Það er næstum því ómögulegt að fá atvinnuleyfi í USA og hefur orðið ennþá verra eftir 11. September. En það er þó ennþá eitthvað lotterí í gangi sem þú gætir prófað, en möguleikarnir eru ekki miklir.

Hvað varðar upplýsingar um nám í USA er Fullbrigth stofnunin með skrifstofu hér heima og þar getur þú fengið allar þær upplýsingar sem þig vanhagar um. - http://www.fulbright.is/ -

Þú þarft að taka amk. TOEFL próf til þess að eiga möguleika á því að komast í nám við Bandaríska háskóla. Flugvirkjar hafa farið í nám til bæði Florida og Arizona veit ég, en Fullbright er pottþétt besta byrjun þín í þessu.

Alls ekki undir neinum kringum stæðum fara til USA á ferðamannaáritun og stoppa of lengi. Í dag er tekin mynd af þér og fingrafar og ef þú skilar þér ekki út á réttum tíma eða eitthvað annað kemur upp á, þá er nokkuð víst að þú kemst ekki aftur inn í landið.

Prófaðu lotteríið. Það er á http://www.dvlottery.state.gov/ og þú getur líka googlað green card lottery og fengið fullt af fyrirtækjum sem taka að sér að senda inn umsóknir fyrir fólk. Þú getur líka sparað þér peninginn og fyllt þetta út en þú verður að passa að fara nákvæmlega eftir öllu sem þeir segja.

Ef þið væruð gift, þá gætuð þið sótt um fyrir ykkur bæði og ef annað ykkar ynni fengi hitt að fara líka. Ég veit ekki hvort það virkar eins með pör, þú yrðir bara að spyrja að því. Ég heyrði um ein hjón sem sóttu bæði um og unnu bæði grænt kort.