ætli það sé ekki vegna þess að auðvelt er að fá tengiflug í Bandaríkjunum og Vestur-Evrópu hvert sem er?

Tek ekkert smá undir þetta. Ég vinn í tollinum og sé þegar að fólk er að koma til landsins eftir þessar sérferðir, alsælt og/eða jafnvel búið að gera góð innkaup ef þetta er spes innkaupaferð.
Sem dæmi að þá var farin ferð í fyrra til Saint John í Kanada þar sem verðlag er mun betra en í USA og það var stöppuð júmbóþota sem kom kjaftfyllt og svo kjaftfyllt að ekki komst allt fyrir og þurfti eitthvað að koma með 40 feta gámum (2 eða 3 held ég). Ég er í svona áhugagrúbbu um jólin inni á Yahoo.com og þar var talað um þessa ferð af einhverjum Kanadabúum og þar hafði borgarstjórinn talað um að hinir crazy (jákvætt meint) icelanders shopped for 5 million canadian dollars. Allir sem áttu búðir sem Íslendingar komu í voru orðlausir yfir eyðslu og innkaupagleði okkar og skemmtilegu viðmóti og var það von borgarstjórans að þetta myndi halda áfram. Þannig að þið sjáið að þetta er ekki bara spurning um markaðssetningu á okkur sjálfum, heldur líka orðspor sem við sköpum okkur erlendis.

Við erum til dæmis mjög vel liðin af Skotum og Írum vegna mikillar verslunar við þá.

Nýleg könnun sem gaf það út að við værum dýrasta ferðamannaland í heimi þýðir það að hvert sem við förum að þá eru hlutirnir ódýrari. Sjáið bara Asíu, og þá er ég aðallega að tala um Tæland. Ef að það væri boðið upp á sérstakar verslunarferðir þangað að þá væri það frábært. Vika eins og þú segir í grein þinni.

Svo er örugglega líka ódýrara að versla í miðríkum Bandaríkjanna heldur en í Flórída og New York og þessum stöðum. En þetta veit ég ekki víst en geri ráð fyrir. Það er nú ekki beint eins og straumurinn liggi til Wisconsin eða North Dakota eða Wyoming til að versla.

Gott í bili og ekki lenda á röngum kili þó þið tapið í spili:)

Bara svona til að bæta inn í líflega umræðu, þá eru mjög góð verð til Moskvu með Aeroflot frá Köben t.d. En Pólland slær mörgum löndum við í verðlagningu, þar er allt hreinlega skítbilligt…

Þetta er mjög skemmtileg og áhugaverð pæling en rekstur á slíkum leiðum er oft á tíðum mun erfiðari enn menn gera sér í hugarlund. Beint flug var til Halifax á sínum tíma en hætti vegna lítils áhuga, þó leiða mætti líkur að því að færri ferðir hefðu getað skilað einhverju. Varðandi Rússland er hægara sagt en gert að fljúga þangað vegna ýmissa erfiðra gjalda og skriffinsku, auk þess sem sú leið skilar tæpast því sem til þarf fyrir reglubundið áætlunarflug. Aðrir áhugaverðir staðir gætu verið suður og austur-Evrópa og N-Afríka en þessar leiðir skila ekki endilega þeim viðskiptafarþegum sem þarf fyrir hagkvæmt áætlunarflug. Meðan er jafn auðvelt að fá góð framhaldsflug sérstaklega frá Kaupmannahöfn og Heathrow er ekki þess virði að stokka það mikið upp í beina fluginu til að taka inn svona drastískar nýjar leiðir.

Enginn loftferðasamningur er í gildi milli Íslands og Kanada. Sérstakt samkomulag um áætlunarflug milli Íslands og Kanada var gert vegna Icelandair árið 2001, og mig minnir að hafa lesið eitthvað í seinni tíð um erjur milli íslenskra og kanadískra stjórnvalda um þessi mál, vegna einhverra sérskilyrða sem Kanadamenn vildu setja.
Ætli Rússarnir þurfi ekki að uppfylla svolítið meiri flugöryggis- og almennar öryggiskröfur áður en við viljum fara að fljúga þangað?

Rússar hafa aukið öryggiskröfur mjög mikið á síðustu árum, allar vélar þeirra í millilandaflugi standast alla skilmála IATA og verið er að taka á öryggi í innanlandsflug. Ég tel að öryggi í flugi sé ekki ástæðan fyrir því að ekkert áætlunarflug sé til Rússlands þótt hugmyndir séu um það hjá Icelandair. Ef að Aeroflot myndi fljúga hingað þá myndi opnast þvílík gátt fyrir framhaldsflug til Asíu og A-Evrópu þar sem að þeir fljúga til 80 áfángastaða í nærri öllum heimsálfum.