Þetta er fyrir 40 klst á viku, engin yfirvinna.
Kveðja,
Xavie

dem … hvernig fórstu að því ….

og hvaða 10-11 ertu að vinna í ?

hvernig í anskotanum fékstu 500 þúsund á einum mánuði í 10-11? er ekki tímakaupið þar bara eitthvað um 1000 kall?

Ekki málið :)

Nei. Maður fengi valmöguleika. Maður gæti t.d. sleppt því að eyða 100 þús kr í tónlistarhús eða hálfa milljón í Kárahnjúkavirkjun, lagt það frekar inn á eitthvað sem er sjálfum manni mikilvægt (eins og t.d. góða sjúkratryggingu). Gætir jafnvel fengið þér bara sjúkrareikning í banka til þess að niðurgreiða eða staðgreiða sjúkrakostnað eftir hentisemi. Sérstaklega ef þú ert einn þeirra sem treystir ekki tryggingarfélögum.

Valmöguleikarnir eru endalausir í frjálsu samfélagi.

Í dag er alltaf verið að tala um að lífið sé of gott, jafnvel að það sé aumingjavæðing. Getur ekki vel verið að aumingjavæðing og velferðarsamfélag eigi saman? Alltaf þegar eitthvað fer úrskeiðis að þá er komið hlaupandi til ríkisvaldsins með háværðar kröfur. Skattpeningum er ekki deilt jafnt til baka heldur fer það eftir því hvaða þrýstihópur er frekastur að hverju sinni. Heimurinn er kaldur og sjálfselskur í eðli sínu, best er að átta sig á því og gera sitt besta í að aðlagast honum. Að halda að ríkisvaldið geti breytt lífinu okkur til hins betra með því að færa til tölur er blekking. Í hvert skipti sem einhverju “ókeypis” er lofað í kosningarbrjálæðinu þá þarf annað hvort að hækka skatta eða skera niður eitthvað annað svo það verði að raunveruleika. Það er eðlilegt að hafa stéttarskiptingu, það er eðlilegt að einhverjir séu fátækir. Þetta er hinsvegar ekki réttlæting fyrir því að fara með hendurnar ofan í vasa hjá öðrum og vernda það með ríkisvaldinu.

Að þvinga peninga eða eignir frá fólki mun ég alltaf lýta á sem þjófnað, sama hvort landslög samþykki hegðunina eða ekki. Kárahnjúkavirkjun og snobb-tónlistarhúsið hefðu aldrei orðið að raunveruleika í frjálsu samfélagi. Einfaldlega vegna þess að það er ekki markaðsleg forsenda fyrir slíkum stórvirkjun án þess að það sé “þjóðareign”. Ríkisvaldið er með óteljandi mörg ónauðsynleg gæluverkefni sem skattpeningar fara í, sama hver er við völd og hvernig peningunum er eytt að þá efast ég um að þjóðin sé að græða á þessu. Alltaf er einhver að væla yfir því að of litlu sé eytt í X á meðan of miklu er eytt í Y. Til þess að fá eðlilegt jafnvægi á því hversu miklum peningum er eytt í hvað er best að leyfa öllum að hafa sjálfsagðan yfirráðarrétt á eigin tekjum. Við erum einstaklingar, en ekki bara einhverjir þrælar samfélagsins.

“Ef persónuafsláttur hækkar, jafngildir það einfaldlega krónutölu lækkun skatta”

já. þeir sem eru með lág laun fæ hærri laun, en þeir sem eru með há laun fá líka hærri laun.
og þegar þeir sem eru með há laun fá hærri laun þá geta þeir eytt meira
og um leið og einhver getur eytt meira þá hækkar vöruverð á íslandi (eins og alltaf þegar einhver launahækkun á sér stað)
og þá hafa þeir sem eru með lægri laun ekki efni á að kaupa þessa hluti/þjónustu

Málið er samt einfaldlega það að við gætum lifað á okkar lúsalaunum ef að matvöruverð væri lægra og við myndum hætta þessari helv. efnishyggju (sem að mínu mati er að leggja íslenskar fjölskyldur í rúst)

Ertu að segja mér Davido að þú yrðir ánægður ef segjum til dæmis að ráðandi ríkisstjórn myndi tvöfalda persónuafsláttinn sem yrði þá 2x6680.kr yfir vinnuviku þá myndir þú setja X við sjálfstæðisflokk í staðinn fyrir að fá skattleisismörk upp í 135.000.kr yfir mánuðinn?

Með kveðju,
Nýji flokkurinn.

Það fer náttúrulega bara eftir því hversu miklu er breytt. Þ.e. hversu mikið tekjustkaturinn og persónuaflsátturinn hækka.

Það er reyndar ekkert endilega neitt óeðlilegt við það að menn lækki í launum. Það gerist t.d. þegar fyrirtæki segja upp fólki vegna breyttra markaðsaðstæðna og ræður það svo aftur á lægri launum í sömu störf - nota kannski tækifærið í leiðinni til að ráða ekki einhverja aftur.

Síðan er ekkert víst að menn fari endilega að hríðlækka í launum, þeir bara hækka aldrei, því öll launahækkun verður í formi yfirvinnu.

Það sem ég er bara að benda á, er að þetta virkar ekki því menn munu misnota það. Hert eftirlit kallar síðan á aukinn mannskap (og það mikla aukningu n.b.) sem aftur þýðir aukin útgjöld, en vegna breyttra skattalaga, þá hafa tekjurnar minnkað og því ekki fjármagn til að reka eftirlitið sem skyldi og því mun lítið sem ekkert verða gert við þá sem misnota kerfið.

Tilgangurinn er góðra gjalda verður, en því miður þá gengur þetta bara ekki upp.

Félagi, viltu lesa betur það sem ég segi.

Ég er að gera athugasemd við að með þessu sé alls ekki verið að skapa “jöfnuð” í samfélaginu því að ekki hafa allir aðganga að vinna yfirvinnu.

Að auki er það engan veginn háð launum hvort að yfirvinna sé hluti af starfi eða ekki. Yfirvinna er krafa hjá flestum stjórnendum fyrirtækja í dag, þetta gæti þeir nýtt sér líka. (Ég er á engan hátt að leggja mat á það hvort það sé slæmt eða gott, ég er að benda á að yfirvinna er ekki hlutur fátæka fólksins).

Þú biður mig svo um að nefna starfsstéttir fyrir þig sem geta ekki unnið yfirvinnu og eru láglaunaðar. Hvar á að draga mörkin þar? Er nóg að ég nefni eina, heila, starfstétt í þessu samhengi sem að mun ekki græða en allir aðrir og er þetta þá orðið ósanngjörn tillaga? En 5? En 10? Hvenær er orðið sanngjarnt að laga eitthvað sem þér finnst ósanngjarnt með því að vera ósanngjarn við aðra?

En já, flest störf hjá ríkinu og sveitarfélögum bjóða uppá litla sem enga yfirvinnu. Athugið, flest! Ef við ætlum að tala um hlut eins fyrirferðarmikinn og ríkið eða sveitarfélög að þá er erfitt að búa til eitthvað meðalstarf þar sem fjölbreytni er mikil.

Svo ferðu eitthvað að setja mér orð í munn um að ríkið geti ekki rekið sig og segir að það geti það víst. …. Öh? Ok. Ég tapa þér aðeins þar. Ég kannast ekki við að hafa talað neitt um að ríkið gæti ekki rekið sig, mér finnst hugmyndin þín illa ígrunduð og ekki vera til þess að valda því sem þú telur hana gera, það er minn punktur.

Veit ég um einhvern með yfir 300þ.kr á mánuði sem myndi græða á þessu? Já, ég þekki þannig fólk. Ofar í grein vísaði ég til þess að flestir stjórnendur landsins vinna yfirvinnu.

En hva með starfsstéttir sem vinna geta hagað sinni vinnu svo að vild? Hvað með að vinna 80 tíma eina vikuna og taka sér bara frí þá næstu, þannig fær maður miklu meiri peninga. Þetta gæti verið mjög hentug lausn fyrir foreldra sem vinna úti, skiptast á vinnuvikum og sá sem er ekki að vinna sér um börnin. Þannig bæði er verið að auka tekjur heimilisins, minnka útgjöld því börnin þurfa ekki á leikskóla alltaf með eitt foreldri heima og auka tengsl fjölskyldunnar, bara við eitt foreldri í einu samt!

Þetta síðasta dæmi er vitaskuld fráleitt en bara einn af mörgum möguleikum sem mér dettur til hugar sem mögulegum göllum á þessari hugmynd ykkar.

Ég bið þig því um að vandlega hugsa þinn gang og ef þú vilt ennþá halda þessari hugmynd uppi þá þarftu að gefa betri rök fyrir þessu en þú hefur gert hingað til að selja mér þessa hugmynd - og það snýst pólitík um ekki satt?