Að mínu mati er þetta töluvert öryggisatriði.
Ekki fyrir svo löngu síðan var skrifuð frétt í eitthvað af öllum þessum dagblöðum sem við eigum, þar sem sagði af símtali sem þjálfari ræðuliðs hafði fengið. Í samtalinu hafði einhver hótað fjölskyldu mannsins líkamsmeiðingum en ekkert var hægt að gera sökum þess að um leyninúmer var að ræða (eða óskráð númer ég man það ekki alveg).
Hvað ef viðkomandi hefði nú ætlað að fylgja þessum hótunum eftir? hefði þá ekki verið gott fyrir lögreglu að hafa þessa leið að manninum, annaðhvort til að stöðva hann áður en hann framkvæmdi verknaðinn eða þá að minnsta kosti til að koma honum bak við lás og slá eftir að verknaðurinn var framinn?
Ég er ekki að segja að allir þyrftu að vera fyrir allra augum í símaskránni, heldur bara það að fólk væri skráð í einhvern gagnagrunn sem hægt væri að leita í ef þörf krefði.

Ég er persónulega fylgjandi því að þetta yrði tekið upp á Íslandi, að öll frelsisnúmer yrðu skráð. Dæmið sem er komið með hér í svari að ofan er einmitt ein af ástæðunum fyrir því; óprúttnir aðilar geta notað þetta sér í vil.

Ég veit ekki til þess að þetta sé brot á persónuvernd, þetta fer í gagnagrunn hjá símafélaginu, og lögreglan getur nælt sér í upplýsingar um númer sem hún þarf gegn dómsúrskurði.

Mér finnst að afskipti stóra bróðurs eigi að vera haldið í lágmarki. Þó svo að lögreglan ætti einungis að hafa aðgang að þessu þá þyrtfi það ekki að vera svo. Margir hafa óskráð frelsi öryggisins vegna.

það er fyrst og fremst verið að reyna að stöðva barnaníðinga með þessu og dópsala..

Þið sem haldið að “öryggið” sé meira ef þið eruð með óskráðan síma minnir mig svolítið á málflutning kana um byssueign ;)

æ nei, þeir vita símanúmerið mitt. er þetta virkilega spurning? einu þeir sem að tapa á þessu eru krimmarnir og óþjóðalýðurinn

Ég var einum of fljótfær á mér. Þegar ég sendi inn þessa grein en þetta er til komið svo að afbrotum og fl minnki í Noregi, eða það telur lögreglan þar.

Sammt takk fyrir ykkar innlegg.

Mér finnst fólk hérna vera að rugla svolítið saman að hafa óskráð númer eða óskráð frelsi.

Þú getur verið með óskráð númer eða sem kölluð voru leyninúmer í gamla daga. Það er bara venjulegt símanúmer en er ekki skráð í símaskráð eða 118, en Síminn veit hver á og ef þú t.d. hótaðir einhverjum og það væri rakið á þitt númer gæti löggan fengið þær upplýsingar hjá Símanum hver ætti númerið.

Það er líka hægt að vera með númeraleynd, þ.e. símanúmerið þitt birtist ekki þegar þú hringir í síma sem er með númerabirti. Margir halda að ef þeir eru með óskráð númer fái þeir sjálfkrafa númeraleynd en það var ekki þannig síðast þegar ég vissi.

Þú getur síðan verið með óskráð frelsi sem er þannig að ekki einu sinni símafyrirtækið veit hver þú ert. Þú getur hótað fólki, hringt gabbsímtöl í löggur og sjúkrabíla, stundað alla mögulega glæpi og rabbað um þá í símanum meðan löggan er að hlusta en þeir geta ekki vitað hver þú ert. Líklega gætu þeir samt notað upplýsingar til að miða númerið út og kannski sigtað út hvar þú átt heima á endanum ef þú hefur verið að gera eitthvað mjög alvarlegt.

Í sambandi við það að fólk verði að vera með óskráð frelsi til að fela sig fyrir ofbeldismönnum, þá blæs ég á svoleiðis rök. Er fólk þá líka með óskráð heimilisfang? Ekkert einfaldara fyrir ofbeldismanninn en að kíkja í heimabankann sinn í þjóðskrá og sjá hvar þú átt heima. Jafnvel þó þér takist að fá þjóðskrá til að skrá það ekki eða skrá vitlaust heimilisfang, er fólk þá líka í leynivinnu? Eru börnin þess ekki í skóla eða á leikskóla? Það er alltaf hægt að finna fólk með einhverjum leiðum ef vilji er fyrir hendi.

Þó fólk sé með leyninúmer sem er ekki skráð í símaskrá, þá þarf það ekki endilega að vera með rétt heimilisfang skráð hjá Símanum þannig að þó ofbeldismaðurinn þekki einhvern sem vinnur þar og getur flett þessu upp er hann ekkert bættari með neitt nema geta hringt í þig og þá gætir þú látið rekja hann og kært hann fyrir hótanirnar, þ.e.a.s. nema hann sé að hringja úr óskráðu frelsisnúmeri. Ég sé alla vega enga löglega þörf fyrir óskráð frelsi og er nokkuð sama þó það yrði bannað.