Já er þetta ekki alveg hin besta græja?

Mér skilst að þetta sé mikill vinnuhestur og skili því sem framleiðandinn gefur upp í sölubæklingum.

Líklega tæki töluverðan tíma að ná upp snúningi á main rotor úr bröttu klifri eins og þessu í þunna loftinu þarna uppi. Ég get lofað þér að það myndi hitna um nokkrar gráður í flugstjórnarklefanum rétt á meðan flugmaðurinn væri að ná snúningnum upp. Autorotation úr þessari hæð eða um 29000 fetum gæti verið athyglisvert að prófa. Það tæki u.þ.b. 18 mínútur að koma sér niður miðað við 1600 feta lækkun í auto. Það þýðir að maður gæti auðveldlega klárað úr einum kaffibrúsa og reykt einhvern slatta af sígarettum á leiðinni niður, þ.e. ef maður er fyrir það. :-)

On second thought… það er meiri séns á brúnni rönd í aftanverðan gallan á þessum tíma en ella.
Þyrluflugmenn eru vanari að fljúga í lægri hæðum eða um 1500 fetum og lægra og það tekur ekki mjög langan tíma að koma sér niður úr þeirri hæð í auto og minni tími til djúpra pælinga.

Ég skoðaði videóið af lendingunni og á því sýndist mér vélin hafa gott “tail rotor authority” eða gott grip þannig að hún virtist virka vel þarna uppi. Það væri gaman að vita hvort vélin hafi upp á eitthvað svigrúm að bjóða til að taka upp farþega eða farangur í þessarri hæð?

Eins og þú (Aesir) hefur talað um að þá er líklegt að þessi vél sé hugsuð í m.a. það að ná í sjúklinga eða aðra þurfandi í miklar hæðir? Ef þetta trix (að lenda á hæsta fjallinu) virkar ekki til að selja þessar vélar þá skal ég hundur heita og hákarl éta.

Hvað sem öðru líður þá er þetta magnað afrek og blessaðir frakkarnir eiga skilið stórt glas af hágæða berjasafti (rauðvíni) fyrir!

Kveðja,
Helico.