“Öruggar og reglulegar flugsamgöngur eru stór þáttur í að tryggja búsetu um land allt. Ljóst er að hagur flugfélaga í innanlandsflugi hefur batnað í kjölfar endurskipulagningar og útboða hins opinbera á sjúkraflugi og flugi til jaðarbyggða. Einnig hefur mikið áunnist í endurbótum á flugvöllum og öryggi þeirra. Stærsta einstaka framkvæmdin undanfarin ár er endurbygging Reykjavíkurflugvallar sem lauk sl. haust. Reykjavíkurflugvöllur er nú í fremstu röð flugvalla um öryggi. Mikilvægt er að hlutverk hans sem miðstöð innanlandsflugs á Íslandi verði tryggt.”

Tekið úr ályktun 35.landsfundar Sjálfstæðisflokksins um samgöngumál.


Afstaða Samfylkingarinnar til Reykjavíkurflugvallar ætti ekki að fara á milli mála, Ingibjörg Sólrún fyrrverandi borgarstjóri vill völlinn burt.

Samfylkingin á það þó til að breyta stefnuskrá sinni frá degi til dags en á meðan Ingibjörg Sólrún (forsætisráðherra, formaður, borgarstjóri, liðhlaupi????) stjórnar Samfylkingunni og borginni (bak við tjöldin) verður Reykjavíkurflugvelli og þeirri starfsemi sem þar fer fram ekki sýnd nein miskunn.

Framsókn er sátt við völlinn eins og hann er í dag, framsókn gerir hins vegar aldrei neitt, ekki treista á þá.

Vinstri grænir vilja nú líklega bara rífa alla flugvelli og setja kartöflugarða í staðinn, hoppum 100 ár aftur í tímann, kjósum VG, jibbí!

Það er óþarfi að blanda Frjálslyndum inní þetta, þeir hugsa bara um fisk. Formaður flokksins veit ekki muninn á persónuafslætti og skattleysismörkum. Fáfróði flokkurinn væri réttnefni.


Þeir sem bera hag Reykjavíkurflugvallar fyrir brjósti ættu því ekki að hugsa sig lengi um þann 10.maí n.k.

X D

Árni Páll Þorbjörnsson