nologo fyrir 17 árum Fjöldi lestra: 1244

Íslensk útrás að fjara út?

http://visir.is/article/20071205/VIDSKIPTI06/71205010
Vöruskiptahalli í nýliðnum nóvember reyndist 2,6 milljarðar króna samkvæmt bráðabirgðatölum sem Hagstofa Íslands birtir í dag.

Fluttar voru út vörur fyrir 31 milljarð en inn fyrir 33,5 milljarða. Til samanburðar voru fluttar út vörur fyrir tæpa 20 milljarða í nóvember í fyrra en inn fyrir rúma 33 milljarða. Vöruskiptahallinn reyndist þá rúmir 13 milljarðar og hefur því batnað um rúma tíu milljarða á milli ára.

Til að geta fjárfest í einhverju landi verður þú að eiga gjaldmiðil í landinu. Til þess að eiga gjaldmiðill þá veður þú að selja eitthvað í landinu. Þannig er heildarfjárfestingar í einhverju landi jafnt nettó útflutningi til landsins.

Viðskiptahallinn var 13 milljarðar í fyrra.
Það samsvarar 13 milljarðar fjárfestingu í íslensku efnahagskerfi.

Viðskiptahallinn hefur minkað um 10 milljarða á milli ára og er ekki nema 3 milljarðar í nóvember í ár. Nær allir þessir 10 milljarðar skýrast af auknum útflutningi.

Áhugi erlendra aðila á fjárfestingu á íslenskum markaði hefur því ekki minnkað heldur stendur í stað verðbólguleiðrétt. Á hinn bóginn hefur fjárfestingin í fyrra verið að skila sér í aukinni framleiðslu og útflutningi sem ber vitni um aukna getu og áhuga íslenskra aðila til þess að fjárfesta erlendis.

Þannig minnkar bilið. En á jákvæðan hátt.
Þetta er áhugavert í ljósi umræðunnar um íslensku útrásina, því útrás hlýtur að snúast um fjárfestingu íslenskra aðila erlendis.

Ég er nú alger amatör i hagfræði, en er það rangt skilið hjá mér að í ljósi vöruskiptahallans hingað til þá hafi það aðallega verið erlendir aðilar sem hafa verið að dæla peninga í íslenska aðila en ekki öfugt en núna sé þetta farið að breytast: Íslenskir aðilar eru farnir að fjárfesta í síaukna mæli erlendis (sem sést þá aðallega sem aukinn útflutningur).

Allavegna: Í ljósi þess finnst mér þessi frétt áhugaverð.

http://ruv.is/heim/frettir/frett/store64/item180399/
Íslenska útrásin fjarar út

Jón G. Hauksson, ritstjóri Frjálsrar verslunar, segir breytingarnar á FL Group í gær boða mikil tíðindi. Hægjast muni á íslensku útrásinni og gengishækkanir hlutabréfa verði mun minni á næsta ári heldur en verið hefur undanfarin ár [...]

Er verið að snúa öllu á hvolf?

Rakky fyrir 17 árum

Athyglisverð þróun =/ Ætla skoða þetta betur áður en ég tjái mig meira ^^

Fyrra álit

atj635 fyrir 17 árum

Eru menn ekki að fjármagna erlendar yfirtökur mest megnis með erlendum lántökum? Það þarf að taka það líka með í reikninginn.

Fyrra álit

flamma fyrir 17 árum

já…. ;)

Fyrra álit

phi fyrir 17 árum

Sama dag og Saddam Hussein var líflátinn féll olíuverð töluvert og það birtust fyrirsagnir sem tengdu dauða Saddams við verðbreytinguna. Næsta dag hækkaði olíuverð og aftur kom sama útskýringin, Saddam Hussein var líflátin daginn áður. Við eigum bágt með að útskýra daglegar sveiflur. Forspár til lengri tíma eru enn erfiðari ef ekki ómögulegar í flestum tilfellum. Ég mæli með því að þú athugir fyrri skrif Jóns og athugir hversu oft hann hittir naglan á höfuðið og hvenær spá hans er svo almenn að það er jafn mikið gagn í honum og Nostradamus.

Science. It works, bitches.! ^_^

Fyrra álit

nologo fyrir 17 árum

Maður þarf samt ekki nema grunnþekkingu á þjóðhagfræði til að geta lesið ágætlega úr stöðunni eins og hún er núnamiðað við þekktar efnahagsveiflur.

Ég hef ekki áhyggjur af framtíðinni. Hagsveiflur eru eðlilegar. Það sem ég er velta fyrir mér er hvort við höfum verið að kalla hlutina réttu nöfnum? Hefur útrásin svokallaða í raun verið stórfelld fjárfesting erlendra aðila á Íslandi og eru til íslenskir fjárfestar sem hafa hag því að láta líta út fyrir að núna þegar útflutningur er í góðri uppsveiflu að það sé í raun öfugt?

Önnur frétt á Vísir.is vekur líka áhuga minn. Kreditkortanotkun hefur aukist síðasta árið um fimmtung. Neysla er sem sagt að aukast sem fyrr. Það virðist hafa hverfandi áhrif á vöruskiptahallann. Hvaða fjármagnsflutningar eru þetta þá sem í raun og veru eru að hafa svona mikil áhrif?

Fyrra álit

idf fyrir 16 árum, 11 mánuðum

Varðandi olíu og Saddam þá hef ég heyrt þá tilgátu að innrásin hafi verið gerð vegna þess að Írakar ætluðu að byrja að selja olíuna fyrir Evrur en ekki $, sama og ég held að Íranar séu byrjaðir að gera. Fjarstæðukennt segja margir, en hafa ber í huga að sú staðreynd að “hrávörumarkaðurinn” hefur verið í $ í áratugi og þannig leyft USA að dæla út $ og niðurgreiða eigin neyslu um leið…

Fyrra álit

phi fyrir 16 árum, 11 mánuðum

Já, hef lesið nokkrar greinar sem minnast á þetta. Ég efast samt um að þessi ástæða ein sé næg, en hugsanlegt að þetta hafi verið einn af mörgum þáttum þess að menn fóru í stríð.

Science. It works, bitches.! ^_^

Fyrra álit

[Notanda eytt] fyrir 17 árum

Viðskiptahallinn var 13 milljarðar í fyrra.
Það samsvarar 13 milljarðar fjárfestingu í íslensku efnahagskerfi.

Þetta er “vöruskiptahallinn” í nóvember í fyrra. Hann nær bara yfir allar vörur sem eru fluttar inn og út og var 148,6 milljarðar yfr árið.

En “viðskiptahallinn” tekur líka yfir alla þjónustu og var í heildina 305 milljarðar yfir allt árið.

en er það rangt skilið hjá mér að í ljósi vöruskiptahallans hingað til þá hafi það aðallega verið erlendir aðilar sem hafa verið að dæla peninga í íslenska aðila en ekki öfugt en núna sé þetta farið að breytast: Íslenskir aðilar eru farnir að fjárfesta í síaukna mæli erlendis (sem sést þá aðallega sem aukinn útflutningur).

Þessar fjárfestingar Íslendinga erlendis koma fram sem viðskiptahalli á íslandi. Þannig hefur verið álitið að viðskiptahallinn sé ofmetinn hér enda gæti ekki gengið að hafa svona þvílíkan viðskiptahalla ár eftir ár.

Ef þessi svokallaða útrás hættir að þá ætti viðskiptahallinn hér minnka verulega.
Erlendir aðilar hafa ekki fjárfest að ráði hér á landi svo ég viti um en þeir hafa jú keypt helling af skuldabréfum, sem hefur haldið uppi krónunni og þannig komið í veg fyrir nauðsynlega leiðréttingu til að minnka viðskiptahallann.

Fyrra álit

idf fyrir 16 árum, 11 mánuðum

Sæll Aroz,

Þar sem þú ert fróður um fjármál þá vildi ég gjarnan fá þitt innlegg vegna greinar minnar í “Fjármál og Viðskipti” vona að ég sé ekki “n on grata” í þinni bók vegna einhverra ummæla hér á Huga…

Fyrra álit

idf fyrir 16 árum, 12 mánuðum

Ég skil ekki af hverju aðrar þjóðir hafa ekkert lært af okkur Íslendingum hvernig á að gera hlutina, hvað er að þessu liði ?

Við erum best í að tileinka okkur nýjustu tækni og fjármagn og erum að sigra heiminn, að vísu taka ekki allir eftir því en það hlítur að koma að þvi þegar við eru með menn eins og Hannes Smárason og Kára Stefánsson.

Fyrra álit

Fjármál og viðskipti

Fjármál og viðskipti

Ofurhugar

Stjórnendur

Hverjir eru inni

Greinar

Íslensk útrás að fjara út?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi