Kristbjorn fyrir 21 árum, 8 mánuðum Fjöldi lestra: 1321

Samgönguáætlun á Alþingi, kjaftshögg á einkaflugið

Sælir

Nú er verið að ræða samgönguáætlun á Alþingi. Það er gott að setja þessi mál í fast horf, og sú áætlun sem þeir hafa verið að talaum hefur verið ágæt, með 61 skilgreindum flugvelli og áætlanir um endurbygginug á pýramídum og lagfæringar á malarvöllum (þó ekki fyrr en 2007-2008). Stærsta atriðið var þó að áætlaðar voru 277 milljónir í æfingarflugvöll í nágrenni Reykjvíkur. Nú á milli umræðna skýtur samgöngunefnd inn breytingartillögu dauðans frá Flugráði:

Á 88. fundi flugráðs var afgreidd umsögn ráðsins um flutning snertilendinga í æfinga- og kennsluflugi á Reykjavíkurflugvelli. Þar leggur flugráð eftirfarandi til: „Í stað þess að byggja sérstakan flugvöll til þess að taka við snertilendingum eigi að leita leiða til þess að koma þessum æfingum fyrir á Keflavíkurflugvelli annars vegar og hins vegar verði hluta af þeim fjármunum sem fyrirhugað er að verja í æfingarflugvöll varið í að endurbæta Sandskeiðsflugvöll þannig að hann nýtist æfinga- og kennsluflugi til snerti lendinga.

Í samræmi við þetta leggur meiri hlutinn til að hætt verði við byggingu sérstaks æfingarflugvallar. Þó er gert ráð fyrir að heimilað verði að endurbæta æfingarflugvelli í nágrenni Reykjavíkur, einkum á Sandskeiði, þannig að á árinu 2003 verði framlag á liðnum 2.1 „Aðrir flugvellir utan grunnnets“ 14 millj. kr. í stað 73 millj. kr. Á árinu 2004 lækki framlag úr 65 millj. kr. í 6 millj. kr. til æfingarflugvalla í nágrenni Reykja víkur. Samtals verði því framlag til flugvalla utan grunnnets 9,2 millj. kr. árið 2004. Á árunum 2005 og 2006 er lagt til að ekkert framlag verði á þessum lið. Samsvarandi breytist liður 2.2.2.3 „Æfingarflugvöllur“ þannig að í stað 73 millj. kr. árið 2003 komi 14 millj. kr. og í stað 65 millj. kr. árið 2004 komi 6,1 millj. kr. Árin 2005 og 2006 verði ekkert framlag á þessum lið.

Hér er meira um málið:
http://www.althingi.is/dba-bin/ferill.pl?ltg=12 8&mnr=563

Þarna er semsagt verið að taka 250 milljónir frá kennslu og einkaflugi, án þess að setja neitt í staðinn. Ekki er einu sinni útlit fyrir uppbyggingu á Selfossi eða Borgarnesi, og framtíð Selfossflugvallar í lausu lofti. FÍE fékk þessar hugmyndir aldrei til umsagnar, heldur er þetta eitthvað sem Flugráð kemur með úr heiðskíru lofti.

Ein af ástæðunum fyri því að þetta gerist er að Einkaflugmenn (eða Sportflugmenn) hafa ekki talað einni röddu, og staðið á bak við eina hugmynd um framtíð einka- og kennsluflugs. Stjórn FÍE er að reyna að setja sig í samband við FMS og Samgöngunefnd, til að ræða þessi mál.

Það liggur fyrir að það skiptir okkur gríðarlegu máli að halda þeim flugvöllum sem hafa verið byggðir upp út um allt land, og það skiptir mikilu máli að fá fastan punkt sem miðstöð einkaflugs, hvort sem það verður á BIRK eða einhvers staðar í nágrenninu.

Með kveðju,
Kristbjörn

stall fyrir 21 árum, 8 mánuðum

Er þetta ekki bara gott mál við höldum þá væntanlega okkar plási á BIRK ( sem ég held að flestir vilji ). Það ætti að minsta kosti að vera krafa okkar á móti þessu að við fáum að vera á BIRK þangað til/ef honum verður lokað.

Fyrra álit

deTrix25 fyrir 21 árum, 8 mánuðum

Mér finnst í sjálfu sér ágætt ef kennsluflug verður flutt til Keflavíkur, það er ágætt að nota völlinn þar sem hann er með öllum útbúnaði og allir mögulegri þjónustu. Ég veit að mönnum kann að þykja ég leiðinlegur að segja þetta, en hvað varðar það að skera niður útgjöld til einka- og atvinnuflugs: Gott mál, það er u.þ.b. 250 virkir einkaflugmenn á Íslandi og mér finnst svoldið mikið að þeir fái 250 milljónir á fjögurra ára tímabili. Væri ekki nær að stytta einhvern biðlista?

deTrix

Fyrra álit

merkikerti fyrir 21 árum, 8 mánuðum

Hvaða biðlista, þetta er allt fyrirfram ákveðið.

Fyrra álit

Mazoo fyrir 21 árum, 8 mánuðum

Í fyrsta lagi virðist það enn og aftur ráða ferðinni að fólk SEM HEFUR EKKI VIT Á FLUGI veður uppi með “snilldarlausnir” að eigin mati.

Í öðru lagi er Sandskeið ekki nothæfur nema hluta úr ári, ég trúi ekki að við fáum snjósóp, turn og slökkvilið þangað.

Í þriðja lagi verður Svifflugfélagið alveg snælduvitlaust yfir þessu og það mun takmarka þeirra not af vellinum mjög mikið og valda óþarfa vandræðum og auka slysahættu milli véla.

Í fjórða lagi,….fokk!!!

Fyrra álit

otri fyrir 21 árum, 8 mánuðum

Ég held að fullyrðingin “fólk SEM HEFUR EKKI VIT Á FLUGI” eigi kannski ekki alveg við, þar sem þessi tillaga kemur upprunalega frá Flugráði.

Það sem ég hinsvegar skil ekki er hvaðan þeir fengu þessa flugu í höfuðið að skrúfa fyrir fjármagn í þessar uppbyggingar á flugvöllum og dreifa peningunum í aðra bitlinga, s.s. auka fjármagn til liðsins 2.1 „Eftirlit og öryggismál“ um 11 millj. kr.

kveðja,

Otri

Fyrra álit

Kristbjorn fyrir 21 árum, 8 mánuðum

Er einhver sem hefur vit á flugi í flugráði ?

KG

Fyrra álit

[Notanda eytt] fyrir 21 árum, 8 mánuðum

Er Árni Johnsen ennþá í flugráði?

Fyrra álit

svg fyrir 21 árum, 8 mánuðum

ROFL, sé það fyrir mér.
Allt ráðið stormar upp á Snæfellsnes að funda :)

Kv. svg

Fyrra álit

otri fyrir 21 árum, 8 mánuðum

Í Flugráði sitja:

Hilmar B. Baldursson
Óli Jón Gunnarsson
Gunnar Hilmarsson
Jón Karl Ólafsson
Jens Bjarnason
Erna Hauksdóttir

Ég sé nú allavega 3 nöfn þarna sem ættu að hafa vit á flugi, en ég er ekki viss um að þau hugsi mikið frá degi til dags um smáfuglana og grasrótina, kannski vegna þess að smáfuglarnir eru frekar sundurleitur hópur sem kemur sér lítið á framfæri. Kannski þú getir kippt því í liðinn Kristbjörn?

kveðja,

Otri

Fyrra álit

Kristbjorn fyrir 21 árum, 8 mánuðum

I'm on it. Ég var að spjalla við Þorgeir Pálsson í dag, og ætla að reyna að ná í Guðmund Hallvarðs í fyrramálið. Eins og staðan er í dag lítur út fyrir að stefnan sé að halda einkafluginu á BIRK þangað til það verður sjálfdautt af boðum og bönnum, öryggismálum, dýrtíð og öðrum þrengingum.

KG

Fyrra álit

stall fyrir 21 árum, 8 mánuðum

Flugráð:(
Ég skil ekki hvernig þeim dettur þetta í hug, svona fljót á litið. En þegar maður hugsar aðeins um það (og sér hverjir eru í flugráði) þá er bara verið að hugsa um Flugfélag Íslands og ferðamenn. Líkurnar á því að BIRK verði lokað endanlega þegar búið er að byggja flugvöll úti í hrauni aukast líklega mikið sama dag og þessi völlur í hrauninu verður opnaður. Sterkasta vörinin fyrir BIRK eru allar vélarnar sem eru staðsettar þar það gæti orðið mjög ervitt að réttlæta BIRK fyrir 10 áætlunarvélar.

Fyrra álit

[Notanda eytt] fyrir 21 árum, 8 mánuðum

Var Þorgeir bara himinsæll með þetta???

Fyrra álit

Mazoo fyrir 21 árum, 8 mánuðum

Hilmar B. Baldursson er yfirflugstjóri Flugleiða,
Óli Jón Gunnarsson bæjarstjóri í Stykkishólmi held ég, Gunnar Hilmarsson deildarstjóri,
Jón Karl Ólafsson er forstjóri Flugfélags Íslands,
Jens Bjarnason er flugrekstrarstjóri Flugleiða,
Erna Hauksdóttir er formaður Samtaka ferðaþjónustunnar. Af varamönnum er aðeins einn flugmaður, Hallgrímur Jónsson, fyrrverandi yfirflugstjóri Flugleiða. Af þessu fólki eru aðeins tveir sem gætu skilið okkar sjónarmið, en það er spurning hvort formaðurinn er í tengslum við “grasrótina”. Ég veit að Hallgrímur er það.

Fyrra álit

deTrix25 fyrir 21 árum, 8 mánuðum

Kristbjörn:

Ef þú ætlar að hringja í menn í flugráði að þá sýnist mér þú fá flest númerin í símaskrá Flugleiða - enda ekki af ástæðulausu að ráðið er kallað Flugleiðaráð…

deTrix

Fyrra álit

cannon fyrir 21 árum, 8 mánuðum

Hvað sem öllum spekúlasjónum Flugráðs og Samgöngunefndar líður þá er alveg ljóst að það fer ekkert kennsluflug inn á Sandskeið nema með samþykki SFÍ. Það er reyndar ótrúlegt að það fólk sem að þessari tillögu stóð skuli ekki hafa haft fyrir því að kynna þessar hugmyndir fyrir Svifflugfélaginu, hvað þá að spurja leyfis.

Fyrra álit

deTrix25 fyrir 21 árum, 8 mánuðum

Á SFÍ sanskeið?

Fyrra álit

cannon fyrir 21 árum, 8 mánuðum

Sandskeið tilheyrir Kópavogi og SFÍ er núna með 75 ára samning að mig minnir við það bæjarfélag hvar segir að SFÍ hafi umráðarétt yfir svæðinu. Að vísu er eitthvað farið að saxast á þessa tölu núna, en það er nú einu sinni svo að þegar komin er yfir 50 ára hefð á eitthvað þá verður því ekki breytt svo glatt.

Fyrra álit

deTrix25 fyrir 21 árum, 8 mánuðum

En er FMS ekki að borga eitthvað í viðhald á vellinum, eða sér SFÍ eitt um völlinn?

Fyrra álit

otri fyrir 21 árum, 8 mánuðum

Þó svo að svifflugsstarfið á Sandskeiði þurfi stórt svæði, þá held ég t.d. að SFFÍ hafi ekki umráðarétt til dæmis yfir malarbrautinni, en hún er á vegum FMS. Ég er þeirrar skoðunar að vélflug og svifflug ætti að geta lifað saman í sátt og samlyndi, allavega eru dæmi um það t.d. í Evrópu, en það er kannski enginn vilji til þess hér á landi.

Fyrra álit

cannon fyrir 21 árum, 8 mánuðum

Þú getur eflaust fundið dæmi um ýmislegt fleira í Evrópu. Ég vil þó benda þér á að þetta snýst ekki um það að vélflug og svifflug geti ekki verið saman og nenni einfaldlega ekki að elta þig út í slíka umræðu.

Varðandi malarbrautina vil ég benda þér á að SFÍ lokar henni eftir þörfum og sér að auki um að valta hana á vorin. Ég skil einfaldlega ekki alveg hvað þú ert að fara með “umráðarétti”. Sandskeið er svifflugvöllur og svifflug mun ávallt hafa forgang á Sandskeiði. Þessi braut er þarna með leyfi SFÍ og aðeins þess vegna.

Að Samgöngunefnd ætli sér síðan að vísa æfingaflugi upp á Sandskeið án þess svo mikið sem ræða eitt einasta orð við SFÍ áður, er fráleitt.

Fyrra álit

otri fyrir 21 árum, 8 mánuðum

Það er greinilegt að þú tilheyrir Svifflugmannahópnum. Kópavogsbær á landið ekki rétt?

“Sandskeið er svifflugvöllur og svifflug mun ávallt hafa forgang á Sandskeiði. Þessi braut er þarna með leyfi SFÍ og aðeins þess vegna.”

Þvílikur hroki…

Fyrra álit

deTrix25 fyrir 21 árum, 8 mánuðum

Já, ég er sammála þér otri, þetta svar er mjög hrokafullt… maður hefur bara ekki séð svona dónalegt svar síðan vandræðin voru hérna sem mest forðum…

En hvað völlinn varðar að þá er hann merktur eign Flugmálastjórnar í AIP, þannig að mér sýnist að ef FMS ætli að færa eitthvað á þennan völl að þá verði svifflugumenn bara að sætta sig við það…

deTrix

Fyrra álit

hugsjon fyrir 21 árum, 8 mánuðum

Kæru félagar.
Það er alveg ljóst að Svifflugfélagið hefur hefur umráðaréttinn yfir Sandskeiði samanber samning gerðann árið 1936 til 99 ára (að ég held) milli félagsins og Seltjarnaneshrepp hinum forna (áður enn hann skiptist í Kópavog og Seltjarnarnes)
Hinsvegar er samkomulag milli Flugmálastjórnar og félagsins að hafa vélflugbrautina og nýta hana til vélfluglendinga. Það skal viðurkennast að félagsmenn eru mis-jákvæðir fyrir vélflugumferðini. Yfirleitt skiptir vélflugumferðin litlu máli fyrir svifflugið á Sandskeiði nema þegar farið er í loftið til norðurs. Þá liggur spilvírinn yfir vélflugbrautina sem skapar hættu á margan máta.
Við höfum þó leyft í undantekningratilvikum að nota vélflugbrautina þegar þannig stendur á.
Flugmálastjórn hefur óformlega ámálgað að bæta vélflugbrautina. Stjórnin hefur ekkert fjallað um málið en ég tel að félagið geti sætt sig við endurbætur sem auki flugumferð á Skeiðinu enda fái félagið eitthvað fyrir sinn snúð. Engar viðræður hafa þó farið fram.

Það sem er athyglisvert við þetta allt er að spara á tugi eða hundruða milljóna með að fresta byggingu nýs flugvallar. Ein af forsendunum fyrir þessu er að endurbæta á Sandskeið svo það megi nota meira.
Eruð þið vélflugmenn sáttir við þetta?
Ef samningar nást við Flugmálastjórn bjóðum við alla vélflugmenn velkomna upp á Sandskeið enda verða væntanlegar settar einfaldar og skýrar reglur svo öryggi flugumferðar verði sem mest.

Kristján Sveinbjörnsson form. Svifflugfélagsins

Fyrra álit

SteinOs fyrir 21 árum, 8 mánuðum

Þetta Var heldur betra svar frá Svifflugfélaginu

En í sambandi við þetta að verjast á Birk þá held ég að það gangi ekki upp ef framgangur þessara bílabraskara heldur áfram , því að Umferð þeirra er að verða meiri heldur en þeirra sem ætla að skella sér í flug !

Fyrra álit

deTrix25 fyrir 21 árum, 8 mánuðum

Já, þetta svar sýni að það eru greinilega siðmenntaðir menn í Svifflugufélaginu, dóninn sem sýndi sig hérna hefur bara verið undantekningin sem sannaði regluna.

En hvað varðar bílabraskarana og þ.h. starfssemi sem á sér stað í fluggörðum, að þá held ég að þeir menn sem hana stunda, séu kannski einna helst að hækka bara leiguna á skýlunum hjá okkur frekar en eitthvað annað. Er ekki hægt að koma þessu út af flugvallarsvæðinu?

deTrix

Fyrra álit

socata fyrir 21 árum, 8 mánuðum

Það hefur gengið erfiðlega hingað til að reyna að koma þeim út af svæðinu, en það á ekki að gefast upp við að reyna.

Fyrra álit

SteinOs fyrir 21 árum, 8 mánuðum

Stofna Resistance ? :D Stefnuskrá : burt með Bílabraskara. Gætum farið í skjóli nætur og hleypt lofti úr dekkjunum á köggunum þeirra :)

(allt í sprelli að sjalfsögðu)

Fyrra álit

cannon fyrir 21 árum, 8 mánuðum

Ég held þú áttir þig ekki alveg á þessu:

SFÍ á vélflugbrautina á Sandskeiði og SFÍ hefur einnig umráðarétt yfir Sandskeiði. Ef SFÍ ákveður að plægja upp vélflugbrautina á Sandskeiði og breyta henni í lúpínuakur þá getur hvorki þú né háttvirtur Flugmálastjóri gert neitt við því.

Ég nenni ekki að elta ólar við þig um hvað er dónaskapur og hvað ekki … endilega hafðu þína skoðun.

Þakka þér og otra svo fyrir að sýna okkur svifflugmönnum viðhorf ykkar vélflugmanna til Sandskeiðs, þetta verður afar hjálplegt þegar kemur að því að taka ákvörðun um það hvort hleypa skuli æfingaflugi inn á Sandskeið.

Fyrra álit

deTrix25 fyrir 21 árum, 8 mánuðum

Ég held að þú ættir bara að láta formanninn um að tala fyrir hönd félagsins cannon, þú ert ekki frambærilegur talsmaður.

deTrix

Fyrra álit

Mazoo fyrir 21 árum, 8 mánuðum

Cannon er kannski að reyna að uppfylla nafnið. :-) Nei annars í fullri alvöru sýnist mér menn vera dálítið litaðir af vanþekkingu á sporti hvers annars. Ég þekki til á báðum stöðum og get nú ekki sagt annað en að á Sandskeiði séu yfir höfuð mestu prúðmenni. Hagsmunagæsla eða hroki, ég ætla ekki að dæma um það. En hitt ábyrgist ég að það er hvorki Svifflugfélaginu, eða vélfluginu til hagsbóta að þetta verði samþykkt. Þó svo að það sé fræðilegur möguleiki á að þessar greinar geti “lifað í sátt og samlyndi” þá eigum við ekki að sætta okkur við það. Greinarnar eiga að hafa sín athafnasvæði óskert til frambúðar svo þau geti bæði vaxið óhindrað. Sambúð beggja á Sandskeiði yrði allt of hamlandi fyrir báða aðila og sennilega mjög amalegt fyrir Svifflugfélagið. Þess vegna er enn mikilvægara en ella að allir flugmenn mótmæli þessu kröftuglega, því samtakamátturinn er mikill. Ef til dæmis kæmi fram sú hugmynd að taka listflugssvæðið í Mosó af listflugmönnum og færa þá á Sandskeið þá væri það líka allra hagur, svifflugmanna, vélflugmanna og listflugmanna að það næði ekki fram að ganga. Þið skiljið væntanlega hvað ég er að meina. Þegar Flugklúbbur Selfoss er að berjast fyrir því að halda vellinum er mikilvægt að vélflugmenn í Reykjavík og annars staðar leggi lóð sín á vogarskálarnar og tali fyrir þeirra málstað. Meira að segja Svifflugfélagið ætti að styðja þá líka því þessi völlur eykur öryggi allra fluggreinanna sem varaflugvöllur, eða nauðlendingarstaður svo fátt eitt sé nefnt. Hættið þessum barnalega skotgrafarhernaði. Lítið á heildarmyndina og vinnið saman. Gefið svo Samgöngunefnd Alþingis 48 klst. til að yfirgefa borgina.

Fyrra álit

[Notanda eytt] fyrir 21 árum, 8 mánuðum

Enn ein ástæða fyrir því að læra að fljúga þyrlu.

Fyrra álit

Kristbjorn fyrir 21 árum, 8 mánuðum

það er ekki verið að tala um að rétta einkaflugmönnum 250 milljónir. Það er verið að tala um að byggja upp nýjan flugvöll sem fyrst og fremst nýtist kennsluflugi. Til að setja þetta í samhengi menntamála er þetta álíka upphæð og framhaldsskólinn í Austur-Skaftafellssýslu fær í sinn rekstur, en töluvert lægri en Menntaskólinn á Laugarvatni fær.

Á móti kemur að ef einka- og kennsluflug hverfur af Reykjavíkurflugvelli fæst þar byggingarland sem er mörg hundruð milljóna virði, ef ekki milljarða.

Gallinn við þessa ágætu tillögu er að það er ekki boðið upp á viðunandi aðstöðu fyrir okkur. Sandskeið er út úr myndinni stærstan hluta ársins, og Keflavík í sambýli við herþotur og Boeing er ekki góður kostur fyrir Cessna 152.

KG

Fyrra álit

Flug

Flug

Ofurhugar

Stjórnendur

Hverjir eru inni

Greinar

Samgönguáætlun á Alþingi, kjaftshögg á einkaflugið

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi