Zaanya, hvernig í veröldinni dettur þér í hug að segja “hvers vegna í ósköpunum hefur þú aldrei skrifað Þjónustueftirliti Icelandair….”, hefur þú eitthvað fyrir þér hvað það varðar. Ég hef aldrei í svörum tengdum þessari grein skrifað neitt sem segir…
A) ég hef skrifað þjónustueftirlitinu
B) ég hef aldrei skrifað þjónustueftirlitinu

en þú kýst auðvitað að trúa valkosti B án þess að hafa nokkuð fyrir því í þeim málum, bara mjög lélegt Copy/paste svar. Það er alveg rétt að ég hef ekki skrifað formlegt bréf, það að þú kýst að draga þá ályktun án nokkura forsendna er bara lame. Ef þú villt endilega vita hvað ég hef gert í þessum málum þá fékk ég nóg á tímabiliog talaði við einstakling sem ég þekki og vinnur við mál af þessum toga bara til að fá að vita hvað stæði til boða. Hann sagði mér að ég gæti gleymt því að það verði nokkuð gert því td starfsfólk erlendis er oft leigt af starfsmannaleigum og Icelandair sér ekkert um þau mál og skiptir sér ekki mikið af þessu. Menn geta síðan endalaust deilt um það hvort að það sé rétt eður ei og hvort að mörg bréfaskrif fái Icelandair ekki til að taka til í þessum málum. Mér var tjáð að þrátt fyrir að nokkur mál kæmu upp með ákveðnu millibili þá væri ekkert gert í þessu þannig að ég ákvað bara og þegja….enda svo sem enginn hvati hjá Icelandair að taka til hjá sér enda engin samkeppni í vesturátt frá landinu.

“…það koma jú fleiri en starfsmenn Icelandair að þessu ferli öllu saman”. Er það? Geturu fært rök fyrir því að í mínum tilfellum hafi það gerst. Ég lýt þannig á að allir sem klæðast einkennisbúning Icelandair séu starfsmenn Icelandair hvort sem þeir eru Tékkar, Íslendingar, Bretar eða Bandaríkjamenn. Þannig að í mínum tilfellum hafa “eingöngu” verið starfsmenn Icelandair sem klúðruðu hlutunum fyrir mér. Við getum auðvitað rökrætt það endalaust ef starfsmenn á Logan flugvelli séu í raun starfsmenn Icelandair eður ei ef þeir eru leigðir frá fyrirtæki. En eins og ég segi…ef þú klæðist einkennisbúningi frá Icelandair þá ertu starfsmaður Icelandair í mínum augum og þá ber Icelandair að passa upp á sitt (mín skoðun)

Hvernig stendur síðan á því að ég er að tuða…ég get ekki lesið neitt sérstakt tuð út úr mínum svörum ekki frekar en annara….ég er bara að taka þátt í umræðunni eins og allir aðrir hvort sem þeir eru með eða móti. Auk þess er ég ekki bundinn af neinum lögum til þess segja þér í smáatriðum frá því sem ég hef lent í. Kýs ég að gera það þá geturu lesið um það, annars hef ég alveg rétt á því að segja að ég kunni illa við Icleandair rétt eins og þeir sem segja að Icelandair sé frábært félag án þess að tiltaka neitt sérstaklega hvað sé svona frábært. Ég get ekki séð að það að ég lýsi mínum vandamálum hér á huga muni hagnast mér eitthvað sérstaklega. Ætlar þú að gera eitthvað?

Það er sjálfsagt rétt hjá fólki sem segir að það þýðir ekki fyrir mig að vera að “tuða” eins og þú orðar það yfir þjónustu Icelandair og bíða eftir að hlutirnir lagist. Hinsvegar er ég bara rólyndis maður og gera mjög sjaldan veður úr hlutum nema mér finnist gróflega á mér og mínum rétti brotið. Sumir myndi ábyggilega kalla mig gungu eða skræfu, sit út í horni og tuða en geri ekki neitt. Þeir verða bara að eiga það við sig. Ég nenni nefninlega ekki að eyða kröftum mínum í að tala við Icelandair þar sem ég hef heyrt það frá öðrum sem ég þekki sem lent hafa í vandræðum hjá þeim og leitað réttar síns, sem og hjá starfsmönnum að árangurinn af því að tala við Icelandair sé eins og að tala við steinsteypuvegg. Sjónarmiðið sem ég er að reyna að koma á framfæri og reyndi að gera í fyrri svörum mínum var að mér finnst ég ekki þurfa ekki að standa í stórræðum í hvert skipti sem eitthvað gerist. Heldur eiga afsökunarbeiðni og skaðabætur að koma frá Icelandair af “frumkvæði” þeirra. Í öllum mínum tilfellum hef ég tjáð mig við starfsfólkið sem ég átti í samskiptum við þegar eitthvað fór úrskeiðis og komið þeim í skilning um að ég væri ekki sáttur og íaði að því að ég vildi fá úrlausn mála. Þá fékk ég alltaf vandræðalegt bros og EKKERT. Samt var öllum það ljóst að ég væri stórlega verið að brjóta á mér og hér spilar inn í bæði klárlega “íslenskt starfsfólk ” Icelandair hvort sem er hér heima eða erlendis sem og það einkennisklædda starfsfólk Icelandair í útlöndum sem mér skillst að komi frá öðrum leigu fyrirtækjum. Frumkvæði í afsökunum og bótum af hálfu Icelandair í framtíðinni er það eina sem ég bið um.

Varðandi þessa líflegu og skemmtilegu gos umræðu þá finnst mér Icelandair ekki vera samanburðarhæft við lággjaldaflugfélögin. Ég hef ekki hitt neinn sem er á þeirri skoðun að Icelandair sé lágjaldafélag. Fargjöldin hafa lækkað frá því sem áður var…ekki spurning (þó það nú)…en ég tel að langt sé í það að þau séu samanburðarhæf við lággjaldafélög. Þau eru ekki mörg lággjaldafélögin sem afgreiða mat óbeðin. Auk þess sem Icelandair er klárlega ekki lággjaldafélag þegar það flýgur vestur því það er oft langt flug og lággjaldaflugfélög fljúga ekki svona langar leiðir. Þá er Icelandair bara venjulegt flugfélag….þá líka vil ég fá minn óæta mat…og já frítt gos því lágjaldaconceptið á ekki lengur við. Það samt á við á leiðinni víða til Evrópu.

Að lokum langar mig bara að kommennta á eitt sem þú segir síðast í svarinu. “Þökkum fyrir meðan að enn er einhver þjónusta eftir”. Hvað meinaru……er það ekki bara sjálfsagður hlutur að það sé þjónusta…það hefði ég allavega haldið. Hvað ef það verður síðan engin þjónusta hvað þá? Þá bara…“ekki þakka fyrir”.

P.S. Ég skrifa ekki þetta svar til að magna upp einhver leiðindi heldur bara til að koma minni skoðun á framfæri. Ef þú færð einhverntíman á tilfinninguna að ég sé að svara í reiðiskasti og sé að reyna að draga þig eða þitt svar niður í svaðið þá er það rangt lesið. Ég er bara aðeins farinn að tapa Íslenskunni eftir að hafa búið í USA og það getur þa vel verið að það sé þess vegna :)