fyrir nokkrum árum var ég á ferðalagi um Spán og Portúgal með um 25-30 manna hópi. Þar dreymir mig eina nóttina að rútan sem við vorum í velti á hliðina á fjallavegi í ausandi rigningu. Ég kastast út úr rútunni og lendi langt í burtu. ég lít við og sé hvar rútan byrjar að renna niður í verulega djúpt gil sem var við veginn. Ég reyni að standa upp en get ekki hreyft fæturna. Ég skríð áfram í gegnum leðju og blóð úr sjálfum mér og sé hvar vinkona mín úr hópnum lemur á afturrúðuna í rútunni og hrópar á mig um leið og rútan fer fram af veginum. Þá kveða við þrumur og eldingu lýstur niður í tré við hliðina á mér. Þá vakna ég. Mig hefur dreymt þennan draum u.þ.b. þrisvar síðan.