Þú verður að athuga það Kolsi að þótt það sé eitthvað til sem heitir JAR-FCL 1, þá gildir það ekki orðalaust hér á Íslandi. Þegar JAR-FCL 1 var gefin út var hún gerð að reglugerð hér (419/1999 ef ég man rétt), þeirri reglugerð er svo breytt eftir því sem fyrirmyndin breytist. Þú verður því að skoða þessa reglugerð (finnur hana m.a. á heimasíðu FMS) því það er hún sem FMS fer eftir, ekki JAR-FCL 1.

Það er líka annað við þetta og það er það að ráðuneytið þarf ekki að innleiða breytingar sem gera hlutina auðveldari. Þ.e. okkur Íslendingum ber að innleiða hitt og þetta (evrópusambandskj.), en við megum vera harðari. Í þessu tilviki gæti ég t.d. séð fyrir mér að reglugerðinni yrði ekki breytt þar sem núverandi ákvæði eru strangari en þau sem á eftir koma, það er þá leyfilegt. Við mættu aftur á móti ekki setja ákvæði sem væru vægari en fyrirmyndin, t.d. mætti ekki setja í reglugerðina að þú mættir klára þetta 48 mánuðum eftir síðasta próf.

En hvernig sem þetta er að þá ráðlegg ég þér að skella þér í það að klára þetta verklega. Þú þarft bara að klára CPLið til þess að vera í góðum málum og ég held að þú ættir að geta gert það á innan við mánuði. Svo ættir þú að geta tekið þér ágætan tíma í það að klára IR og annað sem þarf. Eyddu þínum tíma frekar í það en að vera berjast við eitthvað bákn sem mun ekki breyta neinu…

Gangi þér vel.

Kveðja,
deTrix

disclamer: Þið athugið það að ég er að skrifa þetta sem leikmaður. Ekki taka neitt af því sem ég segi trúanlegu, heldur gangið úr skugga um þetta sjálf. Fáið allt skriflegt.