Núna undanfarið hefur mig dreymt rosalega furðulega drauma.. Og ég botna ekkert í þeim.
Eru alltaf einhverjar sérstakar þýðingar á draumum, jafnvel þó þeir séu eitthvað bull?
Allavegana, hérna er einn af þessum draumum:

Semsagt, þá var ég með krabbamein undir höndunum. Og ég fór í aðgerð til að taka krabbameinið. Og ég fékk einhverja sprautu í vinstri handlegginn. Svo sofnaði ég(í draumnum sko). Og svo þegar ég vaknaði aftur(í draumnum ennþá) þá spurði ég: Hva, er þetta bara búið? Og þá var eitthvað fólk þarna, ég man ekki eftir andlitunum, sem hló og sagði að ég hefði sofið rosalega lengi. Svo kom hjúkka með aðra sprautu í höndina og þá meiddi ég mig rosalega og ætlaði að nudda þar sem sprautan kom í mig. En þá kom hjúkkan bara:,, Í guðanna bænum ekki lyfta höndinni! :|“ Og ég skildi ekkert. Svo kíkti ég í spegil og lyfti höndinni og sá þá sauminn þar sem hafði verið skorið. Og svo allt í einu var ég komin til útlanda með Mæju(systur pabba), Símoni(manninum hennar) og Svandísi(dóttir þeirra en ég fór einmitt til Spánar með þeim núna í sumar). Veit ekki alveg í hvaða land en við vorum allavegana í svona vatnsrennibrautagarði.
Og svo allt í einu kom eitthvað fólk sem ég held að hafi verið amma Bogga(mamma stjúpmömmu minnar) og afi Nonni(pabbi stjúpmömmu minnar). Ekki alveg viss samt. Allavegana.. Þá fóru þau að tala um að við Svandís værum ekkert í rennibrautunum. Þá spurði Svandís hvort ég nennti að koma í bíósal og ég svaraði eitthvað: Já það væri frábært, ég er einmitt svo þreytt eftir aðgerðina. Og hún leit á mig með einhverjum skrítnum svip.. eins og ég væri eitthvað skrítin.
Svo fórum við að labba í þennan bíósal. Og inni í bíósalnum var verið að sýna teiknimynd. Og við vorum rosa spenntar og settumst. Þá kom einhver gaur í Bananabúningi og fór að kasta bláum púða í krakka. Þá tók ég púðann og notaði hann sem kodda og fór að sofa í bíóinu.
Svo allt í einu var ég að labba út úr vatnsrennibrautargarðinum, framhjá einhverjum varðturni og svaka. Og svo rakst ég á einhverja stelpu á hjóli og hún var með einhverjum litlum strák. Og ég sagði:,,Æ sorrý.” Þá kom einhver önnur stelpa með myndavél og fór að taka myndir af stráknum. Þá labbaði ég bara áfram.
Svo kom ég í einhvern bæ.. Þar sem það virtist ekki vera neitt fólk. Þá hitti ég einhverja krakka, man ekki alveg hvaða krakkar það voru en það voru allavegana einhverjir úr skólanum mínum, og við eitthvað fórum að skoða bæinn. Og inná einhverri krá var fullt af fólki sem sat alveg kjurt eins og það væri dáið eða eitthvað.. En svo varð klukkan 12 á miðnætti og þá allt í einu hljóp allt fólkið út á eitthvert plan og það kom fullt af öðru fólki líka. Og svo kom maður sem sagði: Jæja allir að fara að sofa núna! Og þá fór allt fólkið og ég vaknaði :S