Mikið rosalega er ég nú sammála þér. Ég er búin að vera með gsm síðan sumarið '98 og er sko háð honum. Maður verður alveg eins og vængbrotinn fugl ef maður gleymir honum heima eða þegar hann verður batteríslaus þegar maður getur ekki hlaðið hann.
Og með sms.. úff ég ætla ekki að byrja, en ég er með algjört antipat á þeim, hvað er með fólk nú til dags, fólk getur ekki tjáð sig lengur nema í gegnum sms, e-mail og annað skriflegt.
Ég meina allt í einu að nota þetta stöku sinnum, en sms-fíklar eiga í alvarlegum vandamálum.
Fyrir utan hvað þetta er dýrt !
Þótt ég sé neikvæð á þetta mál þá viðurkenni ég samt að vera háð símanum mínum, en ég er svona samt byrjuð að geta skilið hann eftir heima viljandi ef ég veit að ég er ekkert ómissandi.. sem er kannski ekki oft….
Og hvað er með þetta lið sem svarar símanum í bíó.. það að setja eitthvað dæmi í bíóin þannig að það náist ekki samband inní sölunum!
Niðurstaða: Farsímar eru ekki nauðsyn, allra síst fyrir krakka.. kannski nauðsyn í sumum störfum.

gemsar eru ekki nauðsin frekar en önnur tækni. Við getum auðvitað komist af án tækni. En okkur er það eðlislegt að nota tækni eins og gsm. Og það er ekkert slæmt við hana. Það sem ég held er það að tæknin þróast svo hratt nú á tímum að fólk hefur varlar tíma til að meðtaka hana þegar að nýjar og betri uppfiningar koma. Og hvernig verðum við sjálfstæð að við notum ekki gsm, ég spyr?

Eftir að ég flutti til Kanada þá keypti ég mér að sjálfsögðu GSM um leið og ég kom út en málið er að ég skil hann yfirleitt eftir heima. Það er miklu sjaldgæfara að fólk sé með GSM hér úti. Og hver er svo ástæðan fyrir að vera að ganga með þennan hlunk í vasanum? Af því að einhver gæti viljað ná í þig? Eða af því þú vilt geta náð í einhvern?

Ok, ég get skilið það að taka símann með ef einhver gæti nauðsynlega þurft að ná í þig, t.d. konan þín er ólétt og alveg að fara að eiga og þú átt von á símtali á hverri stundu. Fyrir utan það þá sé ég ekki af hverju það þarf að vera hægt að ná í þig. Hérna er fólk með símsvara eða talhólf á heimasímanum og það hringir í þig aftur ef þú skilur eftir skilaboð. Einfalt.

Og ef þú skildir nauðsynlega þurfa að hringja í einhvern, þá geturðu bara farið inní næstu sjoppu og fengið að hringja þar. Eða almenningssíma (þeir eru reyndar miklu algengari í Kanada en á Íslandi og yfirleitt meira að segja í lagi). En hvað oft þarf maður nauðsynlega að ná í einhvern þegar það getur ekki beðið þangað til maður kemur heim?

Þessi þörf hjá krökkum í dag að vera í stöðugu sambandi við félagana þannig að þau séu með 10-15 þús. í símareikning á mánuði, það er ekki þörf heldur val. Þeir velja, þeir borga. Mér finnst margt sniðugra sem maður gæti gert við svona pening en að hanga í símanum. T.d. ef maður safnaði þá ætti maður 120-180 þús. eftir árið. Gott sumarfrí t.d.? En ef þeir vilja frekar eyða peningnum í að hanga í símanum eða senda SMS þá er það þeirra mál.

Gemsanum mínum var stolið fyrir 2 mán. og veistu, ég er ekkert að flýta mér að endurnýja.

Fyrir utan að vera frekar blönk akkurat núna þá finn ég enga þörf fyrir að hafa gemsa. Fólk hefur reyndar verið að kvarta yfir að það sé erfitt að ná í mig. Það böggar mig ekkert. Svo sendi ég alltaf sms gegnum netið hvort eð var þannig að það breyttist ekkert (nema að núna get ég ekki fengið sms til baka).

Nú er ég reyndar líka komin með heimasíma sem ég var ekki með þegar ég fékk gemsann til að byrja með. Þá var hann algjört þarfaþing.

Þeir sem eru með kveikt á símanum í bíó eru fífl.

ég er í 3. bekk í Verzló (1. árið) og ég fékk ekki síma fyrr en núna í desember (vinur pabba gaf mér einhvern motorola síma sem hann var hættur að nota, samt mjög lítill og nettur sími). Allavega sé ég engan mun á að vera með þetta, t.d. í 10. bekk í grunnskóla var þetta ekkert að hrjá mig, og núna er það kanski mest eitt call á dag og já ég hef bara sent 1 SMS allan þennan tíma :) og eytt um 700 kr af inneigninni
Ég var og er á móti of mikilli GSM notkun, t.d. krakkar í grunnskóla (1-6. bekk) alltaf að senda SMS og með reikning yfir 10k. Það er bara sturlun.

sæll,
síminn minn bilaði nú um daginn og ég var nú bara ánægður með friðinn sem ég fékk.
kv. Schafe

gemmsar eru af hinu góða, og hafa ekki gert neitt slæmt, ég bíð bara eftir að tæknin verði svipuð og í star trek.. og þá verður gaman :)

hvað er þetta “GSM” sem allir eru að tala um. Í minni sveit höfum við komist ágætlega af án klósetta hingað til, og við erum alfarið á móti öllum tækninýjungum. Við munum bara halda áfram að skíta úti á túni.

Það eru alltaf til öfgafull dæmi sem svo oft eru ýkt mjög mikið. Ég nota minn síma ekkert meira en aðrir, eyði ekki einu sinni 500 kalli á mánuði (hef ekki átt inneign í 3 mánuði) og mér finnst ekkert óþægilegt að skilja símann eftir heima.

Ég hata fólk sem talar í símann í bíó..