Byrjum á byrjun.
Rétt hjá þér, ég trúi ekki tilvist guðs.
Ég reyni eins og ég get að fullyrða það ekki því þá verð ég bannaður en það er næsta víst að hann er ekki til.

Næsta atriði, ef kristnir menn hafa rétt fyrir sér, þá er ég ekki að fara til himna þegar ég dey.
Jesú, þessi andstyggilegi drottnari mun ekki taka við mér og mér verður skotið niður í helvíti til að þola kvöl og pínu að eilífu. Hún mun aldrei minnka, hún mun aldrei hætta. Hún er óendanleg… ég fæ ekki einu sinni að deyja aftur!
Ég er góð manneskja en með því að trúa ekki á tilvist guðs hef ég sjálfkrafa sagt mig úr guðsríki og með því að afneita tilvist guðs hef ég búið svo um hnútana að ég mun ALDREI inn í það koma.

Ef hins vegar ég dey og fer til Vítis þá mun ég viðurkenna að ég hafði rangt fyrir mér, en ég mun ekki viðurkenna að núverandi afstaða mín hafi verið röng viðað við aðstæður.

Orðum þetta svona, þú kemur að gatnamótum.
Hægri… vinstri.
önnur leiðin vísar þér heim, hin að gildru sem þú fellur í og deyrð hægum dauða.

Það eru 98% líkur á því að leiðin til hægri fari með þig heim, 2% líkur á því að hún leiði þig að gildrunni.

Hvora leiðina velur þú?
Trúaðir einstaklingar kallast þeir sem velja vinstri leiðina frekar.
Ef þú hins vegar beygir til hægri og lendir síðan ofan í gildru, þrátt fyrir aðeins 2% líkur… myndiru þá samt ekki segja að miðað við aðstæðurnar á gatnamótunum að hægri leiðin hafi verið besti kosturinn í stöðunni?

Ef málið væri svona einfalt þá væru ágætar líkur á því að ég myndi fara báðar leiðir. Ég myndi lifa kristnu lífi til að koma í veg fyrir víti, en ég myndi samt aðhyllast alla vísindalega framþróun (þó svo að þetta sé þversögn að sjálfsögðu.)

En ástandið er ekki svona. Það eru til hundruð trúarbragða, þar af nokkrar gerðir af kristni, nokkrar af Islam, það er til spes guð fyrir hvert einasta þorp í Indlandi… Hvernig á maður að vera viss um að maður sé að velja réttu leiðina?
Draga miða úr hatti? kasta pening?

Þú kemur að gatnamótum með milljón götum í allar áttir. Ætlaru að kasta pening upp á það hvaða götu þú ferð?
Ætlaru að fara götuna sem foreldarar þínir fóru og hafa trú á því að það hafi verið rétta gatan?
Finnst þér önnur gata líta betur út en hinar og velur hana af því þér finnst hún henta þér best og ákveður að hafa trú á henni?

Ég kýs að fara leiðina sem mestar líkur eru á að sé rétt.
Eins og staðan er í dag, og hefur alltaf verið, þá er ekkert sem bendir til þess að guð sé til. Það eina sem hefur breyst síðastliðin 2500 ár er að aukin þekking á alheiminum hefur tekist að taka hinn alvitra, almáttuga, alsjándi guð og pakkað honum saman í einhvern anda úr annarri vídd sem getur lítið sem ekkert. Eini hæfileikinn sem hann hefur er að vera til. Það er eini hlutinn af honum sem við munum aldrei afsanna.