Úr dreifibréfi:
—————————————– —–
Flugið í heiminum er 100 ára í ár.

Þessi heimsviðburður helgast af því að Wright-bræður fóru í fyrstu flugferðina árið 1903. Hann átti sér stað í Kitty Hawk í Norður- Karólínufylki í Bandaríkjunum, nánar tiltekið á stað sem heitir Kill Devils Hill - Djöfulsdráphólar.

Fyrsta flugs félagið, félag áhugamanna um flugmál, mun minnast aldarafmælis flugafreks Wright-bræðra með margvíslegum hætti á þessu ári. Fyrsti viðburðurinn verður rúmlega klukkutímn langt útsýnisflug á Boeing 747 risaþotu frá Flugfélaginu Atlanta föstudaginn 4. apríl.

Brottför er frá Keflavíkurflugvelli kl 17 síðdegis og stefnan tekin á hálendi Íslands þar sem flugið verður lækkað til að farþegar njóti útsýnisins. Flugvélin rúmar 460 farþega en aðeins verður selt í 330 sæti þannig að sem flestir geti notið þess sem fyrir augu ber.

Flugstjóri verður Arngrímur Jóhannson einn af eigendum Flugfélagsins Atlanta og hinn góðkunni flugáhugamaður Ómar Ragnarsson mun lýsa landslaginu. Þá verða fimm trúðar um borð en þeirra hlutverk verður að létta lund farþega og leika á hljómfæri. Í ferðalok munu allir þátttakendur fá heiðursskjal til staðfestingar um að hafa verið með í þessari óvenjulegu ferð á 100 ára flugafmælinu.

Það eru Fyrsta flugs félagið og Flugmálafélag Íslands sem standa fyrir fluginu en samstarfsaðilar eru Flugfélagið Atlanta og Vífilfell.

Unnt er að panta sæti í ferðina hjá Flugmálafélagi Íslands í síma 511 3200 til kl. 21. Verð fyrir fullorðna er 8.900 en 6.900 fyrir börn.

Frábær hugmynd að bjóða fólki uppá útsýnisflug í bumbu. Verst að ég klikkaði á þessu en ég hélt að kallinn ætlaði að skreppa með liðið um næstu helgi.
Ef ég kemst í skreppitúr í Jumbóþotu einhvern daginn þá skiptir mig engu hvernig veður verður, hvað þá hvort einhversskonar trúðar verði um borð. Mér finnst það frekar töff hjá Arngrími og Flugmála- og Fyrsta flugs félaginu að bjóða almenningi upp á þetta flug.

Vonandi sjáum við meira af þessu í framtíðinni.

Kv, Helico.

Ég veit um ungan sjálfstæðismann sem fór!