Hmmm, þetta hefur ekkert að gera með Blade Runner (nema kannski útlitið á Matrix). Rólegur á fullyrðingunum, þú hefur varla lesið allar bækur í heiminum er það? Fullt af fólki hefur fengið svipaða hugmynd. Hvað nákvæmlega í Matrix er hugmynd Grant Morrison?

Valis eftir Philip K. Dick er ekkert í líkingu við Blade Runner (Do Androids…). Hún er byggð á trúarlegri upplifun sem PKD fékk árið 1974 og hafði áhrif á allt sem hann gerði eftir þann tímapunkt. PKD upplifir sig sem kristinn uppreisnarmann í Rómarveldi. Hann telur að Rómarveldi hafi aldrei endað, heldur séum við fangar Rómverja í s.k. Black Iron Prison, en vitum ekki af því. Fyrir guðlega opinberun getum við séð í gegnum blekkinguna og fengið vitneskju um hver við erum og hvaðan við komum. Það þarf engan snilling til þess að sjá að Black Iron Prison er sambærilegt við Matrix. Allt sýndarveruleikadraslið var svo búið að gera áður í cyberpunk bókmenntum William Gibson, en það skiptir svo sem engu máli fyrir söguna hvort blekkingin er sýndarveruleiki eða hugræn eða hvort arkonarnir eru tölvur eða djöflar.

Í Illuminatus Trilogy eru svipuð átök Discordian anarkistanna og Illuminati sem standa fyrir valdboð og ánauð, og trúarleg opinberun um eðli heimsins og blekkingu skipar veigamikið hlutverk. Ég hef ekki lesið alla trílógíuna og treysti mér ekki alveg til þess að tjá mig um hana. Það sló mig a.m.k. þegar ég las Invisibles hvað sagan er lík þessum bókum. Reyndar getur Morrison þess í skýringabókinni Anarchy For The Masses að Invisibles sé undir áhrifum frá þessum bókum. En þá á hann ekkert að væla yfir því að Matrix sé undir áhrifum af Invisibles. Hvað er það? Ekki sé ég transvestite shamana frá Brasilíu sprengjandi upp efnaverksmiðjur og að berjast við pöddur og hauslausar verur frá annarri vídd, eða menn droppandi sýru t.þ.a. særa upp John Lennon.

Reyndar er ekkert Chaos Magick, Shamanismi, Vúdú eða Tantra í Matrix, það er allt symbólískt með tækninni. Það eina sem er líkt er gnostísismi, hugmyndin um ánauð mannsins og hasarmikil barátta milli tveggja afla; annars vegar þeirra sem standa fyrir valdboð og ánauð og hins vegar þeirra sem berjast fyrir frelsi. Og eins og ég hef sýnt fram á er þetta ekkert nýtt.