Aloha kjánastelpa.

Ég rakst á þetta bréf þitt og ætla að reyna að svara þér að einhverju leiti
Ég sjálfur er næmur upp að vissu marki (er ekki sjáandi en skynja soldið og er nokkuð vel lesinn í dulspeki). Það eru tveir möguleikar í gangi:
a) annað hvort er einhver að stríða þér. . .
b) að einhver framliðinn sé í húsinu.

Það að einhver framliðinn sé í húsinu þarf ekki endilega að vera slæmt. Maður hefur að sjálfsögðu heyrt meira af því að það hljótist eitthvað illt af því en ástæðan fyrir því er svipuð og að það er meira “krassandi” að heyra af því að einhver alþingismaður hafi stundað fjársvik til margra ára heldur en að sextán ára strákur hafi gefið heimilslausum einstaklingi matarkörfu og hlýja úlpu.
Yfirleitt er talið að ástæða þess að framliðnir reiki um í húsum sé vegna þess að þeir eigi erfitt með að slíta sig burt frá staðnum. Stundum kemur það fyrir að þeir séu að láta vita af sér (þú getur rétt ímyndað þér hvernig það væri að vera ósýnilegur alla daga og enginn yrðir á mann eða tekur eftir manni). Mikill meirihluti framliðna hafa ekki þá hæfileika að geta hreyft við eða tekið upp hluti, það gæti verið skýringin á því að skálinn detti á gólfið. Það sem ég myndi gera er að biðja fyrir þessari sál sem er í húsinu (skiptir ekki máli þótt þú sért ekki kristinnar trúar, málið er bara að senda góða strauma og biðja hinu æðstu veru(ur) hvor sem það það er Guð, Jesús, Búdda os.frv. um að blessa þessa sál og að hún komist á góðann stað) Reynslan er sú að góð orka hjálpi. Bænarhringir hafa í mörgum tilfellum losað fólk við reimleika, eða að minnsta kosti hjálpað til við að losna við þá.

Þegar amma mín var yngri þá var hún mjög skyggn. Oft varð hún var við unglingstrák sem hafði rekið sitt eigið líf mörgum árum árum en foreldrar hennar fluttust á jörðina í þeirri sveit sem hún bjó í. Það eina sem þessi strákur vildi frá ömmu minni var að hún bæði fyrir honum. Sem hún gerði ófáum sinnum og einhverju seinna hætti hann að venja komu sínar til hennar og þeirra sem voru skyggnir í sveitinni.

Ef þetta “fyrirbrigði” heldur áfram gætir þú kannski spurt þá sem eiga heima þarna svona eins og í gríni og athugað viðbrögð þeirra.
í framhaldi gætir þú mögulega fundið út hvort þau viti eitthvað meira um þetta eða þennann framliðna einstakling sem er í húsinu. Ef þér líður illa í húsinu ættir þú að sjálfsögðu að biðjast undan því að passa þarna en eins og þú lýsir þessu þá e ekkert sem gefur til kynna að þetta sé eitthvað illt.

Vonandi gangi þér vel með “félagann þinn” og ef einhverjir aðrir mér reyndari menn eða kvennmenn hafi athugasemdir varðandi svar mitt eða hafa áhuga á að svara stelpunni, endilega geri svo.

Kveðja
MacLeod.