GiRND: Það er einn galli við innra tjaldstæðið. Það er svo mikill skuggi frá klettunum að sólin sést bara smá part af deginum.

Málið er að Ungmennafélagið Leifur Heppni “á” innra tjaldstæðið. Fyrir nokkrum árum var það orðið mjög illa farið, sást í mold hér og þar og það er erfitt að æfa og keppa í íþróttum innanum helling af tjöldum. Núna er komið slatta gras þarna aftur og hægt að æfa fótbolta, hlaup og aðrar frjálsíþróttir aftur án þess að valda varanlegum spjöllum á svæðinu. Annars er tjaldstæðið hjá þjónustumiðstöðinni mjög gott og stutt að fara í allt :) en ég skil vel að þú hafir orðið pirruð þegar allt var fullt um verslunarmannahelgina og ekki hægt að fá að tjalda inní botni.
Tjaldstæðin inni í Hljóðaklettum eru líka alveg ágæt, en þar er enn sem komið er ekki eins góð aðstaða og í Ásbyrgi. Enda lagði ég til gönguferð um svæðið en ekki að þar yrði tjaldað ;)

En anyways.. tjaldstæðið inní botni var orðið illa farið og landverðirnir sjá ekki lengur um tjaldstæðin heldur er reksturinn á þeim boðinn út. Þetta spilar held ég barasta allt saman þannig að það er ekki hægt að fá að tjalda inní botni nema þegar Ásbyrgismótið er (íþróttamót Leifs Heppna), þá fá keppendur og fjölskyldur þeirra að tjalda þarna. Hefur verið svoleiðis í mörg ár ef ég man rétt.. :)

Kveðja,
Corta :)