Noproblem fyrir 19 árum, 8 mánuðum Fjöldi lestra: 360

Smá innskot

Raunveruleikinn beygir sig hvorki né teygir eftir löngunum fólks, þrá eða óskum.
Hann bara ER og það er okkar að aðlagast honum, túlka hann og skilja eftir okkar bestu getu.

Rökræður, hvort sem þær eru um dulspeki, stjórnmál eða kosti þríhyrninga framyfir ferhyrninga, snúast ekki um persónulegan sigur, heldur að komast að niðurstöðu sem er í samræmi við raunveruleikann, og hægt að byggja frekari útleiðslur á.
Það þýðir ekki að snúast útí barnaskap og byrja að snúa útúr þegar maður sér að maður hefur rangt fyrir sér.

Það er mín reynsla, og annara, að það sé áhrifalítið að “rökræða” við þá sem aðhyllast dulspeki útafþví að þeir VILJA að þeirra skoðun sé rétt og neita að breyta útaf henni.
Það virðist kannski eins og það sé svipað með efahyggjumenn, en prófið bara að koma með almennileg rök (það ætti ekki að vera mikið mál fyrir ykkur, er það?) og sjáið bara hvort þeir taka sönsum.

En má ég spyrja einhvern sem kærir sig um að svara mér, hvað þyrfti til þess að þú myndir missa trúna? Hefur þér ekki verið kennt að halda eins fast í hana og þú getur?

Eins og málin standa, þá eru ekki nægar sannanir fyrir raunveruleika æðri vera, drauga, anda, galdra, sálarfara, hugarlesturs, hugsanaflutnings og meirihluta þessara fyrirbæra.
Afhverju erum við þá að ganga útfrá því að þetta sé raunverulegt?
Fyrirbæri sem hafa verið talin dulspekileg (og eru enn af mörgum) hafa öðlast viðurkenningu í vísindasamfélaginu, t.d. dáleiðsla.

Við skulum ekki láta okkar persónulegu þrjósku standa í vegi fyrir þekkingarmaskínunni. ;)

Ég vona að þetta hafi vakið einhvern, trúmenn sem trúleysinga, til umhugsunar. :)

Kv. Duff

MacLeod fyrir 19 árum, 8 mánuðum

Sæll Duff.

Ein af mínum ástæðum til að trúa því að framliðnir geti gert vart við sig eða lifi á öðru tilvistarstigi eftir líkamsdauðann er sú að ég þekki fólk sem er skyggnt og ein af þessu fólki er amma mín.
Ég er alinn upp hjá henni og því þekki ég hana í raun betur heldur en margir af mínum ættingjum, þar sem að náin samvist með fólki veitir manni öðruvísi innsýn á líf þeirra heldur en ef ég þekkti hana aðeins af heimsóknum eins og gefur að skilja.

Þau ár sem ég bjó hjá henni að þá talaði hún oft um að hún hafði séð þennan og þennan og ræddi stundum við mig um andleg mál þar sem ég var næmur sem barn (önnur af mínum ástæðum), en man þó lítið eftir því sem ég sá eða heyrði.
Nú á dögum er ég mun minna næmur, það kemur fyrir að ég sjái einhverja framliðna en það er svo stutt í senn og sjaldan.

Mér er í raun ekkert um að vera næmur því það er ekkert skemmtilegt við það, manni bregður hroðalega við það að verða var við eitthvað.
Það var í raun ekki fyrr en í hitt í fyrra sem að ég fór að kynna mér andleg málefni upp á eigin spítur þótt að þetta málefni hafi alltaf legið svona nærri mér og því meira sem ég les mér til um þetta eða tala við einhvern næmann, því meira róast ég og get því ekki sagt annað en að þetta hafi gert mér annað en gott, upp að vissu marki. Þótt það sé gott að öðlast skilning að einhverju leiti að þá er svo mikið af ósvöruðum spurningum varðandi þess konar málefni að maður verður ringlaður á móti. Andleg málefni eru einhver flóknasta hringavitleysa sem nokkurn tíma hefur drifið á daga mannsins.

Fyrra álit

Noproblem fyrir 19 árum, 8 mánuðum

Takk fyrir svarið, ég var farinn að halda að ég væri svona hrikalega leiðinlegur. :)

En já, ég lít ekki á upplifanir fólks sem mjög áreiðanlega sönnun fyrir svona fyrirbærum.

Afi minn á samtöl við gvuð (Jehóva, gvuð kristinna) og gerir allskonar hluti fyrir hann - þegar hann tekur ekki lyfin sín.
Afi minn er geðklofi.

Auk þess hafa tilraunir sýnt fram á að það er hægt að framkalla umþb. allar þessar guðlegu tilfinningar á rannsóknarstofu með þekktum og stjórnuðum aðferðum.

LSD, meskalín og fleiri ofskynjunarefni geta látið mann upplifa allann andskotann.

Það er ekki mikið að marka það sem maður sér, heyrir, finnur eða bragðar.

Fyrra álit

MacLeod fyrir 19 árum, 8 mánuðum

Það sem ég tek mark á er að þegar amma mín og maður frænku minnar, sem er einnig næmur, eru samankomin á einhverjum stað, að þá sjá þau bæði viðkomandi veru ef einhver er til staðar.

Ég hef tekið eftir því að í svörum þínum að þá hefur þú tekið harða afstöðu með því að dulvísindi séu lítið annað en þjóðsögur, svik og prettir. Ég geri mér fulla grein fyrir því að það eru til litlar sem engar sannanir á blaði fyrir því að framliðnir reiki um á öðrum tilvistarsviðum. En þú mátt ekki horfa framhjá því sem að t.d. miðlar hafa gert. Það leynast góðir miðlar inni á milli svikahrappana sem hafa sýnt það að framliðnir geti gert vart við sig með einhverjum hætti.

Þú ættir að prufa að lesa t.d. bækurnar eftir Hafstein Björnsson (getur fundið þær á bókasöfnum) og allavega að leita sannana fyrir því að dulspeki sé ekkert annað en vitleysa. Það er ekki nóg að skrifa hérna inni á Huga að þessi og þessi sé vitlaus af því að þeir trúi á drauga og styðja mál þitt með þeim rökum að það liggi engar sannanir fyrir tilvist framliðinna þegar þú hefur ekki einu sinni leitað þeirra. Allavega ekki vel.
Þegar þú ferð að leita einhverra sannana að þá ferðu að sjá hversu yfirgripsmikið þetta málefni er og að það er helvíti mikið af snjöllum hlutum þarna innanborðs.

ég þekki fólk sem hafa verið harðir andstæðingar dulspeki en síðar orðið góðir talsmenn hennar og kannski innan tíðar gætir þú orðið það einnig!

Fyrra álit

Noproblem fyrir 19 árum, 8 mánuðum

Gaman að þú skulir reyna að sannfæra mig með svona málflutningi.

"[...] litlar sem engar sannanir [...]“
Ekki bara litlar sem engar sannanir, heldur alveg einstaklega litlar líkur á því, og það samræmist ekki því hugmyndakerfi sem virðist ganga einna best upp.

”Ég hef tekið eftir því að í svörum þínum að þá hefur þú tekið harða afstöðu með því að dulvísindi séu lítið annað en þjóðsögur, svik og prettir. “
Það bendir allt til þess að þetta sé frekar rétt afstaða hjá mér, er það ekki?

”En þú mátt ekki horfa framhjá því sem að t.d. miðlar hafa gert.“
Ég geri það ekki, ég sé það ágætlega.
Ég sé ágætlega hvernig þeir blekkja fólk og svíkja útúr því peninga.
Auk þess voru miðlarnir miklu skemmtilegri áður, þá fóru þeir allavega í trans og gerðu eitthvað sniðugt, en nútildags segja þeir manni bara að langamma manns biðji að heilsa og sé með einhverjar algjörlega tilgangslausar fréttir að handan.

”Það er ekki nóg að skrifa hérna inni á Huga að þessi og þessi sé vitlaus af því að þeir trúi á drauga og styðja mál þitt með þeim rökum að það liggi engar sannanir fyrir tilvist framliðinna þegar þú hefur ekki einu sinni leitað þeirra. Allavega ekki vel.“
Á ég semsagt að sjá um að sanna þær tilgátur sem aðrir setja fram?
Tala nú ekki um þar sem fjölmargir aðrir hafa elt þá gulrót, og ekki orðið neins varir. (Ef þeir hefðu orðið einhvers varir og svona ”dulræn öfl“ væru til, þá væri heimsmynd okkar ekki eins og hún er núna, er það?)

”ég þekki fólk sem hafa verið harðir andstæðingar dulspeki en síðar orðið góðir talsmenn hennar og kannski innan tíðar gætir þú orðið það einnig!"
Ef ég væri ekki í svona góðu skapi þá kæmi ég með eitthvað kalhæðið comment um það hvað ég væri sannfærður eftir að hafa lesið þessa setningu, og ætlaði bara strax að kaupa mér svört kerti, pentagram og galdrabók. :)

Veistu hver Harry Houdini var?

Fyrra álit

Spor fyrir 19 árum, 8 mánuðum

Elsku Duff

Það er ekki rétt hjá þér að það séu bara blekkingar og peningaplokk.
Því það eru til miðlar sem taka ekkert fyrir en þeir fara huldu höfði því annars fengu þér aldrei frið.

Góður miðill getur sagt þér um ýmislegt sem þú hefur ekki sagt frá eða hlutum sem hann ætti ekki að vita.

EF getur verið stórt orð

Fyrra álit

Noproblem fyrir 19 árum, 8 mánuðum

Það þýðir ekkert að gagnrýna niðurstöðuna, gagnrýndu forsendurnar sem hún er dregin útfrá.

Fyrra álit

Spor fyrir 19 árum, 8 mánuðum

Niðurstöður eru ekki alltaf réttar
Það var nú einu sinni haldið fram að jörðin væri flöt sem reyndist svo ekki vera rétt

EF getur verið stórt orð

Fyrra álit

Noproblem fyrir 19 árum, 8 mánuðum

Flatneskja jarðarinnar var ekki niðurstaða heldur trú. Ekki breyta um umræðuefni. ;)

En það sem ég vill meina er, að ef þú vilt setja útá niðurstöðurnar, bentu þá á hvað það er við þær sem er rangt í staðinn fyrir að segja bara að þér sé illa við þær. :)

Kv. Duff

Fyrra álit

Spor fyrir 19 árum, 8 mánuðum

ja eins og ég er búin að segja þér eru oft eru sumir hlutir rétt eins og sumar tilfinningar ólýsanlegar né hægt að koma í orð
Það er bara sona aðstæður sem þú verður að upplifa.
Ég vildi gjarnan hjálpa þér en það er frekar erfitt í gegnum netið;)

kv Spo

EF getur verið stórt orð

Fyrra álit

Dulspeki

Dulspeki

Ofurhugar

Stjórnendur

Hverjir eru inni

Korkar - Almennt um dulspeki

Smá innskot

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi