Kristbjorn fyrir 21 árum, 11 mánuðum Fjöldi lestra: 810

Aðalfundur FÍE 2002

Miðvikudaginn 11. desember 2002 var aðalfundur FÍE fyrir árið
2002 haldinn. Þessi fundur hefði að öllu eðlilegu átt að vera í
vor, þar sem fyrri stjórn var kosin vorið 2001 og hafði því setið í
hátt í tvö ár.

Á dagskrá voru venjuleg aðalfundarstörf en engar
lagabreytingartillögur lágu fyrir fundinum. Stutt og laggóð
skýrsla stjórnar og reikningar félagsins voru samþykkt án
athugasemda.

Ný stjórn var kosin án mótframboða.
Formaður: Kristbjörn Gunnarsson (Geirfugl)
Stjórnarmenn:
Guðmundur Hjaltason (TF-VHH)
Helgi Kristjánsson (Geirfugl)
Hjalti Geir Guðmundsson
Þóroddur Sverrisson (TF-TAL)
Varamenn:
Tyrfingur Þorseinsson (TF-EGD)
Ottó Tynes (Þytur)
Þórarinn Hjaltason (Geirfugl)

Nýkjörin stjórn gaf það út að stefnt yrði að öðrum aðalfundi
snemma á næsta ári. Hugmyndin er að nota næstu vikur og
mánuði í hugmyndavinnu og stefnumótun. Okkur langar að
leggja fram lagabreytingartillögur á næsta aðalfundi sem
skilgreina betur markmið og stefnu félagsins, fyrir hverja það
er og hvað við ætlum að gera.

Ákvörðun félagsgjalda var síðasta málið sem var afgreitt á
fundinum, og það eina sem fékk einhverja umræðu. Ákveðið
var að hafa það 2.500 kr. fyrir árið 2002, enda hefði starfsemin
ekki verið of glæsileg. Næsti aðalfundur ákveður síðan hvað
gert verður árið 2003.

Að lokum voru fluttar frægðarsögur undir liðnum önnnur mál.
************************************************* *******

Til umhugsunar.

Á fundinum voru innan við 20 félagar. Árið 2001 greiddu
rúmlega 60 manns árgjald. Í árslok 2001 voru hins vegar
tæplega 600 einkaflugmannskírteini í gildi og rúmlega 600
atvinnuflugmannsskírteini. Ef að þetta félag á að standa undir
nafni sem Félag Íslenskra Einkaflugmanna vil ég fá meira en
5% af íslenskum flugmönnum í félagið. það verður síðan
verkefni næstu mánaða að finna leið til að framkvæma það.

Hafa Hugarar skoðun á málinu ? Eruð þið félagar í FÍE ? Af
hverju ekki ? Hvert á að vera hlutverk FÍE ? Hvað þarf að
breytast til að þið sjáið ástæðu til að ganga í félagið ? Á að
leggja þetta apparat niður ?

með kveðju,
Kristbjörn Gunnarsson - formaðu

b52 fyrir 21 árum, 11 mánuðum

Líst vel á stjórninna en hvernig skráir maður sig í félagið ??

Kveðja
B52

Fyrra álit

[Notanda eytt] fyrir 21 árum, 11 mánuðum

Ferð inn á www.fie.is / www.aopa.is og skráir þig. Eða þannig finnst mér allavegna að það ætti að vera :-)
Nýjasta fréttin á heimasíðu FÍE http://www.vortex.is/aopa/ er síðan 04/07/2002. Mér finnst að það ætti að vera eitt að fyrstu verkum nýrrar stjórnar að blása nýju lífi í heimasíðuna.

Og til að svara spurningaflóðinu frá Krisbirni:

>Eruð þið félagar í FÍE ?

Nei.

>Af hverju ekki ?

Tja, ég veit ekki alveg. Sennilega af því að þetta félag hefur ekki verið svo virkt/sýnilegt síðustu misseri.

>Hvert á að vera hlutverk FÍE ?

Berjast fyrir hinum ýmsu hagsmunamálum einkaflugmanna. Nöldra í Flugmálastjórn, verja einkaflugið í fjölmiðlum, skipuleggja hópflug o.s.fr.

>Hvað þarf að breytast til að þið sjáið
>ástæðu til að ganga í félagið ?

Það þarf að vera virkt og sýnilegt, á rampinum, á netinu, í fjölmiðlum, hjá Flugmálastjórn. Ég þarf að sjá að þetta félag þjóni hagsmunum mínum og einkaflugmanna.

>Á að leggja þetta apparat niður ?

Nei ekki ef þetta verður rifið upp með nýrri stjórn! Ég hef trú á þér Kristbjörn!

// Eureka

Fyrra álit

b52 fyrir 21 árum, 11 mánuðum

Takk fyrir það eureka en hef heyrt talað um þetta félag áður en aldrei hvernig eða hvenær það var sett á laggirnar eða hver eru ághugamál félagsins eru þau að ég held að styðja og efla einkaflug ?.

Og ef það er málið hvers vegna standa þeir ekki þá harðar i baráttunni um veru Birk annars ef ég aldrei heyrt um þetta félag nema hvað þá hér á huga?,.

Hvers vegna sendið þið ekki uppl. til allra flugmanna ég er buin að vera einknaflugmaður frá 1990 og hef aldrei fengið einn snepill frá félaginu.

Kveðja
B52

Fyrra álit

socata fyrir 21 árum, 11 mánuðum

'Eg er í félaginu, þeir stóðu fyrir tveim hópflugum í sumar og hafa setið heilmarga fundi hjá flugmála og samgöngu og staðið fyrir Flugrally 2 ár í röð ásamt Flugmálafélaginu, og hafa þeir líka staðið fyrir nokkrum bjórkvöldum og svo segja menn að þeir séu ekki sýnilegir.

Þið verðið bara að skoða í kring um ykkur, eftir því sem ég best veit voru látnir liggja skráningar miðar á helstu stöðum FÍE heimili og flugskólum.

Það má jú samt alltaf bæta félagið og gera það betra og sterkara.
En munum það að félagið ER fyrst og fremst meðlimir félagsins, félagið verður aldrei sterkara en félagarnir í því eru, t.d með því að vera virkir félagar í starfi félagsins.

Mér líst ágætlega á þessa stjórn og vona að hún nái að koma félaginu í betra form með fleiri meðlimi og öflugri meðlimi, því þannig verður félagði eins sterkt og það getur verið t.d. við hagsmunagæslu fyrir Flugmenn.

kveðja Socata

Fyrra álit

b52 fyrir 21 árum, 11 mánuðum

Samála að mér líst mjög vel á núverandi stjórn en hef samt ekki fengið snepill frá þeim hvers vegna er það þannig að þeir fái ekki aðgang af uppl. um flugmenn?.

Kveðja
B52

Fyrra álit

[Notanda eytt] fyrir 21 árum, 11 mánuðum

Socata:

>Þið verðið bara að skoða í kring um ykkur,

Ég hef ekki haft þörf fyrir að leita uppi þetta félag. Ég hef heyrt um það, aðalega vegna þess að þeir eiga kofan niður í Fluggörðum. Ég hef aldrei séð umsóknareyðublöð frá FÍE.

Ég veit að það eru meðlimir í svona félagi sem gera félag öflug. Til að svona félag virki sem talsmaður einkaflugmanna finnst mér að minsta kosti 50% af einkaflugmönnumu í landinu ættu að vera í því. En einkaflugmenn verða að sjá sinn hag í því að ganga í félagið. Sá hagur getur verið margvíslegur.

Hvenær/hvert voru annars þessi hópflug í sumar? Var flugrallý í sumar?

B52:
Mér persónulega finnst það ekkert baráttumál FÍE að halda í BIRK. Frekar finnst mér að FÍE ætti að einbeita sér að því að finna góðan stað fyrir flugvöll einkaflugmanna. Þar sem við getum verið í friði, fengið að fljúga þegar við viljum fljúga, byggja þar sem við viljum byggja, og stunda okkar áhugamál í friði. Losa okkur úr þessari spennitreyju sem BIRK er núna
En þetta er nú væntalega efni í nýjan þráð, við skulum ekki skemma þennan :-)

Fyrra álit

SteinOs fyrir 21 árum, 11 mánuðum

Hvar er þá hægt að nálgast þessa Umsóknar miða ? og eru þessir fundir fyrir alla eða bara meðlimi eða bara áhveðna meðlimi eða hvað ?

kv ..Steini

#4456

Fyrra álit

Kristbjorn fyrir 21 árum, 11 mánuðum

Umsóknarmiðar eru ekkert sérstaklega aðgengilegir þessa dagana, en þú ættir að geta nálgast þá í FÍE heimilinu í fyrramálið eins og aðra laugardagsmorgna.

Við komum til með að gera átak í því að fá inn meðlimi á næstu vikum og mánuðum, væntanlega með höfuðáherslu á vefskráningu.

Fundir eru fyrir alla félaga og áhugamenn og aðra sem lesa dagblöð. Einnig var aðalfundurinn boðaður með SMS til borgandi og skráðra félagsmanna. Það hefði verið gott að auglýsa aðalfundinn sem atrburð hér a´huga, en það fórst fyrir.

Kristbjörn

Fyrra álit

SteinOs fyrir 21 árum, 11 mánuðum

Er þá fundur í fyrramálið þeas laugardag ? eða ég miskilja

Fyrra álit

Kristbjorn fyrir 21 árum, 11 mánuðum

Ég reikna með að “Setuliðið” mæti á morgun eins og alla aðra laugardagsmorgna. Að vísu er ekki nema lítill hluti þeirra í félaginu, en það er samt sem áður hægt að nálgast miðana þarna.

Laugardagsmorgnarnir verða endurskoðaðir með tíð og tíma, en ekkert liggur á.

KG

Fyrra álit

deTrix25 fyrir 21 árum, 11 mánuðum

Ok, ég geng í félagið… hvað kostar þetta á ári?

Fyrra álit

Kristbjorn fyrir 21 árum, 11 mánuðum

Árgjald fyrir árið 2002 (og fram á vor 2003) var ákveðið kr. 2.500. Það er hlutverk aðalfundar að ákveða árgjald fyrir komandi starfsár, þannig að árgjald fyrir 2003-2004 verður ákveðið á fundi í vor.

KG

Fyrra álit

deTrix25 fyrir 21 árum, 11 mánuðum

sendu þá bara gíróseðil takk…

Fyrra álit

socata fyrir 21 árum, 11 mánuðum

Eureka
Nei það var ekki flugrally í ár en síðustu tvö ár þar á undan það er 2000 og 2001 en hópflugin í sumar voru t.d til vestfjarða og til Grímseyjar og í öðru þessara hópfluga gerðist það markverða atvik að skrúfublað brotnaði á flugvél á flugi.
Það eru sennilega 2-3 ár síðan þessir skráningareyðublöð voru sett í skólana svo ég viti til en það kom lítið út úr ´ví að mér skilst.

BIRK er ágætur að mörgu leiti og það væri gaman að halda honum en eins og staðan er í dag held ég að best sé að finna svæði sem er innan seilingar og við getum fengið að stunda okkar sport á eðlilegan hátt.

Socata

Fyrra álit

Mazoo fyrir 21 árum, 11 mánuðum

Varðandi það að gera félagið meira sýnilegt í fjölmiðlum og hvers vegna félagið hefur ekki látið í sér heyra opinberlega vegna BIRK, þá er það mín reynsla að um leið og “Einkaflugmenn” láta í sér heyra, þá spretta upp svona Don Kíkótar eins og ónefnd verslunarstýra Eymundssonverslunar hér í bæ sem er einnig formaður samtakana 101 Reykjavík. Eins og flestum er kunnugt er eitt helsta baráttumál þessara samtaka að koma vellinum burt. Þessi verslunarstýra fullyrti í “Málinu” á Skjá einum að Reykjavíkurflugvöllur væri “leikvöllur fyrir milljónamæringa í flugvélaleik”. Segir allt sem segja þarf um okkar baráttu við fáfræði. Hún hefði betur minnst á hálendið. Eru þá ekki t.d. allir jeppakallar landsins milljónamæringar í jeppaleik? Mér finnst að fátækir flugnemar ættu að svara svona málaflutningi fullum hálsi því ef við “Einkaflugmenn” reynum að svara svona á opinberum vettvangi fáum við meira skítkast af sama meiði byggt á sömu fáfræði og verslunarstýrunnar í Eymundsson. Flug er ekki endilega eitthvað millasport. Ég er t.d. viss um að margir milljónamæringar kaupa bækur í Eymundsson og lesa þær sér til skemmtunar, eins og við fljúgum okkur til skemmtunar. Þess vegna þarf að fara varlega í öllum opinberum samskiptum við fjölmiðla eða samtök þegar Reykjavíkurflugvöllur á í hlut og undirbúa allan málaflutning vel.

Með áróðurskveðju…..

Fyrra álit

b52 fyrir 21 árum, 11 mánuðum

Heyr Heyr það virðist sem allt of margir flugmenn séu búnir að gefast upp i baráttunni um veru vallarins.

Með kveðju
B52

Ps er langt frá því að vera milli:)

Fyrra álit

deTrix25 fyrir 21 árum, 11 mánuðum

Hvar er bensínið sem Hjalti ætlaði að flytja inn? Mig langar svo að kaupa ódýrt flugvélabensín…

Fyrra álit

skyhawk fyrir 21 árum, 11 mánuðum

Jú Kristbjörn ég er félagsmaður í FÍE.

Ég er sammála því að lækka félagsgjaldið á þessu ári þar sem starfsemin hefur verið í lágmarki. En ég hef tröllatrú á ykkur nýliðunum ásamt gömlu dýrunum sem enn eru í hópnum.

Gangi ykkur OKKUR vel, því það er ekki bara ykkar stjórnarmanna að rífa upp félagið heldur okkar einkaflugmanna ALLRA.
Skyhawk

Fyrra álit

Flug

Flug

Ofurhugar

Stjórnendur

Hverjir eru inni

Greinar

Aðalfundur FÍE 2002

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi