Sæll idf,

Ég er sammála þér í því að það gott kauptækifæri í Delta en einnig Pharmaco núna. Greiningadeild Delta verðmat gengi Delta 86 núna og 97 eftir eitt ár. Það er mjög líklegt að gengið sé að dala aðeins vegna þess að innherjar eru að selja einsog þú bentir á. Fyrirtækið er metið á 15 milljarða og verðbréfafyrirtækin eru að spá þeim hagnaði upp á a.m.k. 1,8 milljarð í ár. Pharmaco hefur hins vegar gríðarlega sterka eiginfjárstöðu og var að losa sig við innlenda hlutann (heildsöluna) sem mun gefa þeim „slagkraft“ einsog Sindri forstjóri Pharmaco orðaði það. Þeir eiga núna um 8% af eigin bréfum sem segir okkur að það er eitthvað að fara gerast. Síðan er það spurningin hvenær það gerist. Björgólfur Thor hefur náttúrulega góð sambönd í Rússlandi. Kannski kaupir hann fyrirtæki þar eða annars staðar í A-Evrópu. Ef ekki þá munu hluthafar fá myndarlegan arð. Sjálfur býst ég við frekari fyrirtækjakaupum hjá þeim. Einnig er fróðlegt að skoða eiginfjárhlutfall Delta annars vegar og Pharmaco hins vegar. Delta er með 25-30% eiginfjárhlutfall á meðan Pharmaco er með tæplega 60% eiginfjárhlutfall. Pharmaco er mun betur statt til að yfirtaka eitthvað félag. Einnig er Pharmaco að byggja nýja fullkomna verksmiðju sem á að vera tilbúin í lok september 2002. Það mun gefa félaginu gríðarlega möguleika þar sem þeir geta selt lyfin sín til vestrænna ríkja en hingað til hafa þeir nær eingöngu selt til A-Evrópu og Asíulandanna nálægt Búlgaríu. Eins með Delta þá eru þeir að uppfæra verksmiðjuna sína á Möltu og þá geta þeir nýtt hana til að framleiða sín söluhæstu lyf sem þeir hafa hingað til eingöngu framleitt á Íslandi. Þannig að ég sé eingöngu frekari vöxt framundan hjá íslensku samheitalyfjafyrirtækjunum Delta og Pharmaco. Í sambandi við verðþróun þá tippa ég á að innan árs verði gengið á báðum félögum ekki undir 100. (08.06.2003) Hvað finnst ykkur? Eruði sammála mér með þessi tvö félög?

Í sambandi við deCode þá gæti það allt eins farið langt niður eða hátt upp. Það er í raun ómögulegt að tippa á það. En það er nokkuð ljóst að á meðan félagið skilar ekki hagnaði er erfitt að verðmeta það. Eitt er þó ljóst að deCode er ekki í „tísku“. En deCode hlýtur að vera góð langtímafjárfesting ef þeir ná markmiðum sínum sem þeir hafa gert hingað til. En númer 1, 2 og 3 er að félagið skili hagnaði í náinni framtíð. Ef það gerist munum við sjá mikla gengishækkun frá því sem nú er.

Jæja, ég held að það sé komið gott í bili. Gaman væri að fá comment frá ykkur um þetta allt saman. Einnig væri gaman að fá ábendingar um fleiri félög.

Bestu kveðjur,
mölflugan