuð eða samsett vél
uppvið Sandskeið. (1/1) Það eru allnokkur ár síðan , og ég þekkti þessa menn.
Færir og reyndir. Það er margskonar truflandi hávaði sem mér finst verri
eins og höggborar og sláttuvélar nágranna heilu helgarnar. Bara bíta á
jaxlinn og bjóða þeim einn bjór , þá hætta þeir á meðan. Hm.

Liberato

Ég vil hafa flugvöllin hérna, ég bý í vesturbænum og tók eftir því að þessi sýning væri í gangi, heyrði það, það fór ekkert í mig, en hins vegar þá finnst mér sumar þessar líkingar hérna svolítið ýktar, eins og að banna akstursíþrótir vegna hættu, þar er þó bara verið að hætta lífi bílstjórans eða fólks sem vinnur við þetta, en ef, ég er ekki að segja að það hafi verið málið, ef flugvélarnar hefðu verið að fljúga yfir miðbænum og ein hrapað, þá eru alveg líkur á að hún hefði lent á einhverju/m og drepið annan en bara flugmannin.
Ég hef ekkert persónulega á móti þessu, skil það hinsvegar að fólk sé eitthvað hrætt við það að hafa þær í lágflugi yfir, ég er ekki að segja að þær höfðu verið að því! :)