Þú átt á alla mína samúð í þessu. Persónulega myndi ég henda út adsl-inu og reyna að nota ekki símann. 10 þús kall á mánuði er slatti. Þú getur væntanlega notað netið í HÍ.

Er sjálfur námsmaður en er á þeirri skoðun að það sé ekki sjálfsagt að nemendur geti keypt sér íbúð á meðan þeir eru í skóla. Námslán eru hugsuð að því að virðist til þess eins að draga fram andann meðan maður er í skóla. Ef þið væruð að leigja þá mynduð þið ekki þurfa að borga eins miklar tryggingar, fasteignagjöld og slíkt.

En þið eruð föst í þessu og kannski væri sniðugast fyrir annað ykkar að fara hægar í skólann og reyna að vinna með námi. Þannig mynduð þið enda með lægri námslán að námi loknu en á móti kemur að námið tekur lengri tíma.

Gangi ykkur vel
Phoca

þú virðist vera í býsna vondum málum. en þó er ég að pæla í einu, þú segir að ein gjöldin séu afborganir af tölvuláni. Hvaða heilvita manneskju dettur í hug að taka lán fyrir tölvu ? Lán er aldrei góður hlutur þó að maður getur þurft þess öðru hverju, námslán, íbúðarlán og svoleiðis en að taka lán fyrir tölvum, bílum og svoleiðis. Það skil ég bara ekki.

Og ég held að eina leiðin ykkar væri að fá sér meiri vinnu.

Þekkti par sem var í svipuðum málum, þó ekki með barn. Það sem þau gerðu var að þau tóku fullt af svartri vinnu til þess að jafna hlutina út. Leiðinlegt en satt.

Snaeugla þú ert fullkomið dæmi yfir af hverju það ætti að styðja nemendur meira en er gert í dag. Þó það sé “jafnrétti” til náms þá er það erfitt fyrir suma, er ekki dálítið ósanngjarnt “jafnrétti” til náms ef að sumir þurfa að vinna annað hvert ár til þess að geta það en aðrir ekki ?

Maður verður sjálfráða 18 ára, en samt er ætlast til þess að maður fái að búa hjá foreldrum til 25 ára aldur og fái fólk til þess að skrifa undir fyrir mann og fleira. Að mínu mati mjög ósanngjarnt.

Ok svo ég skilji þetta rétt.

Innkoma 140.000 kr á mánuði

Útgjöld 78.000 kr í ýmislegt
Leikskóli 15.800
Nettenging 10.000
Bókakostnaður 10.000 (50.000 / 5)
Rauðakortið 7.000 (21.000 /3)
Samtals útgjöld utan matar = 120.800

Mismunur fyrir bleyjum og mat etc. Samtals 19.200

Vandamálið er að lifa af 19.200 krónum á mánuði ekki satt? Það er ýmislegt hægt að gera til að ná endum saman. Ekki versla í hverfisverslun heldur í Bónus. Það er auðsótt að annað ykkar fái sér kvöldvinnu og þá helst óuppgefið til að það hafi ekki skerðingaráhrif á námslánin. Það er hægt að lækka líftrygginguna (aðra eða báðar). Hvað tryggingar varðar þá er bara að fá tilboð hjá öllum í heildarpakkann. Shop around það margborgar sig. Borða mikið af ódýrum mat. Matur þarf ekki að vera dýr. Sími og ADSL er ótrúlega hár kostnaður hjá ykkur. Alveg ótrúlega. Það er hægt að fá sér hægvirkari ADSL tenginu og tala minna í símann.
Síðan er bara að fara með þessar tölur í bankann og ræða við þjónustufulltrúann ykkar. Það er örugglega eitthvað sem að þeim dettur í hug. Það er til lítils gagns að setja fólk sem er að ljúka námi á hausinn. Bankinn hefur hag í því að þið verðið framtíðarviðskiptavinir þeirra þannig að hann hlýtur að vera með einhverjar lausnir þó að það sé ekki lifað í vellistingum á þessum tíma þá er í það minnsta hægt að lifa.

Mitt mat er að ykkur vantar um 20-30 þús aukalega á mánuði. Spurningin er bara hvað þið eruð tilbúin að leggja á ykkur fyrir það.

Kveðja,

Xavie

“Ég get ekki minnkað í neinum af þessum útgjöldum, við erum ekki með sjónvarp til að spara þar 800 kr á mánuði og erum búin að klippa allsstaðar af” Ættir að geta sleppt því að borga alfarið fyrir Rúv ef þú ert ekki með sjónvarp. Þeir geta ekkert sannað að þú eigir útvarp, þ.e. ef þú ert ekki með eitt þannig inni hjá þér og ert að hlusta á það meðan þú talar við þá í símann. Það er kanski ekkert rosalega mikið, en samt smá.
Síðan með rafmagn og hitann, þá getið þið reynt að spara smá þar, t.d. með að nota minna vatn í sturtu, fara aldrei í bað, bara sturtu. Slökkva alltaf ljósin í herberjum sem þið eruð ekki í (slökkva alltaf ljós þegar farið er út).

“Nettenging og notkun síma og nets (adsl tenging vegna vinnu) 10.000” Þetta á ekki að þurfa að vera svona hátt. Gáðu hvort þú ert með mikið utanlandsdl í samningnum og lækkaðu það. Athugaðu síðan hvaða fyrirtæki er með ódýrustu lausnina. (síminn var t.d. að fella niður startgjald á ADSL og fleiri fyrirtæki eiga örugglega efitr að gera það á næstunni þannig að það verður ekki erfitt að skipta á milli.)

Síðan er það tölvan. Í dag er hægt að fá notaðar fartölvur á mjög lágu verði (þú þarft ekki öflugar tölvur (sem þú þarft að taka lán fyrir) í skóla og ritvinnslu. Spurning um að selja þessa sem þú átt núna og fá sér eldri.

Tékkaðu síðan á lítill handbók sem heitir sparnaðarhandbókin, sá hana einusinni þegar ég fór í Landsbankann. Skoðaði hana reyndar ekki, en hef heyrt að það sé margt sniðugt í henni.

Kv, Steini

Gætiði ekki leigt íbúðina út í nokkurn tíma meðan þið eruð að jafna þetta út? og búið hjá foreldrum annahvors ykkar? þangað til hann er búinn í skóla jafnvel?

Ég og kærastan vorum í svipaðri stöðu, ég tók bara mitt iðnnám í kvöldskóla og vann fulla vinnu á daginn. Það er heilmikil vinna sérstaklega með barn, en það er bara tímabundið. Þetta er bara spurning um að reyna að þrauka og berja þetta í gegn. Þið verðið fegin þegar þið klárið námið.

Mér sýnist þið búin að koma ykkur í klípu. Þetta gerist þegar fólk lifir um efni fram og rúllar skuldunum á undan sér ;) Nú er hins vegar bara að bíta á jaxlinn og fara að borga. Talaðu við bankann þinn og segðu að þið séuð ekki að ráða við þetta fyrr en kærastinn klárar námið. Biddu þá um að skuldbreyta yfirdrættinum, reddinga- og tölvukaupalánunum yfir í stærra lán á lengri tíma þannig að afborganir og vextir muni minnka. Það er þeim í hag að gera það frekar en að keyra ykkur í gjaldþrot þar sem þið getið ekki borgað neitt.

Síðan nokkur sparnaðarráð.. hægt er að spara í hita með því að hafa gluggana lokaða og hafa frekar kalt í íbúðinni en klæða sig bara þeim mun betur. Kósý að sitja við útvarpið undir teppi á síðkvöldum. Sparið rafmagn með því að nota daufari perur og hafa kveikt á eins litlu og þið getið, slökkva t.d. alltaf ljós þegar farið er út úr herbergi nema ef þið eruð með flúorljós einhversstaðar, hagstæðara er að hafa þau kveikt. Hættið að nota símann nema í neyðartilfellum. T.d. má setja svart límband á takkana til að minna ykkur á að hætta að hringja. Ef það er bráðnauðsynlegt fyrir þig að hafa ADSL vegna vinnu skaltu bera saman fyrirtæki og taka það ódýrasta sem þú finnur. Annars getur þú verið með ISDN sem er lítið dýrara en föst símalína og með því ókeypis tengingu hjá isl.is. Meðan ég bjó á Íslandi var þáverandi Íslandssími með tilboð uppá 2500 fyrir 70 tíma á mánuði sem ætti að duga þér til vinnunnar, þ.e. ef Voðafónn hefur ekki lagt það niður. Svo er líka spurning hvort þið þurfið allar þessar tryggingar. Alla vega mín reynsla að alltaf þegar maður lendir í einhverju, þá stendur það í smáa letrinu að það sé ekki bætt.

Ef í harðbakkann slær, þá getið þið náttúrulega selt íbúðina. Þið hljótið að eiga eitthvað í henni eða hvað? Það ætti að duga til að losa ykkur úr skuldum og koma ykkur uppá núllið þó ekki sé meira. Það er nú ekki beint hægt að ætlast til þess að fólk geti keypt sér húsnæði á meðan það er í námi. Flestir bíða alla vega með það. Þú getur farið í mæðrastyrksnefnd og betlað mat en þú getur ekki treyst á féló. Þið hafið í rauninni ekkert lágar tekjur heldur hafið bara komið ykkur í of mikið útgjöld.

Hvað með foreldra ykkar, geta þeir ekki hjálpað ykkur? Það er ekki eins og þið eyðið peningunum í rugl!

Eruð þið í skráðri sambúð? Þótt að það sé ljótt að gera þetta þá er nú stundum neyðin stærri.

Svara öllum í einu:

Xavier:

Þakka þér kærlega fyrir sundurliðað og skýrt svar.

Innkaup: Ég versla alltaf í Bónus eða Gripið og Greitt (þeir eru með magnaðar magnpakkningar á pasta og frystivörum).
Aukavinnur: Við erum í aukavinnum en þær eru óreglulegar. Maðurinn minn er í kokkanámi og er að vinna hjá þeim sem hann er á samningi hjá. Það er hluti af samningnum þannig að það hindrar hann í að vinna annars staðar. Ég er með aukavinnu en hún byggst á þeim tíma sem ég hef frá skólanum í hana og gengur mishratt.
Varðandi kvöldvinnu þá er það útúr myndinni vegna dóttur okkar, hann vinnur stundum kvöld og við höfum reiknað út að barnapössun ógildi launin, en við erum þó alltaf með opin augun fyrir einhverju sem gæti hentað. Óuppgefið= er ekki eins auðvelt að fá eins og fólk virðist halda auk þess að vera ÓLÖGLEGT ég gæti líka skráð okkur úr sambúð eins og sumir og fengið fullt af sporslum þannig en ég er bara ekki týpan.
Tryggingar: Ég er þegar með frábærann líftrygginga og tryggingapakka og leitaði tilboða og fann það ódýrasta, þótt munurinn sé venjulega varla nema 1000 kr til eða frá.
Ég borða á ódýrasta mögulegann máta eða stundum bara ekki.
ADSL: Varðandi ADSL þá er 3500= fastagjaldið. Það er ekkert mikið ódýrara annarsstaðar. Mánaðargjald GSM 2x600 og svo er eitthvað fyrir landlínuna. Við erum með tvo GSM og heimasíma. Það er afgangurinn. Margir myndu segja að það væri óþarfi en vegna þess að við eigum barn á leikskóla þarf að vera hægt að ná í okkur og af því að við erum stöðugt á þeytingi sömuleiðis. Ég er hjá Íslandssíma og með 15% afslátt vegna þess að ég er með 3 þjónustur. Símtöl milli okkar síma eru frí. Við höfum minkað simnotkun hægt og rólega og reynum að láta aðra hringja í okkur frekar en að hringja í þá.
Bankinn: Ég er búin að tala við bankann og það sem þeir buðu mér var þetta með greiðsludreifinguna og aukinn yfirdráttur sem er þegar nýttur (fjandans tannlæknirinn 30 þús fór þangað) auk þess að frysta lánið sem við gerðum.

Við erum að leggja ýmislegt á okkur núna og gerum áfram en svo verður maður líka að standa sig í skólanum (sem þýðir að læra og lesa) og uppeldinu (sem þýðir að eyða tíma með barninu) það takmarkar aukavinnumöguleikana töluvert. Í fyrravor vann maðurinn minn meira með náminu og féll í beinu framhaldi. Við viljum ekki að það gerist aftur og erum þessvegna að reyna að vega salt á þessu:)
En takk fyrir tíma sem þú eyddir í svarið. Þetta á eftir að nýtast í pælingunum sem ég er í.

Steinia:

“Ættir að geta sleppt því að borga alfarið fyrir Rúv ef þú ert ekki með sjónvarp. Þeir geta ekkert sannað að þú eigir útvarp, þ.e. ef þú ert ekki með eitt þannig inni hjá þér og ert að hlusta á það meðan þú talar við þá í símann. Það er kanski ekkert rosalega mikið, en samt smá.”

Ég er búin að reyna þetta, reyndu sjálf og sjáðu vesenið og skjalafalsið sem þarf til að framkvæma þetta. Ég fór með sjónvarpið til þeirra til að losna við 800 krónurnar.

“þið reynt að spara smá þar með að nota minna vatn í sturtu, fara aldrei í bað, bara sturtu. Slökkva alltaf ljósin í herberjum sem þið eruð ekki í (slökkva alltaf ljós þegar farið er út).”

Góðar ráðleggingar en virka ekki í mínu tilfelli því hiti og rafmagn eru föst upphæð af hússjóði.

“Síðan er það tölvan. Í dag er hægt að fá notaðar fartölvur á mjög lágu verði (þú þarft ekki öflugar tölvur (sem þú þarft að taka lán fyrir) í skóla og ritvinnslu. Spurning um að selja þessa sem þú átt núna og fá sér eldri.”

Ég er með pentium 2 tölvu með minnsta mögulega kostnaði 3 ára gamla. Fengi lítið fyrir hana og gæti ekki keypt neitt betra fyrir peninginn. Ég þarf það sem ég hef fyrir vinnuna mína sem inniheldur umbrot og þýðingar.

Tékka á þessari sparnaðarhandbók. Takk fyrir að benda mér á hana:)

Joib2:

“Gætiði ekki leigt íbúðina út í nokkurn tíma meðan þið eruð að jafna þetta út? og búið hjá foreldrum annahvors ykkar? þangað til hann er búinn í skóla jafnvel? ”

Foreldrar hans búa í lítilli íbúð í Grafarvogi með barn og foreldrar mínir í lítilli í Kópavogi, hvorugt þeirra hefur pláss fyrir okkur +barn auk þess sem við þyrftum að leggja í kostnað við að flytja, færa hana um leikskóla og flytja í staðsettningu sem væri óþægileg fyrir okkur útaf vinnu og skóla. En ég á vinkonu sem gat þetta og það hjálpaði mikið þannig að sem slík er þetta mjög góð hugmynd.

Sigurjons:

“Ég og kærastan vorum í svipaðri stöðu, ég tók bara mitt iðnnám í kvöldskóla og vann fulla vinnu á daginn. Það er heilmikil vinna sérstaklega með barn, en það er bara tímabundið. Þetta er bara spurning um að reyna að þrauka og berja þetta í gegn. Þið verðið fegin þegar þið klárið námið. ”

Kokkanámið er ekki í boði í kvöldskóla og við viljum líka að hann klári sem hraðast til að fá almennilegar tekjur til að greiða niður námslán og skuldir. Takk fyrir uppörvunar orðin, og jú við gerum okkar gerum okkar gerum okkar besta eins og þeir í boltanum :)

lhg:

“Mér sýnist þið búin að koma ykkur í klípu. Þetta gerist þegar fólk lifir um efni fram og rúllar skuldunum á undan sér ;)”
Þetta gerist þegar möguleikar á tekjum eru ekki nægir til að standa undir grunnkostnaði við að lifa. Við höfum rétt skrimmt og eina sem við gerðum af okkur var að eignast barn. OG við höfu verið að borga, höfum náð að halda skuldum í lágmarki en það sem endanlega rústaði málunum var hið fáránlega lánasystem hjá LÍN."

Varðandi bankan sjá svar við xavier.
Lánin eru að klárast á þessu ári og ég vil ekki skuldbreyta þeim þessvegna frekar bara losna við þau.

Sparnaðarráðin eru góð, reyni það sem ég get fyrir utan þetta með tryggingarnar, þekki fólk sem hefur brennt sig illa á því að treysta á guð og lukkuna í þeim málum.

Við eigum 1,56 miljónir í íbúðinni. Og leiga er ótraustara og jafn dýrt. En ég hef samt verið að spá í þessu. Við vorum náttúrulega ekki í námi þegar við byrjuðum að kaupa. Og 140.000 krónur á mánuði eru ekki hár tekjur samkvæmt neinum standard sem ég þekki. Skuldirnar sem ekki tengjast beint húsnæðinu eru heilar 7 þúsund krónur á mánuði. Ég hafði tekið tvö lán (höfuðstóll samanlagt 300 þúsund) þegar ég var einhleyp og barnlaus.

Kreoli:

Þakka þér fyrir að segja að við eyðum peningunum ekki í rugl:) Næs að einhverjum öðrum finnist það líka:) Og foreldrar okkar eru eina ástæðan fyrir því að við erum ekki orðin gjaldþrota…

HoddiX:

Já ég hef skoðað það og er að reyna að reikna út hvort það sé í heildina ódýrara miðað við að missa 15% afsláttinn af símanum. Kemur í ljós.

Þakka ykkur öllum fyrir álitið og ráðleggingarnar. Ég er viss um að eitthvað af því á eftir að virka. Kanski ég pósti það hérna ef svo fer:)

Já, svart er það. Þar sem ég er aðeins sveittur táningur með litla lífsreynslu þá er ráð mitt ófrumlegt og lítilfjörlegt. Eg sjálfur aflaði mér vasatekna í nokkur ár með því að bera út moggann. Ef þú kæmist í svona morgunútburð er það góður tekjuauki, kringum 20.000 á mánuði. Þegar þú hefur borið út í nokkurn tíma verður ekki eins erfitt að vakna og venjulega. Ef þú ert ekki með sjónvarp hví ertu þá að borga til Rúv ? eru það ekki annars bara sjónvörp sem þeir rukka fyrir ? Svo er jafnvel kannski hægt að reyna að ræða við endurskoðanda sem maður getur “kynnst” gegnum klíkuskap og reynt að fá hann til að samþykkja til að fá að borga seinna.

þú getur fengið ókeypis adsl í gegnum HÍ, skoðaðu þann kost.

Hann Gerard Lemarquis frönskukennari í HÍ segir stoltur frá því þegar hann fékk sérstakt vottorð uppá að það hefði verið klippt á kapalinn hjá honum (hann á sjónvarp til að horfa á vídjó) og borgar því ekki RÚV.
Sá líka að einhver benti á sparnaðarbók Landsbankans, hún er alveg frábær.
Gangi ykkur vel.

Sæl en ert þú ekki sú sem sagðist með göldrum geta haft áhrif á þín fjármál? ef ekki þá bið ég þig að fyrirgefa.

Láta bara barnið í vinnu, nei bara djóka.

Svört vinna, eina sem ég treysti mér til að ráðleggja þér, annars er það ekki sniðugt ef þú þekkir ekki vinnuveitandan.

Þú átt alla mína samúð snaeugla. Þetta hlýtur að vera mjög erfitt fyrir ykkur og mér sýnist þið vera að standa ykkur bara mjög vel miðað við marga aðra sem að eru kannski fastir í lífsgæðakapphlaupinu. Ég og maðurinn minn erum á leiðinni bæði í nám í haust og eigum einnig barn og erum að reka heimili. Greinin þín fékk mig til að fara hugsa vel um hvernig við ætlum að gera þetta allt saman í vetur.

Ég myndi skoða nokkra þætti.

Í fyrsta lagi: Hversvegna líftryggingu? Sennilega segir þú til að barnið verði ekki alslaust, eða makinn geti verið í skuldlausri eign. Mjög göfugt, en etv hafið þið ekki efni á þessu næstu árinn. Sleppið henni og lifið varlega út námið!
Eins með Fjölskyldutryggingu. Haldið húsnæðis og auðvitað bruna. Þessar tryggingar eru munaður sem veita hugarró. Þú hefur ekki efni á því næstu ár.
btw. ég var með lágmarkstryggingar á námstímanum en er tryggður í botn núna.

Slepptu greiðsludreifingu bankans. Hún kostar. Með netbanka er lítið mál að stjórna þessu sjálf/ur.

Nú er samkeppni milli banka. Ef þú færð ekki þá fyrirgreiðslu sem þú þarft láttu hina bjóða í þig.

Væri hagstæðara eða mögulegt að fjármagna húsnæðið plús einhverja viðbót með láni frá banka eða lífeyrissjóði frekar en Húsnæðisláni? Etv. ekki fjárhagslega SKYNSAMLEGT, en nauðsynlegt til að kosta námið.

Og eitt….. Rauða kortið endist 3 mánuði…. Ekki endurnýja mánaðarlega :-)