[Notanda eytt] fyrir 21 árum, 7 mánuðum Fjöldi lestra: 1101

Interrail í sumar

Góðan daginn -

Ég er að fara ásamt tveimur vinum mínum í heilmikla Evrópuferð í sumar. Með tilkomu þessara lággjaldaflugfélaga er búið að opna Evrópu svo sannarlega fyrir ferðalanga.

Við keyptum kort í einn mánuð fyrir 3 svæði:
C: Danmörk, Þýskaland, Sviss, Austurríki
E: Frakkland, Belgía, Holland, Lúxemborg
G: Ítalía, Slóvenía, Grikkland Tyrkland
Samtals borguðum við 34.600 á mann fyrir Interrail kortið hjá www.exit.is.

Gróf ferðaáætlun er einhvern veginn á þessa leið:
Flogið til Kaupmannahafnar. Þar ætlum við að stoppa í 4 daga þar sem ég, sjóaði Danmerkurfarinn, ætla að leiða vin minn um stræti þessarar fornu höfuðborgar Íslands. Þarna ætlum við að vera í 3 daga áður en við höldum af stað til Hamborg.

Hamborg, Amsterdam, Brussel, Lúxemborg, París, Auxerre, Montpellier, Bordeaux, Nice, Mónakó, Mílanó, Genf, München, Vín, Ljubljana, Feneyjar, Bologna, Flórens, Róm, Brindisi, (ferja til Grikklands), Aþena, Istanbúl.

Í Grikklandi er ætlunin að láta Interrailkortið klárast. Það líða síðan 5 dagar frá því að kortið okkar klárast í Grikklandi þar til að við eigum pantað flug með EasyJet (kostaði kr 5000) frá Aþenu til London. Mig langar til að eyða 2-3 dögum af þessum 5 í N-Grikklandi og fara til Búlgaríu og Makedóníu. Bæði langar mig að sjá hvernig Austur-Evrópa var og er í dag, auk þess sem það er cool að geta sagst hafa komið til Makedóníu.

Í London ætlum við síðan að eyða 4 dögum með tjöllunum í góðu chilli.

Samtals ferðakostnaður á mann hjá okkur var:
Flug: Keflavík-Kaupmannahöfn: 7500 kr
InterRail miði: 34.600 kr
Flug: Aþena-London: 4.990 kr
Flug: London-Keflavík: 10.000 kr
_____________________________________
Samtals: 57.000 krónur.

Mér finnst persónulega ekki mikið að borga 60000 krónur fyrir fargjöld í 6 vikur, en það verður þó að taka með í reikninginn að það mun kosta sitt að halda sér uppi dagana í sumar því eitthvað þarf maður víst að borða.

En núna er ég búinn að skrifa öll þessi ósköp þá finnst mér ég nú að ég ætti að fá eitthvað út úr því. Mig langar því að biðja ykkur sem hafið komið til þessara borga eða annarra nálægra borga og héraða að benda mér á eitthvað sem væri áhugavert að skoða í þessari ferð.

Kveðja,
Nonni

geiri2 fyrir 21 árum, 7 mánuðum

Farðu til Króatíu, ættir að geta komist þangað á ekki of löngum tíma frá Grikklandi og það er að mínu mati vel þess virði :)

Fyrra álit

dentist fyrir 21 árum, 7 mánuðum

sammála. króatía er æði. en passinn gildir ekki þangað þannig að….(þetta er reyndar næsta land við slóveníu og ítalíu, þannig það ætti ekki að vera neitt mál að skreppa aðeins yfir á dalmatíu ströndina!) Ströndin er sú besta sem ég hef nokkurn tíma farið á! Sjórinn algjör snilld! Svo er bara svo mikið að sjá í króatíu…yfir 1000 litlar eyjar…..GEÐVEIKT! Og andrúmsloftið er æðislegt.

Fyrra álit

C41 fyrir 21 árum, 6 mánuðum

Ég myndi koma við í Austurríki í dal einum sem heitir Oetstal. Hann er ca 100 km frá Innsbruck. Ég fór í svona ferð síðasta sumar(að vísu akandi og mér fannst það alltof mikil keyrsla en þó var það ekkert miðað við þetta ferðalag hjá ykkur. En þegar ég ferðast vill ég ekki skoða stórborgir því þær eru allar “eins”. Mæli með aðeins minni yfirferð því það er ekki spennandi að sjá heiminn á 300 km hraða. Og eitt annað “Mónakó er tóm snilld. Hún er á ”14" hæðum

ps. það eru myndir af Oetstal á kashmir síðunni

Fyrra álit

Nonni69 fyrir 21 árum, 7 mánuðum

Sæll, ég fór ásamt vinum mínum í Interrail fyrir nokkrum árum. Ég ráðlegg ykkur að hafa ekkert of stífa ferðaáætlun. Þessi “borgarferð” ykkar Hamborg, Amsterdam, Brussel, Lúxemborg, París, Auxerre, Montpellier, Bordeaux, Nice, Mónakó, Mílanó, Genf, München, Vín, Ljubljana, Feneyjar, Bologna, Flórens, Róm, Brindisi, (ferja til Grikklands), Aþena, Istanbúl … Er ansi stíf, það er mjög þreytandi að vera sífellt að koma til nýrra borga og þið munið fljótt komast að því að í raun eru þær flestar öðrum líkar. Taliði við aðra Interrailara og komist að því hvar gott er að vera. Við félagarnir vorum með álíka stífa áætlun í byrjun, en gáfumst upp eftir ca. 6 borgir og fórum til Grikklands í gegnum Bryndisi. Ferjan frá Bindisi siglir til Patras í Grikklandi, þaðan er mjög léleg lest til Aþenu, ca. 5 tíma ferð, reynið að borga nokkrar krónur auka til að komast á fyrsta klassa. Á öllum lestarstöðvum í Evrópu eru veiðimenn frá skítahótelum, passiði ykkur á þeim. … púff ég gæti skrifað bók um þetta en botnlínan er sú að hafa ekkert of stífa ferðaátætlun og spila þetta eftir hendinni. Við félagarnir vorum sammála um að grísku eyjarnar hefðu verið skemmtilegasti partur ferðarinnar. T.d. eyjan Hydra, þar eru engir bílar, eldgömul hús og blómlegt mannlíf (og skemmtanalíf).

Fyrra álit

Nonni69 fyrir 21 árum, 7 mánuðum

… frh.

Annað sem ég vildi minnast á. Þið takið með ykkur ferðabækur sem segja frá bestu hótelunum, bestu stöðunum til að vera á osfrv. En munið að ca. átta milljónir Interrailfara eru með þessar sömu bækur, þannig að það getur orðið þröngt setinn bekkurinn.

- Munið bara að þið eruð ekki bundnir af einhverri þýskri ferðaátælun, spilið þetta bara eftir hendinni.

Fyrra álit

kikiki fyrir 21 árum, 7 mánuðum

Mig vantar svo að losna við Interrailkortið mitt, það gildir á öll svæðin og sel það á 25.000, þannig að það er enn ódýrara.

Fyrra álit

lido fyrir 21 árum, 7 mánuðum

Ég fór í svona ferð fyrir nokkrum árum og persónulega finnst mér alltof mikið að vera ferðast til svona margra landa.Það eina sem þú græðir á því er að þú getur sagt að þú hafir komið til allra þessara landa en maður hefur einhvernveginn engan tíma til þess að njóta þeirra.Mun betra að velja sér kannski einn land og eiga nægan tíma til að ferðast og skoða það.

Fyrra álit

Abesynth fyrir 21 árum, 6 mánuðum

ég er ansi hræddur um að þú getir ekki losnað við interrail kortið þitt kikiki, bara þú getur notað það.

如果你不同意我, 你是减速

Fyrra álit

LadyJ fyrir 21 árum, 7 mánuðum

váv *öfund*

ótrúlega langar mig í einhverja svona ferð,
en ég fer víst til Benidorm bara í sumar.. algjör “íslendingur”, tek það framm að ég ákvað ekki staðinn… vildi bara fara með til að djamma stanslaust í 2 vikur. ferðin þangnað með hóteli kostar mig 36þús kr.

Fyrra álit

star fyrir 21 árum, 6 mánuðum

Vá þetta verður æðislegt hjá ykkur þetta er heldur ekkert dýrt þegar þú pælir í þessu góða skemmtun bara :)

Fyrra álit

Ferðalög

Ferðalög

Ofurhugar

Hverjir eru inni

Greinar

Interrail í sumar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi