Mitt altari er kistill sem ég geymi allt dótið mitt í þegar ég er ekki að nota það auk kertanna og annarra hluta sem ég nota í iðkunum. Á hann breiði ég oft svartan silkidúk eða hef ekkert. Svo hef ég tvö altariskerti, svona stór hvít sem ég hef málað á tákn fyrir Guðinn og Gyðjuna. Guðskertið er hægra megin en Gyðjukertið vinstra megin. Milli þeirra hef ég oftast eitt kerti sem er táknrænt fyrir athöfnina sem ég er að fara að gera og disk með salti. Á miðju altarinu er pentagram búið til úr leir og fyrir framan það rýtingurinn minn. Hægra megin á altarinu hef ég reykelsisstandinn minn og sprotann en vinstra megin er bikarinn minn og tíbetsk bænaskál sem ég hef alltaf með líka. Svo er tromman mín líka oft á altarinu og þá bara þar sem ég kem henni fyrir.
Kveðja
Nishanti