deTrix25 fyrir 21 árum, 10 mánuðum Fjöldi lestra: 1230

Astraeus vill íslendinga

Í morgunblaðinu í dag er viðtal við John Mahon, yfirflugstjóra og flugrekstrarstjóra Astraeus - félaginu sem flýgur fyrir Iceland Express. Í lítilli grein til hliðar segir John að ekki sé útilokað að ráða íslenska flugmenn, ráða þurfi nokkra flugmenn á árinu þegar tvær til þrjár flugvélar bætist í flotan. Einnig er viðtal við Jóhannes Jóhannsson, formann Félags íslenskra atvinnuflugmanna, en helmingurinn af hans grein í að tala um Flugleiðir.

Í dag eru 192 starfsmenn hjá Astraeus, þar af 140 flugmenn. Þessir 140 flugmenn fljúga þeim 4 þotum sem félagið er með, því erum um 35 flugmenn á hverja þotu. Ég veit ekki hvort það sé hægt að fullyrða út frá þessum tölum að félagið ætli að ráða 70 til 100 flugmenn, þar sem þeir ætla að bæta við allt að þremur þotum, en mér finnst þetta vera nokkuð margir flugmenn á hverja þotu. Ég held að ég fari með rétt mál þegar ég segi að Flugleiðir séu með 20 flugmenn á þotu - 10 áhafnir. Hvernig sem því líður fullyrðir John að þeir ætli að ráða flugmenn - spurningin er bara hversu marga og hvort einhverjir af þeim verði íslendingar.

Mig langar að koma af stað málefnalegri umræðu um þetta mál. Ég spyr því núna: Er erlendu flugfélagi eins og Astraeus óhætt að ráða íslendinga, má ekki gera ráð fyrir því að þeir stingi af um leið og Flugleiðum vantar mannskap?

Kveðja,
deTrix

svg fyrir 21 árum, 10 mánuðum

Óhætt og ekki óhætt.

Erfitt að staðhæfa e-ð í þessu efni.
Vissulega hefur borið á því að íslenskir flugmenn hafi verið fljótir að hoppa frá borði þegar staða hefur boðist hjá Flugleiðum(má maður nokkuð nota það nafn lengur ;).
En eins og staðan er í dag og menn hafa horft upp á uppsagnir þá hugsa ég að margir mundu hugsa sig vel um áður en að þeir færu úr annarri vinnu, sem þeir væru með fasta, og hoppa yfir til Flugleiða upp á möguleikann að vera svo sagt upp.

Við megum ekki gleyma því að það eru mörg dæmi um íslenska flugmenn sem starfa fyrir erlend flugfélög og hafa gert það í mörg ár og unna sér mjög vel.
Er ekki líka spurning í þessu sambandi upp á hvaða kaup og kjör menn verða ráðnir?

Í sambandi við hopp frá Atlanta til Flugleiða þá er það vissulega lélegt gagnvart viðkomandi vinnuveitanda að „svíkja“ hann svona.
En hvað með áhafnaleigur?
Skyldu viðkomandi nokkuð hafa hreyft sig ef þeir væru í öruggu starfi hjá Atlanta en ekki e-r áhafnaleigu???
Getur ekki verið að atvinnuöryggið og framfærsla fjölskyldunnar hafi vegið þungt þegar að menn ákváðu það að skipta um starfsvettvang.

Kv. svg

Fyrra álit

RB211 fyrir 21 árum, 10 mánuðum

Þetta er mjög jákvætt.
En það er ekki möguleiki að komast inn án þess að vera með type ratingu á B737.
Nú er bara skreppa út í banka og fá sér 2.5M að láni og versla sér eitt skykki TR hjá Flugskóla Íslands.
Ég tel að þeim sé óhætt að ráða íslendinga svo lengi sem þeir standi sjálfir í kostnaði vegna TR.

Fyrra álit

Hrafnista fyrir 21 árum, 10 mánuðum

Ég hef heyrt þessa flugfélags getið… Flýgur það hingað til Íslands?
(Gott mál ef Flugleiðir eru að fá smá samkeppni…)

Fyrra álit

Fresca fyrir 21 árum, 10 mánuðum

Smá leiðrétting: Þeir eru ekki með 140 flugmenn hjá sér, heldur 140 áhafnameðlimi. Það meðtelur flugfryjur og þjóna. Varðandi ráðningu Íslendinga, þá held ég að það skipti þá litlu máli hvers lenskir menn eru, bara að þeir hafi atvinnuréttindi og JAA skírteini. Það má gera ráð fyrir að þetta félag þurfi ekki jafn margar áhafnir á sínar vélar eins og Flugleiðir, ástæðan er sú að það er sennilega ekki mikið um löng flug þar sem ekki er hægt að fljúga fram og til baka; áhafnir þurfa ekki að taka hvíld annarsstaðar en í heimahöfn.

Kveðja
Fresca

Kveðja

Fyrra álit

Fodgett fyrir 21 árum, 9 mánuðum

Ég sendi umsókn til Astraeus fyrir 2-3 vikum og fékk þau svör að það væri ekki ráðgert að ráða flugmenn fyrr en í mars-apríl.
Hins vegar sögðu þeir að maður gæti farið í “preselection service” hjá þeim fyrir “aðeins” 1000 pund. Inn í því væri checkur í simma, sálfræðipróf og viðtal. Ef þeim litist síðan á mann er hægt að kaupa hjá þeim, í gegnum þjálfunardeild þeirra, type ratingu á 737 fyrir 15.000 pund. Síðan þarf maður að vera með MCC líka. Og þá væri möguleiki á að fá vinnu.
Þetta voru þau svör sem ég fékk a.m.k. hjá þeim. Ef menn hafa efni á því þá er kannski ekkert að því að reyna að komast þarna í vinnu. Hins vegar veit ég ekki hvernig launin eru.

Fyrra álit

merkikerti fyrir 21 árum, 9 mánuðum

Borga fyrir athugun á sjálfum sér, kaupa MCC, kaupa tékk, borga uniform osfrv., hvað og hvað kemur næst ???
Þetta er slæm þróun þar sem ungir og reynslulausir/litlir flugmenn eru “kúgaðir” af flugfélögum til að borga undir rassgatið á sjálfum sér til að fá job.

Eins og staðan er í dag þá er ég ekkert viss um að menn stökkvi frá vinnuveitandanum, fólk verður þar sem það er ráðið, amk. á íslenska vinnumarkaðnum.

Fyrra álit

Sepecat fyrir 21 árum, 9 mánuðum

Það er leiðinleg staðreind en ég held að flugmannsstéttin sé eina starfsstéttin sem ég veit um sem þarf að borga í mörgum tilvikum til að fá vinnu og þarf að láta bjóða sér ýmislegt, jafnvel leggja sig í mikla hættu til þess að fá vinnu við sína menntun.
Þarf t.d. viðskiptafræðingur eða smiður að borga með sjálfum sér til að fá vinnu við sitt fag? Þurfa þeir að vinna frítt hjá einhverju litlu fyrirtæki til að geta aflað sér reynslu sem stærri fyrirtæki sækjast eftir?

Það er engin furða þó að fólk aumki sér yfir þessari stétt.

Fyrra álit

piper fyrir 21 árum, 9 mánuðum

Ég hef nú engan séð aumka sig yfir flugmannastéttina nema þá kannski helst flugmennina sjálfa sem geta verið ótrúlega sjálfselskir.
Ég persónulega færi aldrei að kaupa tékk á einhverja vél í von og óvon uppá það að fá vinnu, en ef að vilyrði væri fyrir vinnu, þá myndi maður sennilega slá til.

Í heimi flugsins hugsar hver um sig, það er bara .annig, og það kemur berlega í ljós þegar illa árar í bransanum.

Fyrra álit

deTrix25 fyrir 21 árum, 9 mánuðum

Ég held að það sé nú bara alltaf þannig að hver hugsar um sjálfansig. Það er ekki bara þessi bransi frekar en einhver annar, svona er þetta bara allsstaðar!

En hvað hitt varðar að þá erum við aftur komnir að því að menn kæra sig líklega ekkert um að borga meira fyrir námið sitt en það kostar án þess að menn þurfi að fara að bæta við kostnaði vegna tékka og þessháttar. Heila málið er það að á meðan menn eru að þyggja vinnu með þeim formerkjum að borga tékkana sína sjálfir, eða á meðan menn eru að borga tékkana sína í von um það að fá einhverja vinnu og þegar menn þyggja vinnu, fá tékka og hætta um leið og það losnar staða hjá Flugleiðum að þá er verið að ýta undir þá hugmynd hjá flugfélögunum að það sé sniðugt að koma svona fram.

deTrix

Fyrra álit

sbg fyrir 21 árum, 9 mánuðum

Já mér finnst jákvætt að eitthvað flugfélag en Icelandair (Flugleiðir) séu með flug til og frá eyjunni. Mér finnst að þeir flugmenn sem geta fengið vinna s.s. eru komnir með allt, eiga bara að vera ánægðir að fá vinnu en ekki hugsa um launin, ef þú getur verið flugmaður hjá einhverju einu flugfélagi. En ef þú gætir valið þá held að meirihlutinn hugsi hvernig vinnuálagið er, launin og annað því um líkt.

kveðja:
Sbg

Fyrra álit

Kolsi fyrir 21 árum, 9 mánuðum

En hvað er þetta með það sem Jóhann sagði í viðtalinu um að það væru 50 íslenskir flugmenn atvinnulausir… Eru menn sem eru búnir að læra en ekki komnir með vinnu ekki atvinnulausir??…
Það þekkist nú í flestum greinum atvinnulífsins að menn geti skráð sig í verkalíðsfélag og það hjálpi manni í gegnum hallærið, Flugvirkjafélag Íslands svona til að taka dæmi úr skyldri atvinnugrein.

Fyrra álit

deTrix25 fyrir 21 árum, 9 mánuðum

Ok, þetta eru allt mjög góðir punktar - góð rök fyrir því að þeim sé óhætt að ráða íslendinga, en ef þetta er satt sem Fodgett segir (ég er ekki að efast), þá líst mér ekki á það að nokkur sæki um vinnu hjá félaginu. Þið þekkið það svo sem sem eruð með atvinnuflugmannspróf hvað þið hafið þurft að gera til þess að komast þangað sem þið eruð. Þetta er fyrir það fyrsta mjög ervitt nám ástam því að vera mjög dýrt. Mitt álit er það að þegar þú ert búinn að eyða 3 til 4 milljónum, eða jafnvel meira, í flugnám, að þá eigir þú ekki að þurfa að borga 1000 pund fyrir það að komast í viðtal hjá einhverju fyrirtæki og ef það gengur vel þarftu að vippa fram 2 mkr. fyrir tékk á vélina sem þú ert að fara að fljúga! Það er alveg satt sem merkikerti bendir á, þetta er mjög slæm þróun! Nú er þetta kannski bara búið að snúast við. Ég spurði: Er erlendu flugfélagi eins og Astraeus óhætt að ráða íslendinga, má ekki gera ráð fyrir því að þeir stingi af um leið og Flugleiðum vantar mannskap?, en líklega væri betra að breyta spurningunni núna og spyrja: Hafa menn áhuga á að sækja um vinnu hjá félagi þar sem þú þarft að borga 1000 pund fyrir það eitt að komast í viðtal og 2 mkr. til þess að fá vinnuna ef til ráðningar kæmi?

Ég vil þakka mjög málefnalegar umræður.

deTrix

Fyrra álit

Putnarass fyrir 21 árum, 9 mánuðum

Ef ég fengi vinnu hjá Astraeus þá myndi ég nú ekkert vera að stinga af um leið og íslenskt félag kallar. Vegna þess að það er engin útivera hjá Astraeus sem mér finnst mikill kostur.

Fyrra álit

deTrix25 fyrir 21 árum, 9 mánuðum

En er þetta samt ekki spurning um hvaða kjör er verið að bjóða hverju sinni?

Fyrra álit

Putnarass fyrir 21 árum, 9 mánuðum

Að sjálfsögðu en ég tel það ótvíræðan kost að þurfa ekki að hanga einhvers staðar úti í heimi frá fjölskyldu sinni. Í fyrsta sæti eru jú kjörin, þ.e. laun o.s.frv. Þetta eru stutt flug miðað við ameríkuflugið og að öllum líkindum endar vinnudagurinn alltaf heima. Þannig að þetta er ekki spurning í mínum huga. Þetta er að sjálfsögðu bara mín skoðun.

Fyrra álit

junkjet fyrir 21 árum, 9 mánuðum

Auglýsing í Flight frá Astraeus um flugstjóra, 3500 total með 500 sem flugstjóri á týpu.
Non-Type vilja þeir 3500 total og 1000 á jet.

Atlanta, eða ACE, eru líka að auglýsa eftir 757/767 flugmönnum:
Commnander: Type rated, 6000 tímar, 2000 jet, 1000 on type, 500 commander on type
Co-pilot: Type rated, 1500 total, 500 on type

Gangi ykkur vel!

Fyrra álit

sbg fyrir 21 árum, 9 mánuðum

Mér finnst allt í lag að fá vinnu hjá Astraeus. Þeir ætla að vera með eina flugvél úr flota sínum og vera með hana hér á landi. Þetta er stuttur vinnudagur og þú býrð á Íslandi. Eru ekki allir flugmenn sem vilja búa á landinu sem fjölskylda viðkomandi býr í? En þetta var nú bara smá útúrdúr. Ef ég yrði “ready” til að sækja um hjá flugfélagi þá yrði mundi ég kyssa fyrst Guð og svo flugrekstrarstjóran fyrir að gefa mér job. Ef ég myndi fá 100.000 kr. í mánaðarlaun að þá myndi ég hiklaust taka starfið. Ég myndi vera að fá reynslu og pening, betra en ekkert. Mér finnst að í dag ættu menn ekki að hugsa um launin, menn ættu að vera ánægðir að fá starf.

kveðja,
sBG

Fyrra álit

Mazoo fyrir 21 árum, 9 mánuðum

Hvernig færðu það út að þetta sé stuttur vinnudagur? Ætla þeir ekki að fljúga bæði til Stansted og Köben, og eru þau flug ekki bæði sama dag? Það væri forvitnilegt að sjá hvort sama áhöfnin flýgur bæði flugin sama daginn, því þá er vinnudagurinn ekkert sérstaklega stuttur held ég. Mér finnst mjög slæmt að sjá comment eins og þetta: “Mér finnst að í dag ættu menn ekki að hugsa um launin, menn ættu að vera ánægðir að fá starf.” Það er þessi hugsunarháttur sem eyðileggur allra mest fyrir launafólki, sama hvaða vinnu það vinnur. Þið ykkar sem eruð óreynd hvað varðar kjaramál ættuð að kynna ykkur þau aðeins áður en þið tjáið ykkur á þennan hátt. Vanalega tekur mörg ár að ná ákveðnum kjörum og það er sárgrætilegt ef þeim er hent út um gluggann í einum grænum fyrir skammtímasjónarmið. Það tekur mörg ár að ná góðum kjörum aftur. Svei þér sbg! ;-) Pælið aðeins í þessu áður en þið segið svona, þetta er hættulegt.

Fyrra álit

junkjet fyrir 21 árum, 9 mánuðum

Til STN og síðan til CPH?? Ekki fræðilegur…hátt í 15 tíma duty, ekki löglegt með 2 manna áhöfn.

Fyrra álit

deTrix25 fyrir 21 árum, 9 mánuðum

Hvað varðar það að menn eru til í að taka vinnu þar sem eru lítil eða engin laun að þá er það nú einu sinni þannig að menn eru búnir að leggja á sig mikið og dýrt nám og eru hræddir um að að fá enga vinnu. Ég skil það því vel að þeir skuli skjóta sig svona í fótinn, ég myndi líklega gera það sama í þeirra sporum.

deTrix

Fyrra álit

[Notanda eytt] fyrir 21 árum, 9 mánuðum

Ég er hjartanlega sammála þér Mazoo. Það gildir einu við hvað hver og einn vinnur, alltaf þarf að brauðfæða fjölskylduna og greiða skuldir.

Ég tel að þeir sem tjá sig á þann hátt um atvinnuástandið að menn skuli ekki hugsa um launin heldur prísa sig sæla að hafa atvinnu, hljóti að vera lítt kunnugir því að þurfa að sjá fyrir sér sjálfir!

Ég er einn af þeim sem ákváðu á sínum tíma að gerast atvinnuflugmaður en hef ekki enn fengið fulla vinnu við að fljúga. Margir vina minna eru í sömu stöðu en flestir þeirra fundu sér aðra atvinnu þar sem þeir hafa ágætis laun og geta með því séð sér og sínum farborða. Í mínum huga er sama hvaðan gott kemur, þó að við þurfum að leita inná önnur svið en flugið þrátt fyrir að hafa flugmannsmenntunina þá gildir að menn verða að geta borgað af lánum og öðru.

Ég hlýt að telja að þeir sem vinna fyrir lítil eða engin laun hljóti að vera miklir hugsjónamenn. Einhversstaðar hljóta þeir að þurfa að fá fé til matarinnkaupa svo ekki sé minnst á annað.

Eins og Mazoo segir þá eru kjaramál eitthvað sem snertir alla, þau ykkar hér sem ekki hafa hugmynd um hvað kjaramál eru, kynnið ykkur þau hið fyrsta og skrifið svo.

Ég veit ekki til þess að fólk í öðrum munstri sig í vinnu í sínu fagi á engum launum í þeim tilgangi einum að hafa vinnu og auka reynslu sína. Þeir einfaldlega fá sér vinnu í öðrum fögum þartil þeir fá vinnu sniðna að námi sínu. Sumir bera nefnilega virðingu fyrir sjálfum sér og samfélaginu um leið.

Lifið heil,
Helico.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Astraeus vill íslendinga

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi