[Notanda eytt] fyrir 20 árum, 7 mánuðum Fjöldi lestra: 1342

Tegundaáritanir

Ég var að fletta mogganum í dag og sá smáauglýsingu frá Flugskóla Íslands sem var einhvernveginn svona :
“Láttu drauminn rætast. B737 tegundanámskeið að byrja aftur. Næsta námskeið 24. maí.”

Það stóð ekki hvað það kostaði en mér skilst að þetta séu rúmlega 2 milljónir, svo er þetta auðvitað líka á flugskoli.is

Af hverju er verið að halda svona mikið af þessum tegundanámskeiðum? Er fólk í alvörunni að borga þessi námskeið úr eigin vasa eða eru flugfélögin bara að halda þetta?

Ég þekki flugkennara sem fékk vinnu hjá Flugleiðum (B757) um daginn og hann var ekki einusinni með 1000 tíma, bara kennaratíma á C-152 og einhverja twin tíma, kannski 100.
Svo þekki ég annan sem keypti sér B737 tékk á 2 milljónir og hann er, að ég held, ekki enn kominn með vinnu?

Hvaða vitleysa er þetta eiginlega? Þurfa allir að kaupa sér tékk á næstu árum eða er þetta tímabundið? Ég veit að þetta hefur verið rætt hérna áður en eru ekki til einhver skýr svör við þessu? :)

MCC námskeið eru vinsæl núna og svo er hægt að taka eitthvað sem heitir JOT hjá Oxford í Bretlandi, en það er víst einhvers konar þotuþjálfun.

Ég get a.m.k. sagt fyrir mitt leyti að það kæmi ekki til greina að ég myndi sjálfur borga þjálfun á þotu, ofaná allt hitt atvinnuflugmannsnámið! Ekki einusinni þótt mér væri boðin flugstjórastaða á B777 með milljón á mánuði, mér finnst þetta einfaldlega dónaskapur.

Er það venja að skrifstofumenn í Reykjavík borgi yfirmönnum sínum fyrir að kenna þeim á ljósritunarvélina???

Vinnuveitandi ræður starfsmann í vinnu útaf hæfileikum og kunnáttu hans (s.s. flugtímum, atvinnuflugmannsprófi eða góðum einkunnum á JAR prófum í þessu tilfelli) en sér sjálfur um að kenna honum á tækin sem hann á að nota í vinnunni (þ.e. þotutékkið).

Er auk þess tryggt að bestu flugmennirnir fái vinnu með þessu fyrirkomulagi? Lélegur flugmaður kann að fá vinnu af því hann keypti sér tékk en góður flugmaður ekki af því hann hafði ekki efni á því.

Þetta er fáránleg þróun og flugfélögin og flugmennirnir gera lítið úr vinnu sinni og menntum með því að stunda þetta.

grizzly fyrir 20 árum, 7 mánuðum

Þó að ég sé og hafi alltaf verið Flugskóla Íslands maður að þá finnst mér þessi námskeið vera af hinu slæma, þ.e. að menn hafi getað keypt sér vinnu. Ég fékk mitt starf án þess að kaupa mér tékk, var reyndar á tímabili í fyrra að pæla svolítið í þessu en það sögðu allir við mig að bíða og sjá og það borgaði sig.

Mitt ráð til þeirra sem eru að pæla í þessu er að láta þetta vera þar sem uppgangstímar í fluginu eru mjög miklir um þessar mundir, málið er bara smá þolinmæði. Ég beið í 5 ár eftir mínu starfi og náði að koma mér upp í 1000 tíma og 100 á twin í USA, mikið frekar að eyða þessum peningum í eitthvað svoleiðis og næla sér í reynslu. En það er auðvitað bara mín skoðun.

Fyrra álit

deTrix25 fyrir 20 árum, 7 mánuðum

Já, grizzly, þú ert ekki eini starfsmaður FSÍ (fyrverandi?) sem hefur ráðið fólki frá því að kaupa sér tékk. Ég heyrði einn af reyndari kennurum skólans ráða nemendum sínum frá þessari vitleysu. Það kom mikið af viti upp úr þessum kennara og oft hægt að hafa gaman af honum, en þetta var lílega það besta sem hann kennt sínum nemendum.

deTrix

Fyrra álit

[Notanda eytt] fyrir 20 árum, 7 mánuðum

“…uppgangstímar í fluginu eru mjög miklir um þessar mundir”

Hvað er það sem er að gerast sem er svona gott, flugfélögin réðu fullt af flugmönnum á einu bretti um daginn en var það ekki það eina? Það eru allir að tala um hvað sé mikil “uppsveifla” í gagni núna en hvernig er markaðurinn, er ekkert eftir af öllum þessum atvinnulausum flugmönnum sem alltaf var verið að tala um? Og hvernig verða næstu ár, hefur einhver spáð í það?

Það er mikið af spurningum í þessum bransa, það er alveg á hreinu :).

Fyrra álit

grizzly fyrir 20 árum, 7 mánuðum

Svona er bara flugbransinn, sveiflukenndur! Þetta er bara allt spurning um þolinmæði.

Fyrra álit

flight fyrir 20 árum, 7 mánuðum

Ég er á móti þessu rugli að fólk þurfi að kaupa sér tegundarréttindi upp á von og óvon. Mér finnst réttara að flugfélagið sem ætlar að ráða flugmann með tegundarréttindi geri það í samráði við hann og flugskólann. Ef félaginu líkar vel við manninn, væri hægt að skoða hann í flughermi og síðan meta það þá hvort hann sé hæfur til að fara á tegundarréttinda námskeið, þar sem félagið og flugmaðurinn tæku jafnan þátt í þjálfunar kostnaði. Með þessu er félagið að fá mann sem það valdi og flugmaðurinn að fá vinnu. Best væri ef þetta væri, þú ert ráðinn og farðu á námskeið og þú þarft ekkert að borga. Enn staðan er svona í dag, og því væri mín hugmynd ásættanleg að mínu mati. Ég hef séð menn koma úr þessu tegundarréttinda námskeiði, sem einfaldlega geta ekki flogið, það er hvorki gott fyrir félagið né flugskólann sem skrifar svona mann út, hvað þá um blessaðann manninn sem er búinn að eyða öllu sínu í þetta og fær svo ekki vinnu.

Fyrra álit

flugfifl fyrir 20 árum, 7 mánuðum

Ég er alveg sammála þessu, að kaupa sér tékk er “prostitution” eins og einn flugmaður orðaði það. Ég veit um eitt dæmi um flugmann sem er ráðinn til Atlanta (á 767) með því skilyrði að hann kaupi tékkinn, þar var hann í um eitt ár þar til hann var ráðinn til Icelandair og þeir borga nýtt námskeið á 757. Þar fóru 2,3 millj. á einu ári, ca. 200.000 á mánuði til einskis. Ég er ekki að taka það með í reikninginn að hann hefði kannski ekki fengið vinnu hjá Iceair nema fyrir það að hafa reynslu á 767una, en eigi að síður… money lost að mínu mati. Svo er það líka spurningin hvort maður eigi að sætta sig við lægri laun á McDonalds eða e-ð og bíða þar til flugrekendur fatta að þetta gengur ekki til lengdar…. Þeir eru þegar farnir að finna fyrir áhafnaskorti.

Fyrra álit

jmk fyrir 20 árum, 7 mánuðum

Miðað við farþegafjöldatölur um Keflavíkurflugvöll (sjá www.airport.is) þá fara þær hækkandi. Síðan er spáð einhverri þvílíkri bylgju á næstu 10 árum, svaka sínusbylgja upp á við. Við skulum bara rétt vona að Bush komi ekki á öðru stríði, það var það sem stöðvaði seinustu bylgju sem var svo búið að lofsyngja.

Fyrra álit

tho fyrir 20 árum, 7 mánuðum

hehe sínusbylgja, en þá á hún eftir að koma niður á sama stað eftir eina lotu :)

Fyrra álit

pilot4u fyrir 20 árum, 7 mánuðum

Ég get a.m.k. sagt fyrir mitt leyti að það kæmi ekki til greina að ég myndi sjálfur borga þjálfun á þotu, ofaná allt hitt atvinnuflugmannsnámið! Ekki einusinni þótt mér væri boðin flugstjórastaða á B777 með milljón á mánuði, mér finnst þetta einfaldlega dónaskapur.

Ég verð nú að segja það, að ef e.h. mundi bjóða mér vinnu á B777 og ég þyrfti í staðinn, að borga kannski 3 milljónir þá væri ég til… því að maður er fljótur að borga upp lánin…
Staðan er nú ekki svona einföld, því miður. Ég persónulega segi öllum hinum sem eru þarna úti og eru ekki því um meira örvæntingafullir: EKKI KAUPA ÞOTU ÁRITUN. það koma tímar þar sem félögin geta ekki annað en ráðið menn án áritunar.(Icelandair, Flugfélag Íslands)
Svo er nú annað… Öll þessi félög (Atlanta, Astreus, Bluebird, Íslandsflug, og fleiri) hafa erlendar áhafinir sem eru með tegundaráritanir og vilja þessi félög ráða þessa menn, þar sem það er mun ódyrara(Verktakar) en að ráða íslensku strákana.(útaf FÍA og FFF) Ekki veit maður hvert framhaldið verður… En þessi félög eru sum hver undir pressu íslensku flugmannana að ráða fleiri íslenska flugmenn.(FÍA)
Það eina sem menn geta gert er að bíða og vona. Safna tímum, vera tilbúnir, vera þolinmóðir.
Ef menn vilja gerast verktakar þá er það náttúrulega nauðsinlegt að vera með teg. áritgun.

Pilot4u.
Ekki með vinnu á þotu. ;o)

Pilot4u

Fyrra álit

capt163 fyrir 20 árum, 7 mánuðum

Alveg er ég sammála þeim sjónarmiðum sem hafa komið hér fram! Flugfélögin eiga að sjá sóma sinn í því að þjálfa sína eigin flugmenn, og hafa þá í vinnu hjá sér. Ekki hjá einhverri helv**** áhafnarleigu, þetta er sorgleg óheillaþróun.

Það væri gaman að heyra sjónarmið þeirra sem hafa keypt sér tékk, hvort sem þeir hafa fengið vinnu eður ei….

Fyrra álit

Flugmadur fyrir 20 árum, 6 mánuðum

Það er margt rétt í þessu sem þið eruð að segja að mínu mati. Hins vegar skil ég vel flugfélögin, að þeir hafi varann á. Það er mikil fjárfesting fyrir flugfélagið að þjálfa flugmann. Þessi fjárfesting hefur oftar en ekki orðið að engu þegar menn sem eru nýkomnir með vinnu og búnir með tékk og byrjaðir að fljúga, fara til annars félags um leið og þess gefst kostur, jafnvel eftir að hafa ekki unnið nema stuttan tíma og sumir mjög stuttan tíma hjá félaginu. Mér finnst þetta mjög lágkúrulegt. Þessvegna finnst mér í lagi að flugfélagið láti menn skrifa undir samning til skamms tíma. Það er bæði okkur atvinnulausu flugmönnunum til framdráttar svo og flugfélaginu. Þeir eru þá ekki að henda peningunum sem fara í að þjálfa menn sem síðan flýja til annarra flugfélaga strax og kallið kemur. Þetta er allavega mín skoðun á málinu.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Tegundaáritanir

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi