Það stendur á vef skattstjóra að það þurfi ekki ef velta er innan við 220 þús. á ári.

“Aðilar með lítinn rekstur: Undanþága vegna lítils rekstrar (sbr. umfjöllun á bls. 9) er
valkvæð. Stundi aðili á annað borð rekstur, en ekki tómstundastarf, getur hann sótt um skráningu á virðisaukaskattsskrá þótt sala hans á skattskyldri vöru eða þjónustu sé undir 220.000 kr. á 12 mánaða tímabili.
Ef slíkur aðili tilkynnir skattstjóra um virðisaukaskattsskylda starfsemi sína og fær skráningu á virðisaukaskattsskrá þá ber honum að innheimta og skila virðisaukaskatti af sölu sinni, þótt salan sé undir lágmarksfjárhæð. Á hinn bóginn getur hann þá nýtt sér inskattsfrádrátt af aðföngum til starfseminnar.
Kjósi aðili með lítinn rekstur aftur á móti að standa utan virðisaukaskattsskrár tilkynnir hann skattstjóra ekki um virðisaukaskattsskylda starfsemi sína og innheimtir hvorki virðisaukaskatt af sölu né nýtir sér innskattsfrádrátt af aðföngum. Þegar honum má vera ljóst að sala hans á skattskyldri vöru og þjónustu muni ná 220.000 kr. á tólf mánaða tímabili vaknar hins vegar skattskyldan. Á
þeim tímapunkti ber aðila að tilkynna starfsemi sína til skráningar hjá skattstjóra.”