Spurning hvað það séu mörg sæti á þessum prís? Alla vegana ég vona að fólk falli ekki í þá gryfju að versla við Flugleiði, ef þeim tekst að útrýma Iceland Express þá er alveg ljóst að verðin hækka aftur í það sem áður var og hverjum langar að borga slík verð nokkurn tímann aftur?

Mér finnst frekar furðulegt að þrátt fyrir allar þessar verðlækanir Icelandair í ár og í fyrra þá eru verðlækkanirnar bara til Evrópulanda og þá til staða sem eru ekki of langt frá þeim stöðum sem IcelandExpress fer til…
Engar verðlækkanir hafa t.d. komið á fargjöld til Bandaríkjanna sem ég veit ekki betur en sé flogið all reglulega til… hmmm… af hverju ætli það sé???

Mér líst vel á þetta hjá Icelandair. En mig langar líka að segja frá því að á síðustu 5 árum hef ég farið 12 sinnum til Kaupmannahafnar og alltaf farið með Icelandair enda IE ekki byrjaðir að fljúga á þeim tíma sem þessar ferðir voru farnar. Hæsta fargjald sem ég borgaði fyrir þessar ferðir var 21500 en það lægsta 16000. Þannig að þessi netverð þekktust hjá Icelandair löngu fyrir komu IE.

Ef ég þarf að fara út í dag mun ég fara með því flugfélagi sem bíður best hverju sinni. Enda ekkert betra að IE séu einir á markaði frekar en Icelandair.

Lifi samkeppnin.

Kveðja
Socata

Gott mál! Hagræðing sl. tveggja ára er augljóslega að skila sér og sýna nýjar afkomutölur það. Einnig gæti það haft eitthvað að segja í komandi útreikningum að nú er byrjað að rukka fyrir gosið (o.fl) sem áður var “frítt” (=innifalið í verði miðans), svo miðinn getur þá kannski lækkað eitthvað á móti, svo dæmi sé tekið. Kostnaður við hvert flug er þá lægri.

Ég er hins vegar ekki sammála “zett” um að verð á Ameríkumiðum hafi ekkert lækkað, því ég hef þurft að kaupa mér flug þangað og fylgst með verði sl. 6-7 ár og hefur verðið lækkað í krónum talið á þessum tíma. Auk þess hefur framboð á allskyns tilboðum aukist ásamt 2fyrir1 sem er á hverju ári. Ég t.d. greiddi 55þús kr. fyrir Orlando flugmiða fyrir fimm árum, en fékk um daginn tilboð í email sem hljóðaði upp á flug og hótel í viku fyrir 49þús kr.

Að lokum vona ég IceEx vegna að Ryanair byrji ekki að fljúga hingað, því ég er hræddur um að það verði þeirra banabiti ef svo verður. Iceair og IceEx ætti að ganga saman, en lítið eða ekkert pláss er fyrir þriðja áætlunarfélagið.

En á meðan erum við öll að fá ódýrari miða út í heim! Er það ekki það sem allir vilja?

Kv. H.

Getur ekki gengisþróunin átt part í þessu? Þeir hljóta nú að borga mestan kostnað af ferðum í dollurum/evrum (eldsneyti og fleira).

Eða kannski er þetta vitleysa í mér.

Það er aldrei neitt AÐ samkeppni, svo lengi sem hún er “fair and squair”. Icelandairmenn voru löngu búnir að sjá til þess að GO hætti að fljúga hérna (vegna of hárra afgreiðslugjalda í KEF, sem IA sat eitt að) og áttuðu sig á því að ekki væri lengi að bíða að einhver önnur lággjaldafélög sæju hagnað í íslendingum. Þess vegna stokkuðu þeir spilin upp á nýtt og fóru að bjóða þessi sérkjör. Það gleymist fljótt hjá hundinum að höndin sem sló hann er sú sama og fæðir hann og svo virðist einnig vera hjá mörgu fólki. Það áttar sig ekki á því að ef IA kemst upp með að bola samkeppni af markaðnum aftur, hugsa önnur félög sig 2x um áður en þeir hætta sér á markaðinn. IE er að bæta við annari vél, með tvöfalt meira sætaframboð núna, sem þýðir um leið að þeir þurfa 2x fleiri farþega. Ef það tekst ekki hjá þeim er Graveyard spiral eitthvað sem færist yfir í bókhaldslegt orðasafn frekar en fluglegt. Ég flaug oft með IA til Köben hérna áður fyrr og pantaði alltaf amk. 5 dögum fyrr þar sem ég var í netklúbbnum þeirra og gat fengið ódýrari fargjöld. En ef maður þyrfti að skreppa með minni fyrirvara þá fékk maður að blæða fyrir það líka. Það er von að viðskiptamenn sjái sér hag í að versla við IE þar sem breytingar á miðum er lítið mál og hægt er að panta með stuttum fyrirvara án þess að punga of mikið út fyrir því. Ekki að ég vilji hljóma of mikið sem auglýsing fyrir IE, þá sé ég hið góða í allri samkeppni þegar það kemur mér til góða, en það verður líka að huga að framtíð hennar.