Ég varð líka var við þessa breytingu.
Ég tek undir með þér að uppsetningin er svolítið undarleg en þegar maður er búinn að finna hlutina einu sinni þá er þetta allt í lagi.
Nýju litirnir fara ekkert mikið í taugarnar á mér.

Hinsvegar er það verra þegar peningarnir hverfa:
Ég var að millifæra í Netbankanum á miðvikudag.
Ég skraði inn allar nauðsynlegar upplýsingar s.s. reiknisnúmer og kt. viðkomandi.
Þegar ég var búinn að því þá kom upp yfirlitsgluggi og neðst á honum var takki til þess að staðfesta.
Ég ýtti á hann.
Beið í smá tíma en þegar ekkert gerðist þá leit ég á windows merkið í explorer-glugganum (efst til hægri) og það var ekki á hreyfingu eins og það á að vera þegar er verið að sækja nýja síðu.
Þá hélt ég að ég hefði ekki smelt á takkann sjálfan heldur hliðin á honum. Þannig að ég ýtti aftur.
Þá komst hreyfing á windows merkið og upp kom síða sem staðfesti greiðslu.

Svo var það fyrir tilviljun að ég kíkti aftur á stöðuna á reikningnum mínum og sá að það hafði farið tvisvar út af reikningnum mínum.

Ég hringdi auðvitað í þjónustu ver Íslandsbanka og þar sagðist hún ætla að kanna þetta.
Hún sendi mér svar í gær og sagði að seinni færslan hefði ekki farið inn á reikning viðkomandi og ég þyrfti að hringja í útibúið mitt, og láta þá senda fax til Landsbanka (þar sem hinn reikningurinn var) til það leiðrétta þetta.
Þetta gerði ég en þar gátu þau ekki gengið frá þessu starx og sagðist hún ætla að hringja í mig sinna í dag.
Það gerði hún og sagði mér þá að ekki væri hægt að laga þetta fyrr en eftir helgi.

Á meðan svífur tæpur fimmþúsundkall um bankakerfið.

Og þarna hafið þið raunasögu mína um netbanka Íslandsbanka.

Finnst ykkur þetta ekki traustvekjandi?

Semsagt athugið alltaf stöðuna á reikningnum eftir að hafa millifært.

Kveðja,
Ingólfur Harri

Ég er svo innilega sammála þér! Mér fannst Íslandsbankanetbankinn langbesti netbankinn, er vön að greiða alla reikninga í gegnum hann, og svo núna er þetta bara hryllingur!

Ég sendi smá kvörtunarbréf og fékk reyndar mjög gott svar til baka frá einhverjum þjónustufulltrúa - svo dó ég úr hlátri tveimur dögum seinna þegar ég fékk aftur bréf frá öðrum þjónustufulltrúa og það var nákvæmlega sama bréfið! Þeir eru greinilega með afsökunarbeðnisbréf sem þeir senda bara á alla sem kvarta…

Mér líst bara ekkert á þetta en ég vona að það batni!

Ég var við það á meðan á þessari breytingu stóð. Ég hringdi í ömurlega þjónustuverið þeirra en þá fékk svar um að passwordið væri örugglega vitlaust, taldi ég mér trú um það(var ekki viss um að þetta væri rétt) fór til þjónustufulltrúa og fékk nýtt og enn virkaði ekki netbankinn. Nú er nýja passw.. týnt og ég nenni ekki að fara aftur og fá nýtt. Það var bara svo fáranlegt að enginn gat sagt mér frá þessari breytingu sem hefði skýrt málið.

Það á náttúrulega alltaf að tékka á reikningunum sínum eftir á- það þýðir ekkert að treysta á þessar tölvur í blindni….

Af hverju skiptið þið ekki um banka ef þið eruð óánægð með þetta. Ég veit að ég væri löngu búin að því. Ég nota búnaðarbanka-heimilisbankann og hann hefur alltaf virkað allavega mun betur en hjá sparisjóðunum og íslandsbanka. Ég held að bankarnir eru ekki búnir að gera sér grein fyrir því að þetta er framtíðin í bankaviðskiptum. Ég er alveg hætt að fara í banka vil heldur gera allt í tölvunni minni.