merkikerti fyrir 22 árum Fjöldi lestra: 1087

Loksins hreyfing á markaðnum

FLUGSTJÓRAR / FLUGMENN
Flugfélag Íslands hf. óskar eftir að ráða flugstjóra og flugmenn til framtíðarstarfa á Fairchild Metro og/eða Twin Otter vélar félagsins, með heimahöfn á Akureyri.

Hæfniskröfur:
Flugstjóri Fairchild Metro:3000 fartímar eða 2500 fartímar þar af 1500 í fjölstjórnarflugvél.
Flugstjóri Twin Otter: 2000 fartímar þar af 1000 í fjölstjórnarflugvél.
Flugmenn: 500 fartímar og réttindi á fjölhreyflaflugvél.
Vera handhafar flugskírteina I flokks eða handhafar flugskírteina III flokks
með bóklegt ATP.
Blindflugsréttindi í gildi.
Læknisskoðun I flokks í gildi.
Stúdentspróf eða sambærileg menntun.
Fagmennska og góð samskiptahæfni áskilin ásamt metnaði og áhuga á að takast á við krefjandi og fjölbreytt verkefni.

Eftirfarandi gögn skulu fylgja með umsókn:
Afrit af flugmannsskírteini ásamt áritunum og heilbrigðisvottorði.
Afrit af prófskírteini ásamt einkunnum fyrir bóklegt flugnám.
Afrit af stúdentsprófsskírteini eða öðrum sambærilegum prófskírteinum ásamt
einkunnum.
Nýtt sakavottorð.
Afrit af skráningu síðustu 100 klst. í flugdagbók.
Eftirfarandi sunduliðun flugtíma:
Heildarflugtími, blindflugstími (við blindflugsskilyrði), flugtími sem flugstjóri, flugtími á fjölhreyfla flugvélar og flugtími sem flugkennari.

Umsóknarfrestur: Umsóknareyðublöð liggja frammi á skrifstofu félagsins við Reykjavíkurflugvöll, eldri umsóknir óskast endurnýjaðar. Skriflegar umsóknir berist starfsmannastjóra Flugfélags Íslands fyrir 21. desember 2002, frestur til að skila sakavottorði er til 30. desember.

Fodgett fyrir 22 árum

gott að birta þessa grein sama dag og frestur til að skila inn umsóknum rennur út.

Fyrra álit

Kristbjorn fyrir 22 árum

Þeir sem eru að leita að vinnu vita væntanlega flestir af þessum ráðningum, hugmyndin með að samþykkja þessa grein var frekar að fá einhverjar umræður um atvinnumálin almennt.

Það hefði verið gaman að fá grein um þetta mál frekar en bara auglýsinguna klippta og límda.

Kristbjörn

Fyrra álit

socata fyrir 22 árum

Hér á huga.is/flug birtist eftirfarandi tilkynning frá s´tjórnendum

“Við stjórnendurnir viljum nú bara minna fólk á, svona til öryggis, að vanda sig við greinargerð í hvívetna. Hafið greinar ekki of stuttar, né morandi í stafsetningar- og innsláttarvillum(ef þið eruð lesblind biðjið þá einhvern annan um að lesa yfir greinina sé það hægt…) og sendið einungis inn ykkar eigin greinar. Ef þið vitnið í einhvern annan texta, getið þá heimilda. Ef þið ætlið að auglýsa eithvað, sendið það þá á korka.”

Með tiliti til þessa þá verð ég að lýsa furðu minni á að þetta hafi verið samþykkt sem grein í versta falli hefði átt að birta þetta á korki.

En að öðru þá vil ég óska öllum hér á huga flugi Gleðilegra jóla og farsæls nýs árs.

kveðja Socata

Fyrra álit

BjorgvinR fyrir 22 árum

Alltaf sömu leiðindar aðfinnslur hjá þér! Hvaða máli skiptir þótt þetta sé grein? Það er ekki eins og þetta áhugmál sé mjög active

Fyrra álit

socata fyrir 22 árum

etta er fyrst og frems auglýsing en ekki grein og ætti því að vera á kork og copy paste er ekki leiðinda aðfinnslur heldur þjófnaður og lýðst ekki þar sem almennt siðferði er í gangi.
Og BjörgvinR ef þetta pirrar þig eða aðra þá ættuð þið bara að taka upp almennt siðferði í skrufum.
þannig er það bara

socata

Fyrra álit

socata fyrir 22 árum

Það er víst að með óvönduðum skrifum munum við keyra þetta áhugamál niður í núll ognix ekki viljumm við það eða hvað?

Fyrra álit

deTrix25 fyrir 22 árum

Það er einnig víst að með endalausu röfli og leiðidnum mun þetta áhugamál vera keyrt niður í núll og nix, og því mátt þú aðeins slaka á socata. Ef þú hefur ekkert málefna- eða uppbyggilegt innlegg í umræðuna, legg ég til að þú sért ekki að svara greinum eða korkum.

deTrix

Fyrra álit

b52 fyrir 22 árum

Strákar reynum nú að vera kurteisir en socata hefur svolitið til síns máls vegna þess á kynningu stendur að auglysingar eða copy paste eigi ekki að vera sem greinar heldur sem korkar.

Smá copy paste af því:)
Til þeirra sem skrifa inn á þetta áhugamál
Við stjórnendurnir viljum nú bara minna fólk á, svona til öryggis, að vanda sig við greinargerð í hvívetna. Hafið greinar ekki of stuttar, né morandi í stafsetningar- og innsláttarvillum(ef þið eruð lesblind biðjið þá einhvern annan um að lesa yfir greinina sé það hægt…) og sendið einungis inn ykkar eigin greinar. Ef þið vitnið í einhvern annan texta, getið þá heimilda. Ef þið ætlið að auglýsa eithvað, sendið það þá á korka.
Endilega komið svo með sem flestar greinar, korka og bara svör við hinu og þessu, og hjálpumst að við að halda þessu áhugamáli á réttu róli!

Kveðja
B52

Fyrra álit

Kristbjorn fyrir 22 árum

Socata hefur vissulega mikið til síns máls, ég hefði átt senda þetta innlegg á kork en ekki samþykkja það sem grein.

Eina ástæðan fyrir að ég samþekkti þetta var að mig langaði að sjá einhverjar umræður um þessar fyrirhuguðu ráðningar, og bjóst við betri svörum á grein heldur en á korki.

Þetta var greinilega alrangt mat hjá mér, þessi þráður er orðinn að kvabbi um copy-paste.

Ég er voðalega hræddur um að þeir sem hugsanlega hefðu haft eitthvað til málanna að leggja hafi lítinn áhuga á að blanda sér í þessar umræður, enda eru þær orðnar lítið spennandi.

Ef þið getið ekki sagt neitt jákvætt mæli ég með að þið látið það vera að tjá ykkur.

Kristbjörn

Fyrra álit

b52 fyrir 22 árum

Ég pérsónulega er ekki á móti copy paste þess vegna orkaði það tvímælis að banna það en samt leyfa það þess vegna skildi ég sjónarmið socata en gleymum þessu banni og endilega leyfa copy paste svo það verði eitthvað líf hérna það er að dofna yfir þessu ághuga máli og hvað með þó svo smá stafsetningarvillur komi inn er það ekki bara aukatriði:)

Kveðja
B52

Fyrra álit

Joda fyrir 22 árum

Til þess að einhver svari nú upphaflegu greininni, þá finnst mér gott að loksins skuli vera auglýst eftir flugmönnum á Íslandi. Ekki það að íslensk flugfélög hafi ekki verið að fjölga flugmönnum(Atlanta). Þau hafa bara ekki verið að fjölga ÍSLENSKUM flugmönnum.

Það sem kemur kannski á óvart er hversu umsóknarfresturinn er stuttur og að ekki skuli vera aulýst annarstaðar en á heimasíðu Flugfélags Íslands. Það er eins og þeir vilji ekki fá of margar umsóknir, sem verður að teljast ansi einkennilegt. Einnig er þess krafist að menn hafi blindflugsáritun í gildi, sem felur í sér verulegan kostnað fyrir alla sem sækja um.

Fyrra álit

eggertsae fyrir 22 árum

Skiptum þessu svari í tvennt.

Fyrst um coðy/paste og vona að það verði lokapunkturinn um það. Almennt gildir að ekki er samþykkt copy/paste, en vissulega er það líka matsatriði. Ef það hefur ekki komið inn grein í meira ein viku, auk þess sem það er eitthvað sem hefur möguleika á að skapa miklar umræður, þá lítur maður stundum í gegnum fingur sér. Því miður er það svo að þá verða stundum öll börnin sem langar svo ofsalega að verða stjórnendur sjálf vitlaus, en það er því miður bara þannig. Ef þetta kemur fyrir aftur þá hvet ég þann sem fyrstur er til að setja út á copy/paste að svara greininni á þanna hátt að honum þóknist þetta ekki, og vísa svo í kork sem hann startar sjálfur, og umræður um c/p geta þá farið fram þar, en þeir sem vilja ræða um greinina, geta þá gert það í friði.

Um það að það sé verið að auglýsa eftir flugmönnum. Ekkert nema jákvætt. Veit að vísu ekki hvort þeir hreinsa upp flugleiðamenn sem misstu sitt eða hvort þeir hreinsa upp Flugskóla Íslands kennarana, eða hvort þeir velja þetta út frá búsetu (vona það, en ólíklegt). Líklega eitthvað bland, en vona að það verði bara aáframhald á þessu, þannig að það fari eitthvað að fækka flugmönnum í vinnu hjá Símanum eða 10-11 eða hvar sem við allir erum.

Fyrra álit

deTrix25 fyrir 22 árum

Er ekki málið það að þeir sem eru á annað borða að leita eftir vinnu vissu af þessu? Ég fer aldrei inná síðuna hjá Flugfélaginu, en ég vissi af þessu strax daginn eftir að auglýsingin kom þar og ég er ekki að leita eftir vinnu. Ég vona að það sé rangt að Flugfélag Íslands hafi ákveðið að taka að sér tiltekt á markaðinum með því að taka þá Flugleiðamenn, sem voru búnir að missa sína vinnu, eða kennara hjá Flugskóla Íslands. Mér hefur sýnst það að Flugfélagið sé að ráða góða menn frekar en eitthvað sem því e.t.v. “bæri skylda til” að ráða - vonum það allavega :)

deTrix

Fyrra álit

Midnight fyrir 22 árum

Ég talaði við starfsmannastjóra Flugfélagsins um daginn og hún sagði það einmitt að þeir sem þurftu að vita af ráðningunni myndu vita af henni. Það er nóg að auglýsa á einum stað því eins og menn vita hér í fluggeiranum þá spyrst svona hlutur út eins og eldur í sinu á milli okkar.
Það að ráða Flugleiðamenn er frekar mikil áhætta fyrir þá því að það þarf að þjálfa þá á vélarnar, þeir verða staðsettir á AEY og þeir hlaupa til Flugleiða við fyrsta tækifæri. Það gæti nú verið að flugstjóra staðan verði einhver Flugleiðamaður en co-pilot stöðurnar verða líklega mannaðar af nýjum mönnum.
Það sem stóð ofar í þessari grein um að Flugfélagið vill hafa menn “current” á IFR og einhverjum fannst það fáránlegt. Mér persónulega finnst það nú alveg í lagi. Auðvitað þegar maður er að sækja um hjá flugfélagi á hafa alla pappíra í lagi. Til hvers erum við að að taka allar þessar áritannir ef við ætlum ekki að halda þeim við. Maður fer einu sinni á ári í Multi/IFR PFT sem kostar ca. 35 þúsund kall.

Gleðilega hátíð drengir (og stúlkur).

Fyrra álit

grizzly fyrir 22 árum

Þetta er bara hið besta mál! Þó að ég hafi aldrei séð svona stuttan fyrirvara á svona ráðningu náði ég þó að henda inn fullgildri umsókn, þetta var svona hálfgert spretthlaup.

Kröfurnar um það að menn séu current á öllu eru nú ekki mjög stífar, ég er t.d. búinn að vera að berjast við það í rúmar 2 mánuði að komast í eitt flug með prófdómara á njólanum og það er bara vonlaust! Ég spurði starfsmannastjórann útí þetta hvernig þeir myndu taka á þessu með menn sem væru með áritunina en hefðu ekki komist í þetta blessaða eina flug að þá sagði hún að það væri alveg tekið fullt tillit til þess. Þetta PFT er svo lítið mál að þeir hafa a.m.k. tvisvar ráðið menn sem einmitt áttu bara eftir að fara í PFT, þeim var bara sagt að gera sig current og þar með var það vandamál leyst.

Annað mál um það hvað þetta eru hugsanlega margar stöður að þá eru víst að ég held allir Flugleiða flugstjórnarnir að fara til Flugleiða (6 stöður að mig minnir) og svo hefur Flufélagið þurft að kaupa hátt í 400 frídaga það sem af er þessu ári og það eru næstum 3 stöður. Þannig að það kæmi manni ekkert á óvart að þetta yrðu hátt í 10 stöður.

Vonum bara það besta!

ps. Hverjir hérna náðu því annars að sækja um?

Fyrra álit

eggertsae fyrir 22 árum

Ég náði að sækja um, en hafi ekki tíma til að setja mig í current, því er nú ver og andsk miður. Var búinn að frétta af þessu, en bjóst ekki við fyrr en í feb/mars, og ætlaði að gera mig kláran fyrir þann tím, en só bí it.

Fyrra álit

grizzly fyrir 22 árum

Það á ekki að vera stórmál þetta með að vera current, það er svo lítið mál að redda því og þeir gera alveg ráð fyrir því að það geti staðið misjafnlega á hjá fólki, sem betur fer eru þeir mannlegir eins og flest allir í þessum bransa.

Fyrra álit

eggertsae fyrir 22 árum

Já það má vera, en ég heyrði því logið að það væru um 200 flugmenn án vinnu, þe nýútskrifaðir og eldri. Sama hvernig aðstæður eru, þá eru nú líkurnar álíka og að vinna í lottóinu, og þá tel ég ekki jókerinn með :)

Fyrra álit

grizzly fyrir 22 árum

Það eru nú töluver meiri líkur á því að fá vinnu hjá Flugfélagi Íslands en að vinna í lottóinu held ég. Gæti alveg trúað að þær væru ca 1:30 á meðan líkurnar á því að vinna 5 rétta eru rúmlega 1:530000!!!

Bara svona smá gleðipunktur í skammdeginu!

Fyrra álit

b52 fyrir 22 árum

Já ég samála því grizzly ekki vera svona svartsýnn
eggertase þetta á allt eftir að koma ég giska eftir c.a 2 ár verður þetta komið i gott horf.

Kveðja
B52

Fyrra álit

deTrix25 fyrir 22 árum

Ég held að málið sé bara að þeir sem eru ekki með vinnu hjá einhverju flugfélagi í dag, eigi bara að slaka aðeins á, fljúga bara eins og þeir hafa gert undanfarin ár, hvort sem þeir eru að fljúga hjá Flugskóla Íslands, Flugsýn, Jórvík eða hvað félagið heitir. Fyrr eða síðar eigið þið sem standið ykkur í baráttunni eftir að fá vinnu, ykkur mun launast erviðið! Verið bjartsýnir!!!

Kveðja,
deTrix

Fyrra álit

piper fyrir 22 árum

ráðningar, sama hve margir og hverjir = gott mál :-)

Fyrra álit

eggertsae fyrir 21 árum, 12 mánuðum

Blessaðir verið þið, ekki taka mig svona bókstaflega. Ég veit að þetta kemur með tíð og tíma, og hef engar áhyggjur af öðru. Ég gleyma bara stundum að þegar maður skrifar á vefinn, þá kemur látbragðið hjá mér ekki með, auk þess sem fólk þekkir mann ekki. ég er bjartsýnn að eðlisfari, þótt ég virðist svartsýnn á prenti.

Fyrra álit

piper fyrir 21 árum, 12 mánuðum

menn verða nú líka að átta sig á því að raunsýni er ekki svartsýni…

Fyrra álit

Flug fyrir 21 árum, 11 mánuðum

Nú er ég ungur að árum eða aðeins um tvítugt, það hefur verið draumur minn frá því að ég var peyi að starfa í háloftunum. Það hefur ekki liðið sá dagur sem ég hef ekki hugsað um flug að einhverju leyti. Ég var í Gaggó í skóla sem er alveg við Tjörnina undir finalinn á 19. Ég velti því oft fyrir mér hvaða flugvélar væru að fljúga yfir og mér fannst mjög gaman þegar háværar flugvélar flugu yfir og létu kennarann þagga í örlitla stund. Nú hef ég lokið PPL og stefni ótrauður á atvinnumennsku. Ég veit ekki hvort að þetta sé hrein geðveiki hjá mér að fara út í þetta, en samt lifir eilítil von innra með mér að eitthvað muni gerast. Því hef ég ákveðið að fara í bóklega atpl hjá Flugskólanum. Er þetta brjálæði hjá mér ? ég hef ekki lokið stúdentsprófi en áætla að fara aftur í framhaldsskóla að atpl loknu hvernig sem ég mun nú hafa efni á því. Ég held að við eigum að láta draumanna okkar ráða því hvað við gerum því að maður lifir bara einu sinni. Hvað finnst ykkur, er þetta ómögulegt ?

Fyrra álit

Fodgett fyrir 22 árum

Ég sel það nú ekki dýrara en ég keypti það en Flugfélagið var víst að ráða coara á twin-otter núna sem hefur lítið sem ekkert flogið í 1 ár og er ekki með current ME/IR

Fyrra álit

Mazoo fyrir 22 árum

Gefurðu vísbendingar um hver maðurinn er???? ;-)

Fyrra álit

Fodgett fyrir 22 árum

verður maður ekki að gera það… hann var að kenna hjá FÍ, lítill og ljóshærður… þurfa menn nokkuð að vita meira? :-) Hann er reyndar víst búinn að vera varamaður hjá flugfélaginu síðan síðasta ráðning var, þannig að það kannski kemur ekkert á óvart að hann skuli fara inn núna.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Loksins hreyfing á markaðnum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi